Ստեփանակերտում հրաժեշտ են տալիս արցախյան ազգային-ազատագրական շարժման առաջնորդներից մեկին19 նոյեմբերի 2012 - 13:50 AMT PanARMENIAN.Net - Նոյեմբերի 17-ին կյանքից հեռացավ արցախյան շարժման ակտիվ մասնակից, հասարակական-քաղաքական գործիչ, անվանի մանկավարժ Վիգեն Հայրապետյանը։ Հրաժեշտի պաշտոնական արարողությունը տեղի կունենա այսօր՝ Ստեփանակերտի դրամատիկական թատրոնի շենքում։ Ավելի վաղ ԼՂՀ նախագահ Բակո Սահակյանը ցավակցական հեռագիր է հղել Վիգեն Հայրապետյանի ընտանիքին, որում մասնավորապես նշվում է. «Խոր վշտով ու կսկիծով տեղեկացանք մեր ժողովրդի արժանավոր զավակ Վիգեն Սուրենի Հայրապետյանի մահվան մասին: Վիգեն Հայրապետյանը մեծ հարգանք էր վայելում ինչպես Արցախում, այնպես էլ Հայաստանում ու Սփյուռքում: Նա մեծ ներդրում ուներ Արցախի Հանրապետության կայացման գործում, եղել է ղարաբաղյան ազատագրական շարժման առաջամարտիկներից, ում ղեկավարությամբ տեղի է ունեցել Լեռնային Ղարաբաղի ժողովրդական պատգամավորների մարզխորհրդի 1988թ. փետրվարի 20-ի պատմական նստաշրջանը, և հենց նա է 1991 թվականի սեպտեմբերի 2-ին հրապարակել ԼՂՀ հռչակման մասին հռչակագիրը: Անգնահատելի է Վ.Ս.Հայրապետյանի ներդրումը նաև կրթության զարգացման գործում: Նա կրթել և դաստիարակել է բազմաթիվ սերունդների` սերմանելով սերը գիտելիքի և հայրենիքի հանդեպ: Պետությունն արժանվույնս է գնահատել Վիգեն Հայրապետյանի վաստակը` պարգևատրելով նրան «Գրիգոր Լուսավորիչ» շքանշանով և պետական այլ պարգևներով, շնորհելով ԼՂՀ վաստակավոր մանկավարժի պատվավոր կոչում: Լեռնային Ղարաբաղի Հանրապետության ողջ ժողովրդի, իշխանությունների և անձամբ իմ անունից խորին վշտակցություն ու զորակցություն եմ հայտնում հանգուցյալի բոլոր հարազատներին ու մերձավորներին: Այս ծանր պահին մենք ձեր կողքին ենք և ձեզ հետ միասին կիսում ենք անդառնալի կորստի ցավը: Վիգեն Հայրապետյանի պայծառ հիշատակը միշտ վառ կմնա բոլորիս սրտերում», հաղորդում է karabakh-open.info-ն։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Մայիսի 11–ին Երևանում անհնազանդության ակցիաներ են նախատեսված, հանրահավաք չի լինելու Սրբազանը հորդորել է մինչև մյուս ուրբաթ զրույցներ անցկացնել ՔՊ անդամների հետ Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում |