Բաքվում Էրդողանի արտասանած բոլոր բառերը, ընդամենը ...խոսքեր ենԷրդողանի գլխավորած Արդարության եւ զարգացման կուսակցությունը, 2002թ. գալով իշխանության, խոստացավ «զրոյական մակարդակի խնդիրներ հարեւանների հետ» Եվ կրկին ամեն ինչ վերադարձավ ի շրջանս յուր. պետության նախագահներն ասում են այն, ինչ իրենցից ցանկանում են լսել իրենց քաղաքացիները, ռեվերանսներ են անում, իսկ իրականում ամեն ինչ հակառակն է ստացվում: Բացառություն չէր նաեւ Թուրքիայի վարչապետ Ռեջեփ Թաիփ Էրդողանի այցը Բաքու, որը կարծես կոչված էր հանգստացնել Բաքվին: Սակայն միլի մեջլիսում եւ մամլո ասուլիսում Էրդողանի արտասանած բոլոր բառերը լոկ ...խոսքեր են: 16 մայիսի 2009 PanARMENIAN.Net - «Մենք միանգամայն հստակ դիրքորոշում ունենք Լեռնային Ղարաբաղի հարցում եւ մենք երբեք չենք նահանջել դրանից,-հայտարարել է Էրդողանն ադրբեջանական խորհրդարանում:-Մենք կողմ ենք այդ խնդրի լուծմանը Ադրբեջանի տարածքային ամբողջականության հիման վրա: Մենք երբեք չենք ձեռնարկել եւ չենք ձեռնարկի այնպիսի քայլեր, որոնք կարող են վնասել Ադրբեջանի ազգային ամբողջականությանը: Քանի դեռ չի ավարտվել ադրբեջանական տարածքի օկուպացիան, կարգավորում չի լինի: Եվ անմիջապես` «Հայաստանի հետ հաշտեցման կառավարության կուրսը թելադրված է նպատակահարմարությամբ: Հարավային Կովկասի հակամարտությունների չլուծված լինելը ոչ ոքի շահերին չի համապատասխանում: Թուրքիայի ջանքերն ուղղված են ոչ միայն Հայաստանի հետ հարաբերությունների կարգավորմանն, այլ նաեւ ողջ տարածաշրջանում բարգավաճման ու կայունության բարձրացմանը»: Էրդողանի գլխավորած Արդարության եւ զարգացման կուսակցությունը, 2002թ. գալով իշխանության, խոստացավ «զրոյական մակարդակի խնդիրներ հարեւանների հետ»: Հենց այդ պատճառով այժմ Թուրքիայի ԱԳՆ-ն գլխավորում է Ահմեդ Դավուդօղլուն, որը զգուշավոր եւ փորձառու դիվանագետ է: Փաստորեն, Ալի Բաբաջանը կատարեց ողջ սեւ աշխատանքը, այժմ պետք է գործել ավելի նուրբ ու ճշգրիտ: Առավել եւս, որ ապրիլի 22-ից հետո Երեւանը դարձավ առավել կտրուկ իր արտահայտություններում: Այստեղ հարկ է նշել ՀՀ ԱԳՆ ղեկավարի ու նախագահի վայրկյանական արձագանքը` ղարաբաղյան հակամարտության կարգավորմանը Թուրքիայի միջամտելու փորձին: «Ամենաօգտակարը, ինչ կարող է անել Թուրքիան ղարաբաղյան հակամարտության խաղաղ կարգավորմանն աջակցելու համար, դա ընդհանրապես ձեռնպահ մնալն է այս գործընթացին միջամտելուց»,-ասել են Սերժ Սարգսյանն ու Էդվարդ Նալբանդյանը: Մինչդեռ, ԱՄՆ-ն ու ԵՄ-ն մի կողմից ցանկանում են հայ-թուրքական հարաբերությունների կարգավորում, սակայն մյուս կողմից վախենում են կորցնել Ադրբեջանը, որը կարող է նպաստել Եվրոպայի էներեգտիկ կախվածությունը թուլացմանը Ռուսաստանից: Այստեղ մենք մոտենում ենք Էրդողանի այեցլության գլխավոր նպատակին` ադրբեջանական գազի սակագնին: Այն, որ Բաքուն ճնշում կգործադրի Անկարայի հանդեպ գազի սակագնի բարձրացման հարցում, պարզ էր հենց սկզբից, երբ դեռեւս նոր էին սկսվել գաղտնի բանակցությունները հայ եւ թուրք դիվանագետների միջեւ Շվեյցարիայում: Զուր չէր Today`s Zaman-ը դուրս եկել «Սպասվում է գազի գնի բարձրացում» խորագրով: Էրդողանն, որը Բաքու էր ժամանել էներգետիկայի նախարար Թաներ Յիլդիզի եւ կառավարության այլ անդամների ուղեկցությամբ, հայտարարել է, որ երկու երկրների ներկայացուցիչները կքննարկեն Թուրքիայի կողմից գնվող ադրբեջանական գազի սակագնի փոփոխության հարցը: Գազի արժեքը, որը Թուրքիան ստանում է ադրբեջանական Շահ Դենիզ գազակոնդենսատորային հանքավայրից, կվերանայվի գազի շուկայական գների համաձայն: Ըստ էներգետիկայի ու բնական պաշարների նախարար Թաներ Յիլդիզի, 120 դոլար գինը մեկ խորանարդի դիմաց համապատասխանում էր գազի շուկայական գներին, երբ կնքվել էր պայմանագիրը: Ըստ պայմանագրի Շահ Դենիզի գազի արժեքը կարող էր վերանայվել առաքման մեկնարկից մեկ տարի անց, այսինքն նոր գինը կգործի 2010 թվականի ապրիլի 15-ից: Սակայն Բաքուն այլ կերպ է որոշել: Կարծում ենք, Էրդողանն այն մարդը չէ, որ ականջ է դնելու Իլհամ Ալիեւին` նա պետք է կայացնի իր երկիրը որպես տարածաշրջանային տերություն: Իսկ դրա համար կարելի է նաեւ զոհաբերել Ադրբեջանին, առավել եւս, որ նա բավականին խնդիրներ է առաջացնում... Հայաստանի եւ Թուրքիայի միջեւ ճանապարհային քարտեզի գլխավոր գաղափարն այն է, որ հայ-թուրքական հարաբերությունների կարգավորումն ու ղարաբաղյան հակամարտության կարգավորումը պետք է զուգահեռ ընթանան, սակայն միմյանցից անկախ, գտնում է Անկարայի էկոնոմիկայի ու տեխնոլոգիաների համալսարանի միջազգային հարաբերությունների դեպարտամենտի ղեկավար պրոֆեսոր Մուստաֆա Այդինը: Նա ընդգծել է, որ հայ-թուրքական սահմանի բացումը կապված չէ ղարաբաղյան կարգավորման հետ: «Հայ-թուրքական սահմանը անպայման կբացվի եւ, հնարավոր է, ավելի շուտ, քան մենք ենթադրում ենք»,-ասել է նա: Ինչ վերաբերում է Թուրքիայի վարչապետի այցին Բաքուն, ապա թուրք պրոֆեսորն ասել է, թե այցը զուտ «հանդիսականի» համար էր նախատեսված, ինչպես եւ Էրդողանի հայտարարությունները հայ-թուրքական հարաբերությունների կարգավորման մասին, որ նա արեց Բաքվում: «Իրականում այցի նպատակը զուտ էներգետիկ խնդիրներն էին` ադրբեջանական գազի գինն ու Nabucco նախագիծը»,-ասել է Մուստաֆա Այդինը: Մենք ավելի շատ հիմքեր ունենք հավատալու թուրք պրոֆեսորին, քան ադրբեջանական ԶԼՄ-ներին: Կարինե Տեր-Սահակյան / PanARMENIAN News Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | ՀՀ և Ադրբեջանի սահմանազատման հանձնաժողովներն արձանագրություն են ստորագրել Կոորդինատները հստակեցվել են ԽՍՀՄ ԶՈւ ԳՇ 1976թ. տեղագրական քարտեզի համաձայն Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին |