Առաջին կիսամյակի տվյալներով ԱՐՄԵՆԱԼ-ի արտադրության ծավալն աճել է 26 տոկոսով

16 հուլիսի 2010 - 15:09 AMT

PanARMENIAN.Net - Երևանի փայլաթիթեղագլանման ԱՐՄԵՆԱԼ գործարանը (աշխարհի խոշորագույն ալյումին և կավահող արտադրող ՌՈՒՍԱԼ Միացյալ ընկերությոն կազմի մեջ է մտնում) նշեց Մետաղագործի օրը: Այս տարի մասնագիտական տոնն ընթացավ երկու հոբելյանների հովանու ներքո` ՌՈՒՍԱԼի և 2000 թ. մայիսին ստեղծված ԱՐՄԵՆԱԼի 10-ամյակները:

Անցած տարի ձեռնարկությունը էապես բարելավեց բոլոր տեխնիկատնտեսական ցուցանիշները: Գրեթե 2 անգամ իջավ մետաղի մշակման ինքնարժեքը մեկ մարդուն բաժին ընկնող արտադրանքի կրկնակի ավելացման պարագայում: Պիտանի արտադրանքի թողարկման գործակիցը կայունացավ 70% գերազանցող մակարդակում: Արտաքին խոտանը և սպառողների կողմից դիտողությունների քանակը հասցվել են նվազագույնի, իսկ ներքին խոտանը նվազել է մինչև 3%: 2009 թ. արտադրվել է 21,5 հազար տոննա արտադրանք, որը 83,5%-ով բարձր է նախորդ տարվա նույն ցուցանիշից: Առաջին կիսամյակի արդյունքներով 2010 թ. արտադրության ծավալը գրեթե 26%-ով գերազանցում է նախորդ տարվա հունվար-հունիս ամիսների մակարդակը:

Նախորդող 12 ամիսներին գործարանը գերազանցեց արտադրության ծավալի գծով նախագծային ցուցանիշը, յուրացրեց 7-9 միկրոն հաստությամբ գերբարակ փայլաթիթեղի զանգվածային արտադրությունը, գործարկեց նոր տեսակի սարքավորումներ: ԱՐՄԵՆԱԼը Հայաստանի գլխավոր արտահանողներից է և հաստատուն գրավում է առաջատար դիրք արտադրանքի իրացումից ստացված եկամուտների ցուցանիշով:

«Գործարանի անձնակազմը հաջողությունների է հասել հումքի և նյութերի ծախսման չափաբաժինների իջեցման հետևանքով` խստացնելով տեխնոլոգիական կարգապահությունը, ներդնելով ծախքերի կրճատման համալիր ծրագիր: Արտադրական ցուցանիշների բարելավումն ուղեկցվել է աշխատավարձի աճով` ի հաշիվ աշխատանքի վարձատրության հիմնադրամի կառուցվածքի փոփոխության և անձնակազմի քանակի օպտիմալացման», - նշում է ԱՐՄԵՆԱԼի գլխավոր տնօրեն Սերգեյ Բորովիկը:

Ներկայումս ԱՐՄԵՆԱԼ-ում աշխատում է 700 մարդ ավելի քան 235 հազար միջին ամսական աշխատավարձով, որը գրեթե 30%-ով գերազանցում է 2009 թ. նույն ցուցանիշը:

Մետաղագործի օրվա առիթով լոգիստիկայի բաժնի պետ Ստեփան Դանիելյանը, բրիգադիր Կամո Խուրշուդյանը և գլանող Յուրի Հարությունյանը պարգևատրվել են ՌՈՒՍԱԼ ՄԸ պատվոգրերով և դրամական պարգևներով: Անձնակազմից քառասուն անդամ խրախուսվել է գործարանի պատվոգրերով, ասվում է գործարանի մամլո ծառայության հաղորդագրության մեջ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով