Սեւան-Մարտունի-Գետափ ճանապարհի վնասված հատվածի վերանորոգման աշխատանքները կավարտվեն հուլիսի վերջին 14 հունիսի 2010 - 17:38 AMT PanARMENIAN.Net - ՀՀ տրանսպորտի եւ կապի նախարար Մանուկ Վարդանյանն օրերս աշխատանքային այցով եղել է Գեղարքունիքի մարզում եւ տեղում ծանոթացել Սեւան-Մարտունի-Գետափ միջպետական ճանապարհի վնասված հատվածի վերանորոգման աշխատանքներին: Հիշեցնենք, որ անցյալ տարի Սեւան-Մարտունի-Գետափ միջպետական ճանապարհի Լճաշեն գյուղի հատվածում Սեւանա լճի մակարդակի բարձրացման հետեւանքով մոտ 2,5 կիլոմետրանոց ճանապարհը վնասվել էր եւ մնացել ջրի տակ: Նախարար Մ.Վարդանյանին ճանապարհաշինարարները տեղեկացրել են, որ անցած տարի պետական բյուջեի միջոցներով ճանապարհի այդ հատվածում կատարվել են հողային աշխատանքներ եւ կառուցվել է գաբիոնի հենապատ: Ներկայումս ճանապարհի հողային աշխատանքները շարունակվում են եւ մինչեւ այս ամսվա վերջ կավարտվեն, որից հետո կսկսվեն ասֆալտապատման աշխատանքները: Շինարարական աշխատանքներն ամբողջությամբ կավարտվեն հուլիսի վերջին եւ արդյունքում միջպետական ճանապարհի այդ հատվածը նախատեսվում է բարձրացնել մոտ 3 մետրով` ճանապարհը դարձնելով երթեւեկելի: Նշենք, որ տեղում կայացած խորհրդակցության ժամանակ, որին մասնակցել են Գեղարքունիքի մարզպետ Նվեր Պողոսյանը, Համաշխարհային բանկի` ճանապարհածածկի ստանդարտների գծով ամերիկահայ փորձագետ, պրոֆեսոր Սերժի Ամիրխանյանը, “Հայջրնախագիծ” եւ “Ճաննախագիծ” ինստիտուտների մասնագետները, ճանապարհաշինարարները, քննարկվել են ճանապարհի նախագծմանը, շինաշխատնքների ընթացքին ու որակին առնչվող հարցեր, հայտնում է ՀՀ տրանսպորտի եւ կապի նախարարության մամլո ծառայությունը:   Ուշագրավ Ամենից շատ թանկացել է հացաբուլկեղենը՝ 14․1%-ով, և միսը՝ 12․3%-ով Հայաստանի միջազգային պահուստները գրեթե ամբողջությամբ պահվում են արտարժույթով, ոսկի չկա «Այդ ցուցանիշը նշանակում է, որ բիզնես համագործակցությունը զարգանում է դրական հունով», –ասել է նա 2022-ի սեպտեմբերին դրամով հիփոթեքային վարկերի միջին տոկոսադրույքը դարձել է 11.7%, դոլարայինը՝ 9.8%   |  Վերջին լուրեր ՀՀ-ում կներդրվի անտառային հրդեհների կանխարգելման իտալական մոդելը  Որպես պիլոտային մարզ՝ արդեն ընտրվել է Լոռին։Լեմկինի ինստիտուտ. Ապշած ենք` BBC-ի հաղորդավարն Արցախի ժողովրդին ցեղասպանություն է առաջարկում որպես «իրատեսական տարբերակ» «Այս հարցազրույցը Մեծ Բրիտանիայում հակահայության և թուրքամետության ներքին լարվածության հետևանք է»,-ասվում է հայտարարության մեջԵԽԽՎ ընդունած բանաձևում ներառվել են ՀՀ պատվիրակության առաջարկները Դրանք վերաբերում են Լաչինի միջանցքին և հայ ռազմագերիներին անհապաղ ազատ արձակելունԱբրահամյան․ Իշխանությանը հաջողվեց ՌԴ-Արևմուտք դիմակայությունն ամբողջ ծավալով տեղափոխել ՀՀ ՌԴ ԱԳՆ-ն արձագանքել է Հայաստանում ԵՄ քաղաքացիական առաքելություն տեղակայելու որոշմանը |
