Ամերիաբանկը ներգրավեց 9 մլն ԱՄՆ դոլար` «Էլիտ պլազա» բիզնես կենտրոնի համար

13 հուլիսի 2010 - 19:29 AMT

PanARMENIAN.Net - Ամերիաբանկը` որպես ներդրումային բանկ, միջազգային կառույցներից հաջողությամբ ներգրավեց ֆինանսական միջոցներ` «Էլիտ Գրուպ» ՓԲԸ-ի կողմից իրականացվող «Էլիտ պլազա» բիզնես կենտրոնի շինարարական աշխատանքների ֆինանսավորման նպատակով: Ինչպես հաղորդում է Ամերիաբանկի մամլո ծառայությունը, բանկը, հանդես գալով որպես ֆինանսական և իրավական խորհրդատու, այդ գործընթացի համար ապահովեց անհրաժեշտ ֆինանսական մոդելների մշակումը, խորհրդատվական ծառայությունների մատուցումը, բանակցությունների վարումն ու պայմանագրերի կնքումը և այլ հարակից աշխատանքների կատարումը:

Վարկային ծրագիրն իրենից ներկայացնում է երկարաժամկետ, մեծածավալ միջոցների ներգրավում Համաշխարհային բանկի խմբի անդամ Միջազգային ֆինանսական կորպորացիայից (IFC) և Վերակառուցման ու զարգացման եվրոպական բանկից (ՎԶԵԲ): Նշված միջոցները, որոնք կազմում են 9 մլն ԱՄՆ դոլար, Ամերիաբանկը ներգրավել է հայաստանյան շուկայում գործող սակագներից զգալիորեն ցածր տոկոսադրույքով:

Այս ֆինանսավորումը «Էլիտ Գրուպ»-ին հնարավորություն կընձեռի ավարտին հասցնելու «Էլիտ պլազա» բիզնես կենտրոնի շինարարական աշխատանքները: Վերջինս դասակարգվում է որպես բարձրակարգ բիզնես-կենտրոն` ժամանակակից ճարտարապետական և նախագծային լուծումներով:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով