Հայաստանն ու Չինաստանը մտնում են երկկողմ հարաբերությունների ակտիվացման հերթական փուլ 2 հունիսի 2010 - 17:39 AMT PanARMENIAN.Net - ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց Չինաստանի Ժողովրդական Հանրապետության (ՉԺՀ) պատվիրակությանը` ՉԺՀ առեւտրի նախարարի տեղակալ Ֆու Ցզինի գլխավորությամբ: ՀՀ փոխվարչապետ Արմեն Գեւորգյանը բարձր գնահատեց հայ-չինական առեւտրատնտեսական, քաղաքական համագործակցության մակարդակը եւ գոհունակություն հայտնեց, որ ՉԺՀ պատվիրակության այս այցով երկու երկրները մտնում են երկկողմ հարաբերությունների ակտիվացման հերթական փուլ: Նա նշեց, որ այս տարվա առաջին ամիսների վիճակագրությամբ` ՀՀ-ի եւ ՉԺՀ-ի միջեւ առեւտրատնտեսական հարաբերությունները, անցած տարվա նույն ժամանակահատվածի համեմատությամբ, դրական միտումներ ունեն: Համագործակցության լայն ներուժ կա էներգետիկայի, բարձր տեխնոլոգիաների, գյուղատնտեսական ապրանքների արտահանման ոլորտներում: Փոխվարչապետը նշեց, որ ՉԺՀ-ի կողմից իրականացվող տեխնիկական աջակցության ծրագրերն էական նշանակության ունեն Հայաստանի համար` ընդգծելով հատկապես առողջապահության բնագավառում նախատեսվող ծրագրի կարեւորությունը մարզերի զարգացման համար: ՉԺՀ կառավարությունը Հայաստանին կհատկացնի շտապ օգնության 88 մեքենա եւ բուժտեխնիկա: Ներկայումս մարզերում իրականացվող ՙԱռողջապահական համակարգի արդիականացման ծրագրում՚ կարեւոր բաղադրիչներից է բուժհիմնարկների շտապ օգնության մեքենաներով ապահովումը: ՉԺՀ առեւտրի նախարարի տեղակալ Ֆու Ցզին ՀՀ փոխվարչապետին փոխանցեց ՉԺՀ իր գործընկերոջ բարեմաղթանքները եւ շնորհակալություն հայտնեց ընդունելության համար: Նա նշեց, որ իրենց այցելության նպատակն է կյանքի կոչել ՀՀ նախագահ Սերժ Սարգսյանի` ՉԺՀ կատարած այցի ընթացքում ձեռք բերված պայմանավորվածությունները: ՉԺՀ առեւտրի նախարարի տեղակալի խոսքով, Չինաստանի Ժողովրդական Հանրապետությունը Հայաստանի հետ համագործակցության ավելի լայն հնարավորություններ է տեսնում գիտության, գյուղատնտեսության, վերականգնվող էներգետիկայի, մասնավորապես` արեւային էներգիայի ոլորտներում: Չինաստանը հետաքրքրված է նաեւ Հայաստանից արտահանել կաթնամթերք եւ կոնյակ: Նա տեղեկացրեց, որ ՉԺՀ կառավարությունը ՀՀ կառավարությանն անհատույց տրամադրում է 20 մլն չինական յուանի հերթական դրամաշնորհը` տեխնիկատնտեսական համագործակցության ծրագրի իրականացման համար: ՉԺՀ-ն պատրաստ է Հայատանին տրամադրել նաեւ ավտոբուսներ: ՀՀ փոխվարչապետը հայ-չինական համագործակցության զարգացման կարեւոր նախապայման համարեց նաեւ հայ-չինական միջկառավարական հանձաժողովի արդյունավետ աշխատանքը եւ գործարար միջավայրի համար հնարավորության ստեղծումը` իրենց արտադրանքը չինացի սպառողին ներկայացնելու համար, հաղորդում է Հասարակայնության հետ կապերի բաժինը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Մարուքյան․ Ի՞նչ է եղել, որ Փաշինյանը Պուտինին խնդրել է` ՌԴ զորքերը մնան Թուրքիայի և Իրանի սահմանին Ըստ նրա՝ երկրի ներսում ասում են՝ ԵՄ ենք գնում, մյուս կողմից Պուտինին խնդրում են, որ ռուսները մնան Թուրքիայի ու Իրանի հետ սահմանին Բորգն Ադրբեջանում կոչ է արել Երևանին և Բաքվին շարունակել բանակցությունները Նա նաև ողջունել է սահմանազատման գործընթացի մեկնարկը Երևանում ոստիկանական մեքենան հարվածել է ակցիա լուսաբանող լրագրողին Ըստ որոշ տեղեկությունների, նա ոտքի վնասվածք է ստացել, ԲԿ–ում է Պատել. ԱՄՆ-ն շարունակում է հավատալ, որ ՀՀ և Ադրբեջանի միջև խաղաղությունը հնարավոր է Նա նաև հավելել է, որ Ալմաթիում տեղի ունեցած բանակցությունների վերաբերյալ այլ թարմացումներ չունի |