ԼՂՀ փոխվարչապետը մասնակցել է Շարժման 25-ամյակի միջոցառումների եզրափակիչ հանդիսությանը 5 մարտի 2013 - 20:08 AMT PanARMENIAN.Net - Մարտի 4-ին Բուրջ Համուդի «Հովհաննես Պողոսյան» թատերասրահում ՀՅԴ Լիբանանի մարմնի նախաձեռնությամբ տեղի է ունեցել Արցախյան շարժման 25-ամյակին նվիրված միջոցառումների եզրափակիչ հանդիսությունը: Լիբանանի և Հայաստանի օրհներգերը լսելուց հետո ներկաները մեկ րոպե լռությամբ հարգել են արցախյան ազատամարտում զոհված հերոսների հիշատակը: ՀՅԴ Լիբանանի կենտրոնական կոմիտեի անունից ելույթով հանդես է եկել Հակոբ Հավաթյանը: Նա անդրադարձել է Արցախյան շարժման սկզբնավորմանը և ընթացքին, այդ պայքարում հայ ժողովրդի մասնակցությանը: Հակոբ Հավաթյանը կարևորել է Արցախի անվտանգության հարցում հայության միասնականության անհրաժեշտությունը, որի նպատակը պետք է լինի հայության ջանքերի նվիրումը Լեռնային Ղարաբաղի Հանրապետության միջազգային ճանաչմանը, ինչպես նաև Արցախի զարգացմանը և պետականության ամրապնդմանը: Լեռնային Ղարաբաղի Հանրապետության փոխվարչապետ Արթուր Աղաբեկյանը ներկայացրել է ԼՂՀ նախագահ Բակո Սահակյանի ուղերձը լիբանանահայությանը՝ Արցախյան շարժման 25-ամյակի տոնակատարության առթիվ: Փոխվարչապետը ներկայացրել է մանրամասներ արցախյան ազատագրական պայքարի, ներկա մարտահրավերների, ընթացիկ և հեռանկարային ծրագրերի մասին: Նա նշել է, որ ռազմադաշտում տարած հաղթանակներին պետք է հետևեն հաղթանակներ Արցախի տնտեսության զարգացման ոլորտում: ԼՂՀ փոխվարչապետը համոզմունք է հայտնել, որ զարգացող և բարգավաճող Արցախին կարելի է հասնել միասնական ջանքերով, անձնուրաց աշխատանքով և Արցախ-Հայաստան-Սփյուռք եռամիասնությամբ: Միջոցառման ընթացքում ցուցադրվել է «Մենք ենք Արցախը» տեսաերիզը, ելույթ են ունեցել Համազգայինի «Այգ» երչախումբն ու ժողովրդական գործիքների նվագախումբը՝ Զաքար Քեշիշյանի ղեկավարությամբ: Հնչեցլ են նաև հարենասիրական երգեր արցախցի ազատամարտիկ-երգիչ Մկրտիչ Մկրտիչյանի, Լուսինե Դեմիրճյանի և Ալիս Իփրաճյանի կատարմամբ: Արցախյան շարժման 25-ամյակին նվիրված տոնակատարությունն ավարտվել է Արցախի օրհներգով: Միջոցառմանը ներկա են եղել Լիբանանի հայոց թեմի առաջնորդը, Մեծի Տանն Կիլիկիո կաթողիկոսության և Հայ կաթողիկե պատրիարքարանի հոգևոր հայրերը, Լիբանանի հայազգի նախարարները, Լիբանանի խորհրդարանի ներկա և նախկին անդամներ, Բուրջ Համուտի քաղաքապետը, Լիբանանում ՀՀ դեսպանը, Մերձավոր Արևելքում Լեռնային Ղարաբաղի ներկայացուցիչը, ինչպես նաև կուսակցական կառույցների և լիբանանահայ հայրենակցական միությունների ղեկավարներն ու ներկայացուցիչները:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
