Իրանի ադրբեջանաբնակ շրջաններ են մտցվել զրահատանկային ուժերի ստորաբաժանումներ, իրանական հատուկ ծառայություններն ուժեղացրել են Ադրբեջանի տարածքով տեխնիկական հետախուզությունը:

Հայաստանում Ռուսաստանի եւ Ուկրաինայի դեսապանատների, Հայաստանի եւ Ռուսաստանի զինված ուժերի ներկայացուցիչները ծաղկեպսակներ են դրել Անհայտ զինվորի շիրիմին:

Արամ Հարությունյանը նախագահական ընտրությունների երկրորդ փուլ դուրս եկած թեկնածուներին` Հայաստանի գործող նախագահ Ռոբերտ Քոչարյանին եւ ՀԺԿ առաջնորդ Ստեփան Դեմիրճյանին, ինչպես նաեւ նրանց աջակցող ուժերին կոչ է արել «հանդուրժողականություն դրսեւորել հանուն երկրի կայունության եւ անվտանգության ապահովման»:

Ապրիլի 1-ից Բաքվի իշխանությունները նախատեսում են սկսել հայկական եւ ռուսական գերեզմանների ոչնչացումը Նարիմանյան գերեզմանատան այն հատվածում, որտեղ պետք է նոր ավտոճանապարհ անցնի:

Ստեփան Դեմիրճյանի նախընտրական շտաբի ղեկավար, ՀՀ խորհրդարանի պատգամավոր Գրիքոր Հարությունյանն այսօր իր տարակուսանքն է հայտնել նախկին թեկնածու Արտաշես Գեղամյանի այն հայտարարության կապակցությամբ, որ Հայաստանի գործող իշխանությունները լավ գիտակցում են, որ ընդդիմության հաղթանակի դեպքում «գնդակահարվելու են»:

Իտալիայի արտաքին գործերի տեղակալի Հայաստան կատարած այցի նպատակն է` ծանոթանալ տարածաշրջանային հիմնախնդիրներին Եվրամիությունում Իտալիայի նախագահության նախաշեմին:

Ստեփան Դեմիրճյանի նախընտրական շտաբի անդամ, խորհրդարանի պատգամավոր Վարդան Մկրտչյանը հայտարարել է, որ ՀԺԿ-ն մտադիր է մասնակցել ընտրությունների հետ կապված բոլոր միջոցառումներին:

«Ազգային միաբանություն» կուսակցության ղեկավար Արտաշես Գեղամյանն այսօր Երեւանում պահանջել է չեղյալ հայտարարել փետրվարի 19-ի քվեարկության արդյունքները եւ կոչ է արել անցկացնել նոր «ազատ, արդար, օրինական» ընտրություններ:

Երկրորդ փուլ դուրս եկած ընդդիմությունից նախագահի թեկնածու, Հայաստանի ժողովրդական կուսակցության առաջնորդ Ս.Դեմիրճյանը հայտարարել է HTB հեռուստաընկերությանը, որ ինքը ոչ մի խնդիր չի տեսնում նախագահության երկրորդ ժամկետի համար առաջադրված պետություն գործող նախագահ Ռոբերտ Քոչարյանի հետ ուժերը չափելու առչնությամբ:

Խաղաղ բնակիչների շարասյան գնդակահարությունը Աղդամի շրջանի մատույցներում, ինչն ավելի ուշ հաստատեց Այազ Մութալիբովը, կապված էր իրեն իշխանությունից հեռացնելու եւ կատարվածի ողջ պատասխանատվությունն իր վրա բարդելու ընդդիմության փորձերի հետ: