Թուրքիան գոհ է Ֆրանսիայի Սահմանադրական խորհրդի որոշումից և որոշել է հաշտվել Փարիզի հետ

Թուրքիան գոհ է Ֆրանսիայի Սահմանադրական խորհրդի որոշումից և որոշել է հաշտվել Փարիզի հետ

PanARMENIAN.Net - Թուրքիան «ողջունում է» Ֆրանսիայի Սահմանադրական խորհրդի որոշումը, որով Հայոց ցեղասպանության ժխտումը քրեականացնող օրինագիծը ոչ սահմանադրական է ճանաչվել: Ինչպես հայտնել է Թուրքիայի արտգործնախարար Ահմետ Դավութօղլուն, Թուրքիայի նախարարների կաբինետը կդիտարկի Ֆրանսիայի հետ տնտեսական, քաղաքական և ռազմական հարաբերությունների վերսկսման հարցը, որոնք «սառեցվել էին հունվարի 23-ից հետո, երբ Ֆրանսիայի Սենատն ընդունեց օրինագիծը»:

Ֆրանսիայի Սահմանադրական խորհուրդն այսօրվա նիստում ոչ սահմանադրական է ճանաչել ցեղասպանությունների, այդ թվում` Հայոց ցեղասպանության ժխտումը քրեականացնող օրինագիծը:

Հունվարի 23-ին Ֆրանսիայի Սենատը կողմ է քվեարկել ցեղասպանությունների, այդ թվում` Հայոց ցեղասպանության ժխտումը քրեականացնող օրինագծին: 2011թ. դեկտեմբերի 22-ին օրինագիծն ընդունվել էր Ֆրանսիայի Ազգային ժողովում: Օրինագծի հեղինակը պատգամավոր Վալերի Բուայեն է: Օրինագիծը ժխտման համար նախատեսում է 1 տարվա ազատազրկում և 45 հազ. եվրոյի չափով տուգանք: Ինչպես հաղորդել են Ելիսեյան դաշտերից, նախագահն օրինագիծը կստորագրի 14 օրվա ընթացքում:

Թուրքիան շատ ցավագին ընդունեց այդ օրինագծին Սենատի հավանություն տալը` հայտարարելով Ֆրանսիայի հետ քաղաքական, ռազմական և տնտեսական համագործակցության սառեցման մասին:

Որոշ ֆրանսիական սենատորներ Սահմանադրական խորհուրդ են դիմել օրինագիծը ոչ սահմանադրական ճանաչելու նպատակով: Սպասվում էր, որ Խորհուրդը որոշում կընդունի մինչև մարտի 1-ը:

Ֆրանսիայի նախագահ Նիկոլյա Սարկոզին խոստացել է Հայոց ցեղասպանության ժխտումը քրեականացնող նոր օրինագիծ դնել շրջանառության մեջ, եթե Սահմանադրական դատարանը ոչ սահմանադրական ճանաչի հունվարի 23-ին Սենատի կողմից ընդունված օրինագիծը:'

 Ուշագրավ
Շանսոնյեն կկատարի իր ամենահայտնի երգերը, նաև կկենտրոնանա իր վերջին՝ «Encore» ալբոմի վրա
ՀՀ գլխավոր դատախազը Երմոլաևին է փոխանցել Ադրբեջանի գլխավոր դատախազությանը հասցեագրված պահանջագիրը
Ղարաբաղա-ադրբեջանական հակամարտ զորքերի շփման գծում հակառակորդը շարունակել է տարբեր տրամաչափի հրետանային և հրաձգային զենքերից խախտել հրադադարի պահպանման ռեժիմը
Բանաձևը կոչ է անում ճանաչել Թուրքիայի կողմից իրականացված ցեղասպանությունը և հորդորում Միացյալ Նահանգներին այդ դեպքերը «ցեղասպանություն» կոչել, հայտնում է Ամերիկայի հայկական համագումարը