 Հայաստանի վարչապետ Տիգրան Սարգսյանը հանդիպել է ԱՄԷ գործարար կանանց հետ  27 ապրիլի 2011 - 19:29 AMTPanARMENIAN.Net - Հայաստանի վարչապետ Տիգրան Սարգսյանն ապրիլի 27-ին ընդունել է Արաբական Միացյալ Էմիրություների (ԱՄԷ) գործարար կանանց խորհրդի նախագահ շեյխուհի Հինդ ալ Քասիմիի գլխավորած պատվիրակությանը, հաղորդում է ՀՀ կառավարության տեղեկատվության և հասարակայնության հետ կապերի վարչությունը: Ողջունելով հյուրերին` վարչապետն ընդգծել է, որ պատվիրակության այցը լավ հնարավորություն է հայ-էմիրաթական տնտեսական համագործակցության հարցերի քննարկման, ինչպես նաև բիզնեսում հայ կանանց ներգրավելու առումով փորձի փոխանակման համար: Բարձր գնահատելով հայ-էմիրաթական քաղաքական հարաբերությունները` Տիգրան Սարգսյանը կարևորել է առևտրատնտեսական գործակցության ոլորտում առկա ողջ ներուժի լիարժեք իրացումը: Շնորհակալություն հայտնելով ջերմ ընդունելության համար` ԱՄԷ-ի գործարար կանանց խորհրդի նախագահը նշել է, որ պատվիրակությունը Հայաստան կատարած իր առաջին այցի շրջանակում ծանոթացել է Հայաստանի տնտեսական զարգացման և ներդրումային հնարավորություններին ու շահագրգռված է, նաև հայ գործարար կանանց մասնակցությամբ, առևտրատնտեսական գործակցության ընդլայնմամբ։ Վարչապետ Սարգսյանը պատվիրակության անդամներին է ներկայացրել Հայաստանի տնտեսության կառուցվածքը և ՀՀ կառավարության տնտեսական քաղաքականության առաջնահերթությունները: Մասնավորապես, խոսելով Հայաստանի տնտեսության դիվերսիֆիկացիայի անհրաժեշտության մասին` նա կարևորել է տեղեկատվական տեխնոլոգիաների, գյուղատնտեսության և զբոսաշրջության ոլորտներում, ինչպես նաև ինովացիոն ծրագրերի համար ազատ տնտեսական գոտու ստեղծման ուղղությամբ գործակցության զարգացումը: Մանրամասներ ներկայացնելով ԱՄԷ գործարար կանանց խորհրդի գործունեության վերաբերյալ` շեյխուհի Հինդ ալ Քասիմին իր հերթին ընդգծել է նշված ոլորտներում փոխգործակցության ծավալման անհրաժեշտությունը: Հաջորդիվ ծավալված մտքերի փոխանակության ընթացքում կողմերը քննարկել են երկկողմ հետաքրքրություն ներկայացնող հարցերի լայն շրջանակ: Հեռանկարային է համարվել սննդամթերքի, գյուղատնտեսական մթերքների, խմելու ջրի և ոսկերչական իրերի արտահանումը: Այդ առումով կառավարության ղեկավարն ընդգծել է «Զվարթնոց» օդանավակայանում ազատ տնտեսական գոտու, և, մասնավորապես, սառնարանային տնտեսության ստեղծման կարևորությունը, ինչը խթան կհանդիսանա արտահանման ծավալների աճի համար: Երկուստեք առաջնային է համարվել զբոսաշրջության ոլորտում կապերի աշխուժացումը: Համատեղ ծրագրերի իրականացման համատեքստում վարչապետը կարևորել է հայ-էմիրաթական միջկառավարական հանձնաժողովի գործունեությունը և նշել, որ ԱՄԷ գործարար կանանց խորհուրդը կարող է համագործակցել ՀՀ էկոնոմիկայի նախարարության, Զարգացման հայկական գործակալության և ԱՄԷ-ում ՀՀ դեսպանության հետ:  Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Մայր աթոռում Հայոց ցեղասպանության նահատակների ոգեկոչման արարողություն է եղել  Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանըAmnesty International-ը՝ ՀՀ մասին. Ոստիկանական բռնություններ, ճնշումներ լրագրողների նկատմամբ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձություններըԿալյուրանդ․ Եվրախորհրդարանը դեռևս 1987–ին է ճանաչել Հայոց ցեղասպանությունը «Այսօր մենք հարգանքի տուրք ենք մատուցում Ցեղասպանության զոհերին»,–գրել է նա |
