Շվեյցարիայի հայերը Հունգարիայից պահանջում են Բաքվից ետ կանչել դեսպանին 8 սեպտեմբերի 2012 - 18:06 AMT PanARMENIAN.Net - Հայաստան-Շվեյցարիա ասոցիացիան (SAA) և Շվեյցարիայի հայ համայնքը դատապարտում են Հունգարիայից ադրբեջանցի զինծառայող Ռամիլ Սաֆարովի արտահանձնումն Ադրբեջանին և նրան այնտեղ ներում շնորհելը: PanARMENIAN.Net ստացված SAA հայտարարությունում, մասնավորապես, ասվում է. «Հունգարական կառավարության որոշումը Ռաֆիլ Սաֆարովին արտահանձնելու մասին սպառնալիքի տակ է դնում երկրի դատական համակարգի ամբողջականությունը: Այդ ամոթալի որոշումը վնասում է Հունգարիայի միջազգային հեղինակությանը և վարկաբեկում նրան որպես ժողովրդավարական երկիր և Եվրոպական հանրության անդամ: SAA-ն դատապարտում է նաև Ադրբեջանում Սաֆարովին ներում շնորհելը և դա համարում կանխամտածված սադրանք, որը սպառնալիքի տակ է դնում ոչ միայն Հարավային Կովկասի փխրուն անվտանգությունը, այլ նաև ողջ աշխարհի հայերի անվտանգությունը: SAA-ն Շվեյցարիա-Հայաստան բարեկամության խորհրդարանական խմբի համանախագահ Ուլի Լոյենբերգերի հետ միասին ուղերձ է հղել Հունգարիայի դեսպանատանը, կոչ անելով հունգարական կառավարությանը հրապարակավ ընդունել իր սխալը, դատապարտել Ալիևի կողմից Սաֆարովին ներում շնորհելը և Բաքվից ետ կանչել դեսպանին»: SAA-ն նաև կարծում է, որ Շվեյցարիան պետք է դատապարտի միջազգային օրենքների այդ խախտումը և պահանջի Ադրբեջանի նախագահից կատարել իր վրա վերցրած պարտավարությունները: Օգոստոսի 31-ին Սաֆարովը Հունգարիայի կողմից արտահանձնվեց Ադրբեջանին, որտեղ անհապաղ ներում ստացավ՝ նրան շնորհվեց մայորի կոչում, նոր բնակարան, վճարվեց 8 տարվա աշխատավարձը: Ի պաստասխան Հայաստանը կասեցրեց դիվանագիտական հարաբերությունները Հունգարիայի հետ: Մինչդեռ հունգարական կողմը պնդում է, որ Բաքուն հավաստիացումներ է տվել, որ Սաֆարովը կշարունակի կրել պատիժն Ադրբեջանում, ոչ պակաս քան 25 տարի: Ըստ որոշ տվյալների Սաֆարովն արտահանձնվել է Ադրբեջանի կողմից 2-3 մլրդ եվրոյի պարտատոմսեր գնելու Բաքվի խոստման դիմաց: Պաշտոնական Բուդապեշտը դա հերքում է: Գուրգեն Մարգարյան 2004-ի փետրվարի 19-ին ադրբեջանցի սպա Ռամիլ Սաֆարովը գիշերը կացնահարել է հայ Գուրգենի Մարգարյանին, երբ նա քնած էր: Երկուսն էլ մասնակցում էին Բուդապեշտում ՆԱՏՕ-ի «Գործընկերություն հանուն խաղաղության» ծրագրի շրջանակում կազմակերպված անգլերենի դասընթացներին: Սաֆարովն առաջին հարցաքննության ժամանակ իր արարքի պատճառներն այսպես է բացատրել. «Ափսոսում եմ, որ ոչ մի հայ մինչ այժմ չեմ սպանել... Բանակն ինձ գործուղեց այս դասընթացներին, և այստեղ իմացա, որ մեզ հետ դասընթացներում նաև երկու հայ կա: Ասեմ, որ իմ մեջ ատելություն ծագեց հայերի հանդեպ: Սկզբում բարևում էինք, այսինքն` նրանք էին բարևում, ես չէի պատասխանում: Սպանության պատճառն այն է, որ նրանք անցան մեր մոտով և ժպտացին մեր երեսին: Այդ պահին որոշեցի սպանել նրանց, այսինքն՝ լուսադեմին կտրել գլուխները»: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |