Մայր Աթոռ Սուրբ Էջմիածնի յոթ միաբան սարկավագներ քահանայական օծում ստացան 23 ապրիլի 2012 - 19:29 AMT PanARMENIAN.Net - Սուրբ Էջմիածնի Մայր Տաճարում, Ս. Պատարագի ընթացքում Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ այսօր տեղի ունեցավ քահանայական ձեռնադրություն: Մայր Աթոռի Վանորեից տեսուչ Տ. Արտակ եպիսկոպոս Տիգրանյանի ձեռամբ քահանայական օծում ստացան Մայր Աթոռ Սուրբ Էջմիածնի յոթ միաբան սարկավագներ: Սուրբ Պատարագին Արտակ Սրբազանը քահանայության կոչեց նորընծաներին` Ս. Մյուռոնով օծելով նրանց ճակատներն ու ձեռքերը և շնորհելով հոգևոր նոր անուններ: Անդրադառնալով քահանայական կոչմանը` Արտակ Սրբազանը նշեց. «Իր գործնականությամբ քահանայությունը երկու ծայրեր ունի` մեկն Աստուծո, երկրորդը ժողովրդի: Առաջինը պարզ և հասարակ գործ չէ, երկրորդը` մարդկության ծառայելը ևս դյուրին չէ: Այս երկուսը բարի մարդկանց առաքելություն է, որովհետև Աստված բարի է, ուրեմն իր անունով ծառայողները պետք է բարի լինեն»: Իր հայրական պատգամի մեջ Նորին Սրբությունն ընդգծեց, որ յոթ սարկավագների հանձն առած հոգևոր սպասավորությունը պատասխանատու և պատվաբեր ծառայություն է: Վեհափառ Հայրապետը նշեց, որ ցանկանում է տեսնել եկեղեցականներ, ովքեր նվիրում ունեն և ծառայությունը չեն ընկալում որպես պաշտոն, այլ` կոչում և առաքելություն, այնպիսի սպասավորներ, ովքեր լինելով Աստծու խոսքի անդուլ քարոզիչներ, անմնացորդաբար կնվիրվեն իրենց ծառայությանն ու ժողովրդին: Մայր Աթոռ Ս. Էջմիածնում քառասնօրյա պատրաստության և աղոթական շրջանից հետո նորընծաները ծառայության կկոչվեն Հայաստանյայց Առաքելական Սուրբ Եկեղեցու տարբեր կառույցներում և թեմերում, հաղորդում է Մայր Աթոռ Սուրբ Էջմիածնի մամլո դիվանը:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան  «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նաՓաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծինՓաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի«ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |
