«Ալիք». Թուրքական լարախաղաց քայլերը գործում են ի վնաս տարածաշրջանային կայունության26 փետրվարի 2013 - 20:49 AMT PanARMENIAN.Net - Փետրվարի 27-ի առավոտյան թեհրանահայ համայնքի ներկայացուցիչները համախմբվելու են թուրքական դեսպանատան առջև` բողոքելու այդ երկրի տարածաշրջանային և մասնավորապես սիրիական տագնապում ցուցաբերած դավադիր քաղաքականության և դրանից բխող` ոչ-հայանպաստ հետևանքների դեմ: Այս մասին գրում է Թեհրանի «Ալիք» օրաթերթը: «Թեպետ Թուրքիան սկզբից ձևացրել է, թե սիրիական տագնապում հետամուտ է եղել այսպես ասած` «արաբական գարնան» հոլովույթում Ասադի դեմ հակառեժիմ գործընթացների, բայց և այնպես` որևէ արդարացում չի կարող քողարկել թուրքական բուն նպատակը` գաղափարա-քաղաքական միտումներով «նեոօսմանիզմը» գովազդել-քարոզելու հանգամանքը: Ավելին` թուրքական դավերի կենսագործման ճամփին «Ալ Ղայիդա»-կան և նմանատիպ վարկաբեկված գործոնների առկայությունը սաղմի մեջ իսկ հօդս է ցնդեցնում թուրքական հերթական լարախաղաց քայլերը, որոնք մշտապես ի վնաս են գործել անմիջական հարևանների շահերին ու առհասարակ` շրջանային խաղաղությանն ու կայունությանը: Հայկական գործոնի և տվյալ դեպքում` սիրիական արդեն երկամյա տագնապի արդյունքում սիրիահայ ծաղկուն համայնքի խիստ անմխիթար ու ծանրակշիռ իրավիճակը հաստատապես հետևանքն է միևնույն` թուրքական տարածաշրջանային ընդհանուր քաղաքականության, որտեղ սիրիացի տուժող ժողովրդից անմասն չի մնում նաև ու մանավանդ սիրիահայ գաղթօջախը: Ահավասիկ, ինչպես ողջ հայաշխարհի ցավակից ու պահանջատեր հայորդիներ, իրանահայ զավակները ևս ամեն պատճառ ու հիմք ունեն առանց այն էլ ցեղասպան Թուրքիային բողոքի ցույցերով հիշեցնել-զգուշացնելու իր` մասնավորապես հայության յուրաքանչյուր բեկորի կամ հատվածի ուղղակի թե անուղղակի վնաս պատճառելու մասին: Բողոքի ու արդար պահանջատիրության այս իրավունքը հարգելով, ահա ԻԻՀ համապատասխան մարմինների ընդառաջմամբ ու համայնքիս ազգային մարմինների համադրական ջանքերով, թեհրանահայությունը ինչպես միշտ` կուռ և քաղաքակիրթ կեցվածքով համախմբվելու է Թուրքիայի դեսպանատան առջև, իր գերազանցապես բարոյական ու քաղաքական ձայնակցություն-նեցուկը ցուցաբերելու սիրիահայ մեր քաջակորով հայրենակիցներին»,- գրում է թերթը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Փաշինյանը՝ Ադրբեջանի հետ խաղաղ գործընթացի մասին. Տիեզերք թռիչքները ևս անիրական էին թվում Նա ընդգծել է, որ ՀՀ ռազմավարությունն ուղղված է տարածաշրջանի հարևանների հետ տնտեսական ինտեգրման խորացմանը ՀՀ–ն և Սլովակիան պայմանավորվել են ռազմատեխնիկական գործակցության շուրջ Կարեն Բրուտյանի գլխավորած պատվիրակությունը Բրատիսլավայում է Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները |