ՀԱՊԿ-ը հաստատում է, որ ղարաբաղյան խնդիրը բացառապես խաղաղ լուծում ունի և կարևորում է «ղարաբաղյան կարգավորման հիմնարար սկզբունքների վրա» աշխատանքը շուտափույթ կերպով ավարտին հասցնելու անհրաժեշտությունը: Նախօրեին Մոսկվայում ՀԱՊԿ հոբելյանական գագաթաժողովի ընթացքում Հռչակագիր ընդունվեց:
«Հաստատելով ղարաբաղյան խնդիրը բացառապես խաղաղ լուծելու անհրաժեշտությունը՝ ՀԱՊԿ-ը նշում է «ղարաբաղյան կարգավորման հիմնարար սկզբունքների վրա» աշխատանքը շուտափույթ կերպով ավարտին հասցնելու անհրաժեշտությունը՝ ԵԱՀԿ ՄԽ միջնորդությամբ, Հելսինկյան եզրափակիչ ակտի դրույթների հիման վրա, մասնավորապես ուժի չկիրառման, տարածքային ամբողջականության ու ժողովրդների ինքնորոշման սկզբունքների հիման վրա»,-ասվում է ՀԱՊԿ հռչակագրում:
ՀԱՊԿ անդամ երկրների ղեկավարները նաև հաստատել են Ռուսաստանի նախաձեռնությունը եվրոպական անվտնագության մասին պայմանագրի կնքման հարցում:
ՀԱՊԿ անդամները նաև կողմ են Սիրիայում հենց սիրիացիների ուժերով ճգնաժամի հաղթահարմանն ու ինքնիշխանության պահպանմանը:
