Սերգո Կարապետյանը հավաստիացնում է, որ գալիք տարվանից տոկոսադրույքները գյուղացիների համար ավելի կնվազեն 3 մայիսի 2011 - 17:48 AMT PanARMENIAN.Net - ՀՀ գյուղատնտեսության նախարար Սերգո Կարապետյանի Շիրակի մարզ այցելության առաջին կանգառը տարածաշրջանի ամենաբարձր գոտում գտնվող Լանջիկ գյուղն էր, որտեղ բնակիչները նրան դիմավորեցին ՀՀ կառարարության միջոցներով կառուցված և վերջերս բացված «Համայնքային կենտրոն» նորակառույցի մոտ: Լանջիկի հողերն անջրդի են, այդ է պատճառը, որ ավելի քան 1500 հա գյուղատնտեսական նշանակության տարածքների կեսը վերածվել է արոտավայրերի: Մնացածը զբաղեցնում են հիմնականում գարու և կարտոֆիլի ցանքատարածքները: «Գալիք տարում հանրապետություն ներկրվելիք գյուղտեխնիկայից բացի, գյուղին կհատկացվի նաև այնքան հացահատիկի սերմացու, որը լիովին կբավարարի եղած պահանջարկը», - վստահեցրեց նախարարը: Նույն խնդիրները բարձրաձայնեցին նաև ավելի քան 1500 հա վարելահողեր մշակող Հոռոմ գյուղի բնակիչները` միաժամանակ անդրադառնալով համայնքի ոռոգման ներքին ցանցի քայքայման պատճառով անջրդի մնացած շուրջ 500 հա հողերի խնդրին: Հարցին լուծում տալու և ցանցը վերականգնելու համար ՀՀ տարածքային կառավարման նախարարության ջրտնտպետկոմի ներկայացուցիչ Կարեն Դադոյանը խոստացավ գյուղն ընդգրկել տալ ՀՀ ոռոգման համակարգերի վերականգնման առաջիկայում իրականացվելիք ծրագրերից մեկում: Այցելության շրջանակներում հանդիպում-խորհրդակցություն անցկացվեց Ազատանում, որին ներկա էին նաև հարակից համայնքների բնակիչները և ղեկավարները, հաղորդում է ՀՀ գյուղատնտեսության նախարարության մամլո ծառայությունը: Սերգո Կարապետյանը շեշտեց, որ լուծվել է գյուղատնտեսության վարկավորման խնդիրը: Ի տարբերություն նախորդ տարիների 25 տոկոս դրույքով վարկի, այն այս տարի 14 տոկոս է , որի 4 տոկոսը սուբսիդավորում է ՀՀ կառավարությունը: «Գալիք տարվանից ավելի կնվազեն տոկոսադրույքները, կերկարացվեն վարկերի մարման ժամկետները, կարվի հնարավորը, որպեսզի գյուղացին կարողանա շարունակաբար օգտվել այդ ծառայությունից»: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ Առաջիկա օրերին սպասվում է անձրև և ամպրոպ․ Ջերմաստիճանը կնվազի Մայիսի 4–ի ցերեկը մայրաքաղաքում կգրանցվի +19 աստիճան Ողջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ |