  Դինքի գործը վարող Ստամբուլի դատարանը փորձում է «շտկել» իր սխալները  14 փետրվարի 2012 - 14:46 AMTPanARMENIAN.Net - Ստամբուլի դատարանում դատական լսում է տեղի ունեցել Ջոշքուն Իիջիի գործով, որը մեղադրվում է «Ակոս» հայ-թուրքական թերթի գլխավոր խմբագիր Հրանտ Դինքի սպանության մեջ, գրում են թուրքական լրատվամիջոցները: Մասնավորապես, Իիջին մեղադրվում է Յասին Հայալին սադրելու մեջ, որպեսզի վերջինս գնի այն զենքը, որից սպանվեց Դինքը: Իիջիի գործը բաց էր թողնվել լրագրողի սպանության գործով ընդհանուր դատավարությունից, ինչը այսօր առանձին նիստ անցկացնելու պատճառ էր դարձել: Իիջին դատարանում հայտնել է, որ Դինքի սպանությունից դեռևս 4 ամիս առաջ Տրապիզոնի ոստիկանությանը հաղորդել է դրա նախապատրաստման մասին: «Ես մեղավոր չեմ»,- նկատել է Իիջին` նշելով այն ոստիկանների անունները, որոնց ինքը հաղորդել է այդ տեղեկատվությունը: Նրանք էին Ալի Օզը, Մեթին Յըլդըզը, Օրհան Շիմշեքը և Վեյսել Շահինը: Հունվարի 17-ին թուրքական դատարանը 10 տարվա ազատազրկման է դատապարտել «Ակոս» թերթի գլխավոր խմբագիր Հրանտ Դինքի սպանության գործով մեղադրվող Էրհան Թունջելին և ցմահ բանտարկության` Յասին Հայալին: Դատավարությունը տևեց 5 տարի: Հրանտ Դինքը սպանվել է 200թ. հունվարի 19-ին իր թերթի խմբագրության առջև: Կասկածյալ Օգյուն Սամասթը ձերբակալվեց 32 ժամ անց: 2011թ. ամռանը Ստամբուլի դատարանը նրան դատապարտեց 21 տարվա ազատազրկման: Լսումների ժամանակ Սամասթը հայտարարեց, թե ինքը դարձել է թուրքական իշխանությունների հակահայկական քարոզչության զոհը: Դինքի ընտանիքի փաստաբանները գտնում են, որ Սամասթը գործիք է եղել հանցագործության պատվիրատուների ձեռքում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
