  Աժդար Կուրտով. Կրեմլը ճնշում չի գործադրի Երևանի վրա Ղարաբաղի հարցում, սակարկություն չի լինի 29 ապրիլի 2013 - 17:30 AMT PanARMENIAN.Net - Եթե Ղարաբաղի հարցում ոչ ոք չորոշի օգտվել մասշտաբային ուժային մեթոդներից ինչ գնով ուզում է լինի իր իրավացիությունը հաստատելու համար, ապա հակամարտությունը կմնա այն նույն վիճակում, որում գտնվում 1994թ. ի վեր: Այդ մասին հայտարարել է ՌԴ նախագահին կից Ռազմավարական հետազոտությունների ինստիտուտի առաջատար փորձագետ, «Ազգային ռազմավարության խնդիրները» հանդեսի գլխավոր խմբագիր Աժդար Կուրտովը: «Քաղաքական երկխոսության, դիվանագիտական բանակցությունների ընթացքում փոփոխությունների կանխատեսման համար հիմքեր ես չեմ նկատում: Չեմ ցանկանում խոսել այն մասին, թե ով է դրանում ավելի մեղավոր: Ուղղակի փաստն եմ արձանագրում: Իսկ պատերազմը միշտ անկանխատեսելի է: Նախապես շատ դժվար է հաշվարկել, օրինակ, թե ում ռազմական ներուժն է ավելի մեծ: Հիշեցնեմ, որ 1992թ. ամռանը Շևարդնաձեն ևս կարծում էր, որ հեշտությամբ կհաղթի աբխազներին, սակայն, չստացվեց: 2008թ. օգոստոսին Սահակաշվիլին կրկնեց նույն սխալը: Եվ նման օրինակները պատմության մեջ քիչ չեն: Կան հակամարտություններ, որոնք տասնամյակներ և նույնիսկ հարյուրամյակներ են տևում, օրինակ, Ջիբրալթարը, Ֆոլկլենդյան կղզիները: Դուր գալիս է ինչ-որ մեկին, թե ոչ, սակայն, դա է իրողությունը: Ես հասկանում եմ, որ բոլորին չի դա դուր գալիս, սակայն երբեք պետք չէ հիմարություններ անել՝ ընտրելով ծայրահեղ ուղին»,-ասել է նա: Աժդար Կուրտովը նշել է նաև, որ Կրեմլը ճնշում չի գործադրի Երևանի վրա Ղարաբաղի հարցում: «Սակարկություն չի լինի: Դա բավականին զգայուն թեմա է, Կրեմլը չի ցանկանա «կորցնել դեմքը»: Կուրսը նույնը կլինի. կողմերը պետք է ինքնուրույն գտնեն խնդրի լուծումը, որն իրենք են ստեղծել: Արտաքին ուժերը կարող են օգնել, բայց չեն կարող թելադրել վերջնական լուծումը: Չեմ կարող չնշել նաև, որ Ռուսաստանի վերնախավում ամենևին հիացած չեն Բաքվի վերջին գործողություններից՝ Գաբալայի, Անդրկասպյան գազամուղի և այլ հարցերում»,-ասել է ռուսաստանցի քաղաքագետը՝ հավելելով, որ չէր ցանկանա, որ ՆԱՏՕ-ն, ստանձնելով ղարաբաղյան հակամարտության կարգավորումը, օգտվի նույն գործիքներից, որի միջոցով ժամանակին նրանք «կարգավորեցին Կոսովոյի հակամարտությունը», գրում է vesti.az-ը:   Ուշագրավ Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը   Ամենաընթերցվողը բաժնում |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
