Բարձր պաշտոնից՝ մեղավորի աթոռին

Բարձր պաշտոնից՝ մեղավորի աթոռին

2018-ի «մեղադրյալները»

Հայաստանում ապրիլյան իրադարձություններից հետո իրավապահ համակարգը գնաց բարձրաստիճան նախկին պաշտոնյաների, նրանց հարազատների և փոխկապակցված անձանց վերագրվող հանցագործությունների վերաբերյալ տարիներ շարունակ շրջանառվող տեղեկությունների հետքերով: Սրան զուգահեռ՝ վերաբացվեցին նախկինում անհասկանալի պայմաններում կարճված, աղմկահարույց իրադարձությունների հետ կապվող քրեական գործեր, և մեղադրյալի աթոռին հայտնվեցին անկախ Հայաստանում բարձր պետական պաշտոններ զբաղեցրած տասնյակ մարդիկ՝ քաղաքապետից մինչև նախագահ, ոստիկանապետից մինչև միջազգային կառույցի գլխավոր քարտուղար: PanARMENIAN.Net - ը մեկտեղել է ապրիլյան իրադարձություններից հետո քրեական գործերով անցնող նախկին պաշտոնյաների գործերը:

PanARMENIAN.Net - ՀՀ երկրորդ նախագահ Ռոբերտ Քոչարյան՝ Մարտի 1-ի գործով մեղադրյալ, կալանավորված է:

ՀՀ պաշտպանության նախկին նախարար Միքայել Հարությունյան՝ Մարտի 1-ի գործով մեղադրյալ, հետախուզվում է:

ՀՀ նախկին փոխվարչապետ Արմեն Գևորգյան՝ Մարտի 1-ի գործով մեղադրյալ, խափանման միջոցը՝ ստորագրությամբ չհեռանալ:

ՀԱՊԿ նախկին գլխավոր քարտուղար Յուրի Խաչատուրով՝ Մարտի 1-ի գործով մեղադրյալ, կալանքը փոխվել է 5 մլն դրամ գրավի դիմաց:

Գործարար Սամվել Մայրապետյան` կաշառք ստանալուն օժանդակելու գործով մեղադրյալ, կալանքը փոխվել է 30 մլն դրամ գրավի դիմաց:

ՀՀԿ-ական նախկին պատգամավոր Արամ Հարությունյան՝ առանձնապես խոշոր չափերով կաշառք ստանալու գործով մեղադրյալ, հետախուզվում է:

Գեներալ Մանվել Գրիգորյան՝ առանձնապես խոշոր չափերի հափշտակության գործով մեղադրյալ, կալանքը փոխվել է 25 մլն դրամ գրավի դիմաց:

ՀՀ երրորդ նախագահ Սերժ Սարգսյանի եղբայր Ալեքսանդր Սարգսյանի ավագ որդի Հայկ Սարգսյան՝ սպանության փորձի գործով մեղադրյալ, կալանքը փոխվել է 50 մլն դրամ գրավի դիմաց:

Ալեքսանդր Սարգսյանի կրտսեր որդի Նարեկ Սարգսյան՝ անձի առևանգման, ծեծի, ապօրինի զենք և թմրադեղեր պահելու գործերով մեղադրյալ, Ինտերպոլի կողմից հայտնաբերվել է Պրահայում:

Սերժ Սարգսյանի եղբայր Լևոն Սարգսյան՝ ապօրինի հարստացման գործով մեղադրյալ, հետախուզվում է:

Լևոն Սարգսյանի դուստր Անի Սարգսյան՝ ապօրինի հարստացման գործով մեղադրյալ, խափանման միջոցը՝ ստորագրությամբ չհեռանալ:

Լևոն Սարգսյանի որդի Նարեկ Սարգսյան՝ ապօրինի հարստացման գործով մեղադրյալ, խափանման միջոցը՝ ստորագրությամբ չհեռանալ:

Սերժ Սարգսյանի թիկնազորի նախկին պետ Վաչագան Ղազարյան՝ ապօրինի հարստացման գործով մեղադրյալ, կալանավորված է:

Սերժ Սարգսյանի կնքահայր Բարսեղ Բեգլարյան՝ բռնության գործադրմամբ, սպառնալիքով ինքնիրավչության գործով մեղադրյալ, խափանման միջոցը՝ ստորագրությամբ չհեռանալ:

ՀՀ նախկին վարչապետ Հովիկ Աբրահամյանի եղբայր Հենրիկ Աբրահամյան՝ ապօրինի զենք, ռազմամթերք, պայթուցիկ նյութեր ձեռք բերելու, իրացնելու գործով մեղադրյալ, ազատ է արձակվել 5 մլն դրամ գրավի դիմաց:

ՀՀ նախկին ոստիկանապետ Վլադիմիր Գասպարյան՝ պաշտոնեական լիազորությունները չարաշահելու գործով մեղադրյալ, խափանման միջոց չկա:

Մասիսի նախկին քաղաքապետ Դավիթ Համբարձումյան՝ զանգվածային անկարգություններ կազմակերպելու և դրանց ընթացքում բռնություն գործադրելու, զենքի կամ որպես զենք օգտագործվող առարկաների գործադրմամբ խուլիգանության գործով մեղադրյալ, կալանավորված է:

«Բարգավաճ Հայաստան» կուսակցության նախագահ Գագիկ Ծառուկյան՝ մեղադրյալ տնտեսվարող սուբյեկտների՝ շուկա մուտք գործելուն խոչընդոտելու, շուկայից դուրս մղելու գործով, խափանման միջոց չկա:

ՀՀ մաքսային պետական կոմիտեի նախկին նախագահ Արմեն Ավետիսյան՝ փողերի լվացման գործով մեղադրյալ, խափանման միջոց չկա:

Ծանուցում. ենթադրյալ հանցանքի համար կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։

Ընթերցեք նաև՝ «Կալանքը փոխելը պատժից ազատել չէ. Ինչ է նշանակում «խափանման միջոց»:

Նանե Մանասյան / PanARMENIAN.Net
 Ամենաընթերցվողը բաժնում
Դեպի արդիականացված արտաքին քաղաքականություն
ՀՀԿ-ն «աղքատացել է», ՔՊ-ն՝ «հարստացել»
Հայաստանի բազմաթիվ կառույցներ մնացել են առանց ղեկավարի
Ով ինչպիսի աղմուկով հեռացավ և ինչու
 Ուշադրության կենտրոնում
ԱՄՆ դեսպանատուն․ ՏԻՄ ընտրությունները հանգիստ են անցել, բայց ընդդիմադիրների հանդեպ ճնշումների մասին հաղորդումներ կան

ԱՄՆ դեսպանատուն․ ՏԻՄ ընտրությունները հանգիստ են անցել, բայց ընդդիմադիրների հանդեպ ճնշումների մասին հաղորդումներ կան Դեսպանատան ոչ մեծ թվով աշխատակիցներ դիտարկել են ընտրությունները՝ որպես այցելուներ

 Բաժնի այլ նյութերը
Պարտության առաջին ամիսը Հայաստանը նոյեմբերի 10-ից հետո՝ թվերով
2018-ի անսպասելի լուրերը Դրանք 1 տարի կոմայում եղած հային արթնանալուց հետո նորից կոմայի մեջ կգցեին
«Ես քու կլասիկ ցավը տանեմ, չպայթեցնես» Ինչպես էր համացանցը կատակում մեծ բանավեճի ընթացքում
---