  Սպանություն, բանաձեւ, ընտրություններ եւ Ղարաբաղ. 2007-ի իրադարձություններըԱյս տարին ողբերգական սկիզբ ունեցավ. Ստամբուլում սպանվեց հայ-թուրքաիան թերթի գլխավոր խմբագիր Հրանտ Դինքը Տարեվերջում ընդունված է ամփոփել արդյունքները, չնայած 2007 թվականը շատ հարուստ չէր իրադարձությունների տեսանկյունից: Այս տարին ողբերգական սկիզբ ունեցավ. Ստամբուլում սպանվեց հայ-թուրքական թերթի գլխավոր խմբագիր Հրանտ Դինքը: Եւ չնայած մարդասպանը` 17-ամյա ծայրահեղ ազգայնական Օգյուն Սամասթը, ձերբակալվել է սպանությունից հաշված ժամեր անց, նրա եւ եւս 18 կասկածյալների դատը հետաձգվել է մինչեւ 2008 թվականի փետրվարի 2-ը: Թուրքական օրենսդրության համաձայն, Սամասթին` որպես անչափահասի, 18-ից 24 տարվա ազատազրկում է սպառնում: Ճիշտ է, Հրանտ Դինքի ընտանիքի փաստաբանները չեն բացառում նաեւ իրադարձությունների այլ ընթացքը: Ամբողջովին Սամասթին չի հաջողվի արդարացնել, սակայն մինիմալ պատիժը հնարավոր է: Իդեպ, 2007 թվականի ընթացքում աշխարհում 91 լրագրող է սպանվել:  27 դեկտեմբերի 2007PanARMENIAN.Net - Հունվարի 30-ին կոնգրեսական Ադամ Շիֆը ԱՄՆ Ներկայացուցիչների պալատ է ներկայացրել 106-րդ բանաձեւը` Օսմանյան կայսրությունում 1915-1923 թվականներին Ցեղասպանության ճանաչման հաստատման մասին: Բանաձեւում նաեւ նշվում է, որ ԱՄՆ նախագահը պարտավոր է օգտագործել «ցեղասպանություն» տերմինը ապրիլի 24-ի իր ամենամյա ուղերձում ԱՄՆ հայ համայնքին: Բանաձեւի քննարկումը խստորեն դատապարտվեց Թուրքիայի կողից: Անկարան շանտաժի եւ ճնշման միջոցով կարողացավ ստիպել ԱՄՆ նախագահի աշխատակազմին եւ Պետդեպարտամենտին հետաձգել քվեարկությունը Պալատում, չնայած, որ հոկտեմբերի 10-ին ԱՄՆ Ներկայացուցիչների պալատը 27 «կողմ» եւ 21 «դեմ» ձայների հարաբերակցությամբ հավանություն է տվել 106-րդ բանաձեւին: Ընդ որում, կարեւոր է նաեւ այն հանգամանքը, որ հանձնաժողովում լսումների ընթացքում անգամ դեմ քվեարկած կոնգրեսականներից ոչ ոք կասկածի տակ չդրեց այն, որ Օսմանյան կայսրությունում հայերի զանգվածային սպանությունները ցեղասպանություն են եղել: Փետրվարին Հայաստանի եւ Իրանի նախագահ Ռոբերտ Քոչարյանն եւ Մահմուդ Ահմադինեժադը բացել են Իրան-Հայաստան գազատարը, որը դարձել է Հայաստանի գազի մատակարարման երկրորդ աղբյուրը: Գազատարը շահագործման ենթարկելով` էներգետիկ կախվածությունը ռուսական ճյուղից, որն անցնում է Վրաստանի տարածքով, բավական կրճատվել է: Ապրիլին լրացավ Հայաստանի եւ Ռուսաստանի դիվանագիտական հարաբերությունների հաստատման 15-ամյակը: Այդ առիթով Երեւան ժամանեց ՌԴ ԱԳՆ ղեկավար Սերգեյ Լավրովը: Երկրի ղեկավարության եւ լրագրողների հետ հանդիպմանը Լավրովը եւս մեկ անգամ հաստատել է ՀՀ եւ ՌԴ ռազմավարական համագործակցության կարեւորությունը: Մայիսին Հայաստանում կայացան խորհրդարանական ընտրություններ, որոնց արդյունքում էական գերազանցությամբ հաղթանակ տարավ Հայաստանի Հանրապետական կուսակցությունը` վարչապետ Սերժ Սարգսյանի գլխավորությամբ: Ընտրությունները առաջին անգամ դրական գնահատակ ստացան ԵԱՀԿ-ի եւ ԵԽԽՎ-ի կողմից: Անցած տարում Ղարաբաղի հարցը գրեթե փոփոխություններ չի ապրել: Մադրիդում ԵԱՀԿ գագաթնաժողովին ԵԱՀԿ ՄԽ համանախագահները երկու երկրների արտգործնախարարներին գրավոր առաջարկությունների փաթեթ են փոխանցել: ՄԽ ռուս համանախագահ Յուրի Մերզլյակովի խոսքերով, միջնորդները կարող են մինչ Հայաստանի նախագահական ընտրությունները (փետրվարի 19) Ղարաբաղի հարցով խաղաղ կարգավորման նախագիծ պատրաստել, եթե հակամարտության կողմերը համաձայնվեն կարգավորման հիմնային սկզբունքների հետ:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով    Ուշադրության կենտրոնում Բաժնի այլ նյութերը«Խաղի» մեջ վերադառնալու ցանկությամբ  ՌԴ-ն փորձում է չմարգինալացվել ՀՀ-Ադրբեջան բանակցային գործընթացումԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի ՀայաստանումԶբոսաշրջության կոմիտեի նախագահն ազատվել է պաշտոնից Պօղոսեանը նշանակվել էր պաշտոնում 2022–ի հունվարին |
