Արմեն Ռուստամյանը Փարիզում ասել է, որ դիմելու է ԵԽ՝ Սաֆարովի գործով արդարությունը վերականգնելու համար 7 սեպտեմբերի 2012 - 18:17 AMT PanARMENIAN.Net - Սեպտեմբերի 6-ին Փարիզում Հունգարիայի դեսպանատան առջև տեղի է ունեցել բողոքի ակցիա Ռամիլ Սաֆարովի արտահանձնման և ներման դեմ: Ակցիայի մասնակիցները դատապարտել են Հունգարիայի քաղաքականությունը Սաֆարովին արտահանձնելու համար և Ադրբեջանի, որը երբեք առիթը բաց չի թողնում Ղարաբաղի հարցում միջազգային օրենքները խախտելու համար, հայտնում է Nouvelles d'Arménie-ին: Բողոքի ակցիային մասնակցել է նաև «Եվրոպա Էկոլոգիա-Կանաչներ» կուսակցությունից ընտրված եվրախորհրդարանական Միշել Ռիվազին, որը հայտարարել է, որ և Հունգարիան, և Ադրբեջանը պետք է պատասխան տան կատարվածի համար: Իր հերթին հանրահավաքի մասնակից ՀՀ ԱԺ անդամ Արմեն Ռուստամյանը հավաստիացրել է, որ դիմելու է Եվրոպայի խորհրդին՝ արդարությունը վերականգնելու համար: Ակցիայի մասնակիցները Հունգարիայի դեսպան Լասլո Տրոչանիին են փոխանցել բողոքի նամակը, իսկ Ֆրանսիայի Հայկական կազմակերպությունների համակարգող խորհրդի համանախագաններ Մուրադ Փափազյանն ու Արա Թորանյանը քննարկել են ստեղծված իրավիճակը: 2004թ. փետրվարի 19-ին լեյտենանտ Գուրգեն Մարգարյանը Բուդապեշտում գազանաբար կացնահարվեց ադրբեջանցի սպա, ավագ լեյտենանտ Ռամիլ Սաֆարովի կողմից: Երկուսն էլ Բուդապեշտում մասնակցում էին ՆԱՏՕ-ի «Գործընկերություն հանուն խաղաղության» ծրագրի շրջանակներում կազմակերպված անգլերեն լեզվի դասընթացներին: 2006թ. ապրիլի 13-ին մարդասպանը Բուդապեշտում դատապարտվեց ցմահ բանտարկության՝ 30 տարվա ընթացքում առանց ներման իրավունքի: Օգոստոսի 31-ին Հունգարիան արտահանձնեց Սաֆարովին Ադրբեջանին, որտեղ նրան անհապաղ ներում շնորհվեց: Հայաստանը խզեց դիվանագիտական հարաբերությունները Հունգարիայի հետ: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՀՀ-ն և Հունգարիան դեսպանություններ կբացեն, մայրաքաղաքների միջև ուղիղ չվերթ կգործի Չվերթը կգործարկվի արդեն հուլիսին Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Ադրբեջանի հետ սահմանին արդեն սահմանային 40 սյուն է դրվել Երկու երկրների փորձագիտական խմբերի աշխատանքները շարունակվում են Վարչապետի աշխատակազմում անհեթեթ են անվանել Բագրատ սրբազանի՝ ՔՊ բարձրաստիճան անդամների` իրենց միանալու հայտարարությունը «Անհեթեթ է անդրադառնալ նման հարցադրմանը»,–ասել են աշխատակազմից |