ԼՂՀ-ում մարտավարական զորավարժությունները սառը ջուր լցրեցին Իլհամ Ալիևի գլխինԲաքվի` բանակցային գործընթացը ԵԱՀԿ-ից ցանկացած այլ միջազգային կառույց տեղափոխելու բոլոր փորձերը ձախողված են պարտության Իլհամ Ալիևը, ինչպես միշտ, հակասում է ինքն իրեն, ինչը զարմանալի չէ: ԼՂՀ-ում մարտավարական զորավարժությունները հենց այն սառը ջուրն էին, որը շատ անհրաժեշտ էր կլանին` պատերազմով սպառնալուց առաջ ուշքի գալու և մի քիչ մտածելու համար: Պարզվում է, պետք էր ընդամենը իրերը կոչել իրենց անուններով և հիշեցնել Ալիև-կրտսերին հոր պարտությունների մասին: 19 նոյեմբերի 2010 PanARMENIAN.Net - Ռազմատենչ հռետորությունը նվազեցնելու մեջ իրենց դերը խաղացին նաև անցած ընտրությունները, որոնցից հետո Ադրբեջանի իշխանություններին պետք չէ սրել իրավիճակը և կոչ անել «ազատագրել հողերը»: Ընտրությունները լավ, թե վատ, կեղծված են, այս անգամ հնարավոր եղավ խուսափել ընդհարումներից և բախումներից, «Միասնական Ադրբեջան» կուսակցությունը նախկինի նման ղեկի մոտ է: Այնպես որ Ղարաբաղի մասին դեռ կարելի է մոռանալ, առավել ևս` օրակարգում ավելի կարևոր հարցեր են. Կասպիայի բաժանումը, ՆԱՏՕ գագաթնաժողովները և ԵԱՀԿ-ն: Կասպիայի հարցերն արագ լուծվեցին և դա, ինչպես մեզ թվում է, Ռուսաստանի նախագահի վաստակն է: Բաքվում ստորագրվել է համագործակցության մասին համաձայնություն Կասպիայի անվտանգության ոլորտում և նախագահների համատեղ հայտարարություն: Եվ ուրիշ ոչինչ, թեև բանակցությունների ետնաբեմում ակնհայտորեն խոսել են այլ խնդիրների մասին, բայց այստեղ կարելի է դիտարկել բոլոր վիճելի պահերը երևան չհանելու ցանկությունը` սկսած ձկնորսության սահնանափակումներից մինչև նավթային մշակումներ: Թե մեկը, թե մյուսը կազմում են հինգ երկրից չորսի արտահանման գլխավոր մասերը, և տարաձայնություններն անխուսափելի են, հատկապես եթե հաշվի առնել Բաքվի դիրքորոշումը, որը, չգիտես ինչու, հաստատ համոզված է, որ հենց նա ունի «հատուկ իրավունքներ» կասպիական հարստությունների նկատմամբ: Իլհամ Ալիևին կարելի է հասկանալ` Ադրբեջանի բաժնի կրճատումը հարվածում է Ընտանիքի գրպանին, ինչը չափազանց բացասաբար կազդի նրա որդու` Ադրբեջանի ապագա նախագահի ապագայի վրա: Ճիշտ է, Հեյդար-կրտսերը կարող է պետության ղեկավար դառնալ հեռավոր ապագայում, և նրա «ընտրությունն» այդքան ակնհայտ չի լինի: Ժամանակին Հեյդար Ալիևը Քի Ուեսթում չկնքեց Ղարաբաղի մասին համաձայնություն` պատճառաբանելով, թե չի ցանկանում հարվածի տակ դնել որդու ապագան: Իսկ համաձայնությունը, եթե հավատալ դիվանագիտական աղբյուրներին, եղել է հենց ԼՂՀ կարգավիճակի մասին: Նույնը կարող է պատահել Իլհամի հետ: Ինչ վերաբերվում է ՆԱՏՕ և ԵԱՀԿ կայանալիք գագաթնաժողովներին, ինչպես մեզ թվում է, Լիսաբոնում գրեթե ոչինչ չի խոսվի ղարաբաղյան կարգավորման մասին մեկ պարզ պատճառով` այդ հարցը չի մտնում Դաշինքի իրավասությունների մեջ, և Բաքվի` բանակցային գործընթացը ԵԱՀԿ-ից ցանկացած այլ միջազգային կառույց տեղափոխելու բոլոր փորձերը ձախողված են պարտության: Դա հասկանալու համար Միջազգային հարաբերությունների Մոսկվայի պետական համալսարանն ավարտել պետք չէ: Բայց Ալիևը գործում է այնպես, ինչպես նրան սովորեցրել է հայրը` եթե ինչ-որ բանի մասին երկար խոսել, ապա հնարավոր է, որ ստացվի: Ափսոս, չի ստացվում… Իսկ Աստանայում կընդունվի հերթական հայտարարությունը, որը կարող է մի քիչ ավելի կոշտ լինել: Թեև, ԵԱՀԿ ՄԽ բոլոր կոչերը և ցանկությունները մնում են թղթի վրա, և քանի դեռ Ադրբեջանը չի հեռացրել դիպուկահարներին շփման գծից, ոչ մի մեխանիզմ չի աշխատի: Ամենայն հավանականությամբ, հենց դա էլ կդառնա Աստանայում բանակցությունների թեմաներից մեկը:
Կարինե Տեր-Սահակյան / PanARMENIAN News Ամենաընթերցվողը բաժնում Ինչ է իրենից ներկայացնելու Սաուդյան Արաբիայում կառուցվելիք աշխարհի խոշորագույն շինությունը Վերջին ամսվա զարգացումները Իրադարձություններ, որոնք զարգացել են 1 ամսից էլ քիչ ժամանակում Ինչպես անցավ Eurosatory 2022-ը Բաժնի այլ նյութերը Ալիևը փորձում է ԵՄ-ին համոզել, թե «Զանգեզուրի միջանցք» կոչվածը պետք է Եվրոպային Ամենազգայուն՝ գազի գործոնով Բայրաքթարից պակաս աղմկահարույց, բայց ավելի փորձառու Իրանական ԱԹՍ-ների չբացահայտված պոտենցիալը Հին վիրուսի նոր բռնկումը Ինչ է հայտնի կապիկի ծաղկի դեպքերի աճի մասին | ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն Ղազախստանի ԱԳՆ․ Միջնորդության մասին խոսք չկա՝ բանակցելու են բացառապես ՀՀ-ն ու Ադրբեջանը «Մենք լոկ բարի կամքի ծառայություն ենք տրամադրում՝ այսպես կոչված good offices»,– ասել է նա |