Սահմանադրական խորհրդի որոշումը չի արտահայտում Ֆրանսիայի իշխանությունների դիրքորոշումը, գտնում է Վարժապետյանը28 փետրվարի 2012 - 21:58 AMT PanARMENIAN.Net - Հայոց ցեղասպանության ժխտումը քրեականացնելու հարցի վերաբերյալ ֆրանսիական իշխանությունների դիրքորոշման ոչ մի փոփոխություն չկա, վստահ է Փարիզում «Հայ Դատի» գրասենյակի ղեկավար Հրաչ Վարժապետյանը: PanARMENIAN.Net ի թղթակցի հետ զրույցում նա Հայոց ցեղասպանության ժխտումը քրեականացնող օրինագիծը ոչ սահմանադրական ճանաչելու վերաբերյալ Ֆրանսիայի Սահմանադրական խորհրդի որոշումը բացատրել է խորհրդի անդամների վրա թուրքական ճնշմամբ, ինչպես նաև թուրքական շրջանակների հետ խորհրդի որոշ անդամների գործարար և այլ կապերով: Վարժապետյանն իր զարմանքն է արտահայտել Սահմանադրական խորհրդի որոշմամբ, որը հակասում է երկրի նախագահի, խորհրդարանի վերին և ստորին պալատների, ընդդիմության առաջնորդ Ֆրանսու Օլլանդի դիրքորոշմանը: Այս կապակցությամբ նա հիշեցրել է Սարկոզիի խոստումի մասին` Հայոց ցեղասպանության ժխտումը քրեականացնող նոր օրինագիծ շրջանառության մեջ դնելու վերաբերյալ: Ինչ վերաբերում է Ֆրանսիայի հայ համայնքի հետագա քայլերին, ապա «Հայ Դատի» գրասենյակի ղեկավարը հայտնել է, որ իրենք մտադիր են ամենակարճ ժամկետներում ձեռնամուխ լինել Հայոց ցեղասպանության ժխտումը քրեականացնող նոր օրինագծի մշակմանը: «Մենք երբեք զենքը վայր չենք դնի»,- ընդգծել է նա: Ֆրանսիայի Սահմանադրական խորհուրդն այսօրվա նիստում ոչ սահմանադրական է ճանաչել ցեղասպանությունների, այդ թվում` Հայոց ցեղասպանության ժխտումը քրեականացնող օրինագիծը, որն ավելի վաղ ընդունվել էր երկրի Սենատի կողմից: Սահմանադրական խորհուրդն իր որոշումը հիմնավորել է նրանով, որ օրենքը «հակասում է Ֆրանսիայի Սահմանադրության 33-րդ հոդվածին խոսքի ազատության մասին»: Հունվարի 23-ին Ֆրանսիայի Սենատը կողմ է քվեարկել ցեղասպանությունների, այդ թվում` Հայոց ցեղասպանության ժխտումը քրեականացնող օրինագծին: 2011թ. դեկտեմբերի 22-ին օրինագիծն ընդունվել էր Ֆրանսիայի Ազգային ժողովում: Օրինագծի հեղինակը պատգամավոր Վալերի Բուայեն է: Օրինագիծը ժխտման համար նախատեսում է 1 տարվա ազատազրկում և 45 հազ. եվրոյի չափով տուգանք: Թուրքիան շատ ցավագին ընդունեց այդ օրինագծին Սենատի հավանություն տալը` հայտարարելով Ֆրանսիայի հետ քաղաքական, ռազմական և տնտեսական համագործակցության սառեցման մասին:
Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Փաստաբան․ Աշոտ Հարությունյանը սրբազանի հորդորով դադարեցրել է հացադուլն ու ջրադուլը Նա այժմ ոչ թե մյուս ձերբակալվածների նման գտնվում է ՁՎՊ–ում, այլ հիվանդանոցում Օդի ջերմաստիճանը հունիսի 1-ին կնվազի 2-4 աստիճանով Երևանում հունիսի 2-3-ին սպասվում է առանց տեղումների եղանակ ՌԴ մասնագետները երկաթուղու ջրալցված հատվածների մանրազնին հետազոտություն են իրականացնում Ներկայում իրականցվում է էլեկտրաենթակայանների չորացում, վերականգնվում է վնասված կայանների էլեկտրամատակարարումը |