Կառավարությունում քննարկվել է ՀՀ մրցունակության բարձրացմանը միտված ՄքՔինզի ծրագրի նախագիծը

PanARMENIAN.Net - Կառավարությունում տեղի է ունեցել Հայաստանի ազգային մրցունակության հիմնա-դրամի հոգաբարձուների խորհրդի նիստ, որը վարել է վարչապետ Տիգրան Սարգսյանը: Բացման խոսքում կառավարության ղեկավարը մասնավորապես նշել է. «Մենք այսօր Ազգային մրցունակության հիմնադրամի նիստում մի հարց ենք քննարկելու, որը նախապատրաստել են ՄքՔինզիի մերգործընկերները: Այն վերաբերում է նաև ապագայում Ազգային մրցունակության հիմնադրամի գործունեության հստակեցմանը, թե ինչ խնդիրներով մենք պետք է զբաղվենք, որպեսզի ՀայաստանիՀանրապետության մրցունակությունը բարձրանա: Միևնույն ժամանակ ներկայացվող ծրագիրըկառավարության համար նաև տալիս է տեսլական, թե մրցունակության ոլորտում ինչ ծրագրերի վրա պետք է կենտրոնանանք»:

Նիստում աուդիոկոնֆերանսի ռեժիմով ներկայացվել է ՄքՔինզի ընկերության կողմից մշակված ՀայաստանիՀանրապետության մրցունակության բարձրացման ծրագրի նախագիծը: Մասնավորապես, խոսվել է ՀՀ տնտեսականաճի մոդելի առանձնահատկությունների և տնտեսության մի շարք ոլորտների խթանման մասին: Տնտեսության զարգացման և բարեփոխումների արդյունավետ իրականացման գործում մեծապես կարևորվել է պետություն-մասնավոր համագործակցության նշանակությունը: Այնուհետև ծավալվել է մտքերի շահագրգիռ փոխանակություն, որի ընթացքում աուդիոկապի միջոցով քննարկվել են ներկայացված ծրագրի մանրամասներ և Ազգային մրցունակության հիմնադրամի գործունեության ռազմավարության հստակեցմանն առնչվող հարցեր:

Քննարկումների արդյունքում որոշվել է ստեղծել աշխատանքային խումբ, որը Ազգային մրցունակությանհիմնադրամի հոգաբարձուների խորհրդի հաջորդ` 2011թ. հունվարի 22ին կայանալիք նիստում կներկայացնիառաջարկություններ վերոնշյալ ծրագրի մեկնարկի վերաբերյալ, հաղորդում է ՀՀ կառավարության մամլո ծառայությունը: