  Բաքուն Սաֆարովի համար շատ մեծ գին պետք է վճարի. Շիֆֆը կոչ է արել նվազեցնել Ադրբեջանին տրամադրվող ռազմական օգնությունը 4 դեկտեմբերի 2012 - 21:08 AMT PanARMENIAN.Net - Ներկայացուցիչների պալատի անդամ Ադամ Շիֆֆը ԱՄՆ Ներկայացուցիչների պալատի և Սենատի պետական և միջազգային օպերացիաների հարցերով ենթակոմիտեների նախագահներին և բարձրաստիճան անդամներին նամակ է հղել` կոչ անելով նվազեցնել Ադրբեջանին տրամադրվող ռազմական օգնությունը: Նման կոչի պատճառը հայ սպա Գուրգեն Մարգարյանին կացնահարծ մարդասպան Ռամիլ Սաֆարովին ներում շնորհելն ու հերոսացնելն է: « Ադրբեջանն իրականացրել է արդարության դեմ ամենասարսափելի հանցագործությունը` սառնասիրտ հանցագործին հերոս դարձնելով: Ակնհայտ է, որ այն միջոցները, որոնք մենք տրամադրում էինք Ադրբեջանին, օգտագործվել են շատ ավելի վատ նպատակներով, քան եթե այդ միջոցներն առհասարակ չօգտագործվեին: ԱՄՆ-ն չպետք է հանդուրժի Հայաստանի կամ Ղարաբաղի նկատմամբ բռնության գործողությունները, իսկ նախագահ Ալիևի նմանատիպ գործողությունները խաթարում են տարածաշրջանում խաղաղություն հաստատելու միջազգային ջանքերը»,- ասվում է Ադամ Շիֆֆի նամակում: Ըստ նրա, Ալիևի կառավարության կողմից Սաֆարովի համար կազմակերպած ընդունելությունը օրենքի գերակայության նկատմամբ արհամարհանքի դրսևորում է: Իսկ օրենքի գերակայությունը դեպի Եվրոատլանտիկ հանրություն ձգտող յուրաքանչյուր պետության հիմնական սկզբունքն է: «Ադրբեջանը պետք է բարձր գին վճարի իր գործողությունների համար: Բաքուն ԱՄՆ-ից ֆինանսական օգնություն է ստանում ոչ նրա համար, որ գումարի կարիք ունի, այլ նրա, որ դա հանդիսանում է երկու պետությունների մտերմության յուրահատուկ վկայություն: Օգնության ծավալները կրճատելով` ԱՄՆ-ն Ադրբեջանին ցույց կտա Սաֆարովի գործի նկատմամբ իր վերաբերմունքը և կհիշեցնի Ալիևին, որ իր համար անընդունելի է Հայաստանի կամ Լեռնայի Ղարաբաղի նկատմամբ ագրեսիայի որևէ դրսևորում»:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
