 Միջազգային կառույցները խորհուրդներ են տալիս, իսկ Հայաստանը մտադիր է ինքնուրույն ապահովել տնտեսական աճ և գնաճի նվազեցումՀնարավոր է` միահամուռ աշխատանքի շնորհիվ երկրի իշխանություններին կհաջողվի հասնել ցանկալի արդյունքների, որի հետևանքով Հայաստանում կձևավորվի զարգացման ազգային մոդել Չնայած նրան, որ Հայաստանը հեռու է ընկած համաշխարհային շուկաներից, չունի հարուստ բնական պաշարներ, այնուամենայնիվ, նա այլ ռազմավարական պաշարներ և չօգտագործվող պոտենցիալ ունի` սփյուռքը: Հայաստանը պետք է կապիտալիզացիայի ենթարկի սփյուռքի ակտիվները և օգտագործի դրանք երկրի զարգացման օգտին:  12 մարտի 2011PanARMENIAN.Net - Հայաստանի նախագահ Սերժ Սարգսյանը մարտի 11-ին հրավիրել է խորհրդակցություն` տնտեսական քաղաքականության իրականացման առաջնահերթությունների վերաբերյալ: Սերժ Սարգսյանը շեշտել է, որ նախատեսված որևէ ծրագրի ձգձգման կամ ուշացման դեպքում բացատրություններ չպետք է ընդունվեն: «Եթե մեծ, լուրջ ծրագիր է ձախողվել, անպայման պետք է հետևանքներ լինեն, այլապես բոլորս էլ գիտենք, որ ձախողված ծրագրերի արդարացման համար պատասխանատուները կարող են տասից ավելի արդարացումներ բերել»,- ասել է նախագահը: Ինչպես կարճաժամկետ, այնպես էլ երկարաժամկետ հատվածներում գնաճի հնարավոր զսպումը Հայաստանի համար լինելու է գերակայություն, և այստեղ կարևոր է Հայաստանի կառավարության և կենտրոնական բանկի ավելի կոորդինացված աշխատանքը` համարձակ, ինչպես նաև ոչ ավանդական քայլերով: Այդ մասին մարտի 11-ին հրավիրված խորհրդակցության ժամանակ ասել է Հայաստանի նախագահ Սերժ Սարգսյանը: Ընդ որում, պետության ղեկավարը նշել է, որ պլանավորված բյուջեի դեֆիցիտի էապես նվազեցված մակարդակը, տնտեսական աշխուժացումը, դրամավարկային քաղաքականությունը որոշակի արդյունքների հանգեցնելու են: «Բայց մեզ դա բավարար չէ, մեզ ավելին է հարկավոր, մենք պետք է ավելի մանրամասն զբաղվենք այս խնդրով, որպեսզի այս խնդրի լուծմանը ներգրավեք նաև մեր վերահսկողական ծառայությանը, տնտեսական մրցակցության պաշտպանության հանձնաժողովին»,- նախագահի խոսքն է մեջբերում հանրապետության ղեկավարի մամլո գրասենյակը: Այս կապակցությամբ Սերժ Սարգսյանն ավելացրել է, որ հիմա իսկական ժամանակն է մրցակցությունը խթանելու համար: «Անհրաժեշտ է մեծ աշխատանք իրականացնել արտահանողների, ներկրողների հետ և լուրջ քայլեր ձեռնարկել, որպեսզի հասկանանք ապրանքների և, առաջին հերթին, առաջին անհրաժեշտության ապրանքների գնագոյացման գործընթացը»,- ասել է նա: Նախագահի խոսքով, տարեվերջին Հայաստանը պետք է գնաճի առնվազն կրկնակի ցածր մակարդակ ունենա: «Այս նպատակը մշտապես իմ ուշադրության կենտրոնում կլինի»,- նշել է նա: Հնարավոր է` միահամուռ աշխատանքի շնորհիվ երկրի իշխանություններին կհաջողվի հասնել ցանկալի արդյունքների, որի հետևանքով Հայաստանում կձևավորվի զարգացման ազգային մոդել, որի մասին խոսում է «Այլընտրանք» հետազոտական կենտրոնի հիմնադիր Թաթուլ Մանասերյանը: Նրա խոսքերով, Հայաստանը պետք է մշակի Զարգացման ազգային մոդել և չնմանակի հարևան երկրներին, մասնավորապես, Վրաստանին: «Հայաստանի նման երկիրը չի կարող խուսափել իր հարևանների տնտեսության ազդեցությունից: Եթե Վրաստանում տեղի են ունեցել արմատական փոփոխություններ, դա չի նշանակում, որ մենք պետք է նրանից օրինակ վերցնենք, մենք պետք է ընթանանք զարգացման սեփական ճանապարհով»,- ասել է նա: Վիկտորիա Արարատյան / PanARMENIAN News  Ամենաընթերցվողը բաժնում Ինչու է աշխարհն անցնում անկանխիկ շրջանառության Նիդերլանդների գյուղատնտեսական հեղափոխությունը Ինչպես է մեր ախորժակը վտանգում ամբողջ մոլորակը Էկոլոգիական ինչ գին ենք վճարում ամենամատչելի հագուստի համար    Ուշադրության կենտրոնում Բաժնի այլ նյութերըԱԹՍ-ով ջրված այգու բերքը  Ինչ առավելություններ ունի խելացի գյուղատնտեսությունըԴատարկ փեղկերի առասպելը Ինչու են մարդիկ խուճապային գնումներ կատարում ցնցումների ժամանակԶսպելով բարկությունն ու գնաճը Պատերազմն ու մեր դատարկվող գրպանը |  Այլ հոդվածներ Վերջին լուրեր Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդինՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալՍամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |
