Սաֆարովի իրական գինը 15 մլրդ եվրո՞ է 3 սեպտեմբերի 2012 - 21:25 AMT PanARMENIAN.Net - «Հայաստանում պնդում են, որ Ռամիլ Սաֆարովը ազատ է արձակվել` Ադրբեջանի կողմից հունգարական պետական պարտքի մասը գնելու դիմաց, որն արժե 2-3 մլրդ եվրո: Սակայն դա ճիշտ չէ, ավելի ճիշտ, այնքան էլ ճիշտ չէ: Իրականում, Խոսքը թուրք-ադրբեջանական համատեղ օպերացիայի մասին է, որը ուղղակիորեն կապված է Հունգարիայի կողմից 15 մլրդ եվրո արժողությամբ վարկի ստացման հետ»,-գրում է ադրբեջանական haqqin.az կայքը: Ներկայումս Հունգարիան պատրաստվում է Ադրբեջանից և Թուրքիայից ստանալ կարճաժամկետ պարտք` 3 մլրդ դոլար արժողությամբ պետական պարտատոմսերի հիման վրա, որի տեղափոխմամբ զբաղվելու է թուրքական բրոքերական կազմակերպությունը: Այս մասին 2012թ օգոստոսի 2-ին հայտարարություն է տարածել Reuters-ը: Իր հերթին «Նեպսաբադշաղ» պարբերականը գրում էր, որ օգոստոսի 4-ին պետական պարտքի կառավարման հունգարական կենտրոնը հաղորդել է, որ պետական պարտատոմսերի բացթողում չի լինի, քանի դեռ Հունգարիան որոշում չի կայացրել պարտք վերցնել Արժույթի միջազգային հիմնադրամից: «Պարտատոմսերի իրացման խնդիրը անմիջականորեն կապված է Հունգարիայի կողմից ԱՄՀ-ից խնդրվող վարկի ստացման հետ: Հունգարիայի կողմից ԱՄՀ-ի 15 մլրդ եվրո արժողությամբ վարկի ստացման վերաբերյալ բանակցությունները դժվար են առաջ գնում: Արևմուտքում, կարծես թե որոշել են, որ գումարը պետք է Հունգարիայի վարչապետ Վիկտոր Օրբանին` 2014-ին կայանալիք խորհրդարանական ընտրությունների քարոզարշավի համար: Ներկայումս Հունգարիայի ֆինանսական կայունությունը վտանգի տակ է: 2012թ գնաճի ամենաբարձր մակարդակը ԵՄ երմրների թվում, գրանցվել է այս երկրում` 5,7 տոկոս:» Եթե Հունգարիան կարողանա ստանալ ԱՄՀ վարկը, ապա կկարողանա հանգիստ որոշել` վերադարձնել ադրբեջանա-թուրքական վարկը, թե ոչ: Բացի բարոյական բավարարվածությունից, այս գործորքը կարող է Ադրբեջանին բերել նաև նյութական շահաբաժին: Հունգարիան Հունաստան չէ, ճգնաժամն էլ աստիճանաբար նահանջում է, իսկ հունգարական պարտքի մի մասը գնելու փաստը ողջ հունգարական պարտքն ավելի լիկվիդային կդարձնի»,-գրում է haqqin.az: Հայ սպա Գուրգեն Մարգարյանի մարդասպան Ռամիլ Սաֆարովը օրերս արտահանձնվել է Ադրբեջանին, որտեղ նրան ներում է շնորհվել երկրի նախագահի կողմից: Ի պատասխան այս քայլին, Հայաստանը խզել է Հունգարիայի հետ դիվանագիտական հարաբերությունները: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |