ՌՀՄ նախագահը կոչ է արել ՄԱԿ-ին զրկել Ադրբեջանին ԱԽ անդամակցությունից

7 սեպտեմբերի 2012 - 20:54 AMT

PanARMENIAN.Net - Սեպտեմբերի 7-ին ՌԴ-ում Հունգարիայի դեսպանատան մոտ կայացել է Ռուսաստանի հայերի միության կողմից կազմակերպված ռուս հանրության բողոքի ակցիան: Ակցիայի մասնակիցները վանկարկել են. «Բանտ նստեցրեք մարդասպան Սաֆարովին», «Մենք հարգում ենք հունգարացիներին, սակայն քննադատում ենք ծախու պաշտոնյաներին»:

Այս ակցիայի մասնակիցների հիմնական կոչն այն էր, որ դատապարտվեն բոլոր նրանք, ովքեր շահադիտական նպատակներով թույլ են տվել Ռամիլ Սաֆարովի արտահանձնումը Ադրբեջանին, որտեղ նրան ներում և «հերոսի» կոչում է շնորհվել:

Դրա հետ մեկտեղ պիկետի մասնակիցները ընդգծել են, որ իրենք դեմ են հանդես գալիս ոչ թե հունգարացիների դեմ, այլ այն պաշտոնյաների, ովքեր իրենց գործողություններով խայտառակում են Հունգարիան, հաղորդում է ՌՀՄ-ն:

Ակցիայի ավարտից հետո, ՌՀՄ նախագահ Արա Աբրահամյանին ընդունել է Մոսկվայում Հունգարիայի դեսպան Բալինտ Իյդյարտը, ում ակցիայի մասնակիցների կողմից խնդրագիր է շնորհվել:

Արա Աբրահամյանը Մոսկվայում Հունգարիայի դեսպանին պատմել է Ռամիլ Սաֆարովի արտահանձնման վերաբերյալ համաշխարհային արձագանքի մասին:

Սա ժամանակակից պատմության մեջ առաջին դեպքն է, դատապարտված մարդասպանի գործողությունները հասարակայնորեն գովաբանվում են, և երիտասարդությանը կոչ անում նմանակելու վերջինիս:

Արա Աբրահամյանը տեղեկացրել է դեսպանին, որ ՅՈւՆԵՍԿՕ-ի Բարի Կաքի Դեսպանը ՄԱԿ-ի գլխավոր քարտուղար Պան Գի Մունին նամակ է հղել, որտեղ գնահատել է Սաֆարովի արտահանձնումը Ադրբեջանին:

Նման հանցագործությունները կանխելու համար` նա նաև խնդրել է ՄԱԿ-ի գլխավոր քարտուղարին ըստ արաժանվույն գնահատել Ադրբեջանի ղեկավարության անօրինական գործողությունները և բացատրություն պահանջել այս հարցի վերաբերյալ:

Իր նամակում Աբրահամյանը կոչ է անում դադարեցնել Ադրբեջանի անդամակցությունը ՄԱԿ-ի ԱԽ-ում, քանի որ այդպիսի անօրինական գործողությունները կոպտորեն խախտում են ՄԱԿ-ի կանոնադրությունը:

Հանդիպմանը Հունգարիայի դեսպանը հաղորդել է, որ կայացած պիկետի և ակցիայի մասնակիցների պահանջների մասիօն տեղեկությունները կհաղորդվեն Հունգարիայի ղեկավարությանը: Նա իր կողմից հավելել է, որ հունգարացիները, ինչպես նախկինում, այնպես էլ այսօր, ամենաբարի զգացմունքներ է տածում հայ ժողովրդի նկատմամբ և սրտանց ամենալավն ու բարին է մաղթում այս հնագույն ժողովրդին:

Նա ընդգծել է, ոչ բավականի լավ գիտի ՀԱյաստանը, քանի որ մի քանի տարի առաջ եղել է այնտեղ պատվիրակության կազմում և մինչ օրս ամենաջերմ հիշողություններն է պահպանել այդ աշխատասեր ժողովրդի հետ շփման մասին:

Գուրգեն Մարգարյան

2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»:

2006-ի ապրիլի 13-ին Բուդապեշտի առաջին ատյանի դատարանը դատապարտել է Սաֆարովին ցմահ բանտարկության առանց ներման իրավունքի 30 տարվա ընթացքում: 2007-ի փետրվարին Վճռաբեկ դատարանը դատավճիռն ուժի մեջ է թողել:

2012-ի օգոստոսի 31-ին Հունգարիան Ռամիլ Սաֆարովին արտահանձնել է Ադրբեջանին, որտեղ նրան որպես հերոս են դիմավորել: Նախագահ Իլհամ Ալիևը նրան ներելու մասին հրամանագիր է ստորագրել, վճարել 8 տարվա աշխատավարձն ու բարձրացրել զինվորական կոչումը:

Ավելի ուշ Հայստանի ԱԳՆ-ն Հունգարիայի արտգործնախարարությանը տեղեկացրել է երկու պետությունների միջև դիվանագիտական հարաբերությունները կասեցնելու` ՀՀ կառավարության որոշման մասին։