ՔԿՀ-ում դատապարտյալ է մահացել. ՄԻՊ-ը դարձյալ անդրադարձել է հիմնարկների բուժսպասարկմանը30 ապրիլի 2013 - 16:31 AMT PanARMENIAN.Net - Ապրիլի 25-ին «Նուբարաշեն» քրեակատարողական հիմնարկում մահացել է 65-ամյա Ժորժ Բաղումյանը: Նա բանտում էր հարկերից խուսափելու մեղադրանքով: Բաղումյանի փաստաբանը պնդում է, որ նրան անհրաժեշտ բուժօգնություն ցույց չեն տվել, ինչն էլ մահվան պատճառ է դարձել: Դեպքից հետո Մարդու իրավունքների պաշտպանը դարձյալ անդրադարձել է քրեակատարողական հիմնարկներում բուժսպասարկման արդյունավետությանը խոչընդոտող խնդիրներին: ՄԻՊ գրասենյակից հայտնում են, որ 1200 դատապարտյալ ունեցող քրեակատարողական հիմնարկում գիշերային հերթապահության ժամանակ աշխատում է միայն մեկ բուժակ, ինչը անհնարին է դարձնում մի քանի դատապարտյալի միաժամանակ բժշկական օգնություն ցուցաբերելը: Պաշտպանը ՀՀ վարապետին ուղղված տեղեկանքի մեջ անդրադարձել էր այս խնդրին, որը արձանագրվել էր դեռևս 2012թ-ի մարտ-ապրիլ ամիսների ընթացքում քրեակատարողական հիմանարկներ այցելություններ կատարելու ընթացքում: Մեկ այլ խնդիր է նաև կառավարության 2006թ.-ի որոշմամբ հաստատված պատիժը կրելուն խոչընդոտող ծանր հիվանդությունների ցանկի հստակեցումը, որի հետ կապված Պաշտպանը բազմիցս առաջարկներ է արել Մարդու իրավունքների պաշտպանության ազգային ռազմավարությունից բխող միջոցառումների ծրագրում ընդգրկել և հստակեցնել պատժի կրման հետ անհամատեղելի համարվող հիվանդությունների ցանկն ու դրանց չափորոշիչները, սակայն առաջարկը դեռևս քննարկման փուլում է: Ապրիլի 29-ին «Նուբարաշեն» ՔԿՀ-ում Ժորժ Բաղումյանի դեպքի մանրամասները ճշտելու նպատակով Պաշտպանը գրություն է ուղարկել ՀՀ արդարադատութան նախարարի պաշտոնակատարին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |