7 05.06.13 - ՄԳԱ Գրուպ ընկերության նախագահ, բարերար, ՀՀ-ում Սլովակիայի պատվավոր հյուպատոս պրն Գագիկ Մարտիրոսյանը նշանակվեց որպես ՅՈՒՆԻՍԵՖ-ի Ազգային Դեսպան ՅՈՒՆԻՍԵՖ-ի երկրորդ Ազգային դեսպան է նշանակվել Գագիկ Մարտիրոսյանը 5 հունիսի 2013 - 13:56 AMT PanARMENIAN.Net - Այսօր ՅՈՒՆԻՍԵՖ Հայաստանը «ՄԳԱ Գրուպի» նախագահ, ՀՀ-ում Սլովակիայի Հանրապետության պատվավոր հյուպատոս Գագիկ Մարտիրոսյանին պաշտոնապես նշանակել է որպես իր Ազգային դեսպան: Մարտիրոսյանը ՅՈՒՆԻՍԵՖ Հայաստանի երկրորդ Ազգային դեսպանն է և կմիանա Հայաստանի հայտնի երգչուհի Ալլա Լևոնյանին, ով նշանակվել էր ՅՈՒՆԻՍԵՖ-ի Ազգային դեսպան 2007թ. ապրիլին: «Իր գործնեության ընթացքոմ «ՄԳԱ Գրուպի» նախագահ Գագիկ Մարտիրոսյանը մեծ ուշադրություն է ցուցաբերել Հայաստանում երեխաների խնդրին՝ ներդրումներ կատարելով այնպիսի ծրագրերում, որոնք փրկում են նորածինների կյանքը, խթանում երեխայի՝ ընտանիքում մեծանալու իրավունքը, ուղղելով ռեսուրսները հաշմանդամոթյուն ունեցող երեխաների ներգրավմանը և ինտեգրմանը: Պրն Մարտիրոսյանի գործունեությունը հանուն երեխաների լավ օրինակ է ծառայում Հայաստանի և սփյուռքի գործարարների համար՝ կարևոր ուղերձ հասցնելով նրանց, որ երեխաների իրավունքների պաշտպանությունը կարևոր ներդրում է մեր բոլորի կայուն ապագայի համար»,-նշեց Հայաստանում ՅՈՒՆԻՍԵՖ-ի ներկայացուցիչ Հենրիետ Արենսը ՄԱԿ-ի երևանյան գրասենյակում տեղի ունեցած արարողության ժամանակ: «Ես ցանկանում եմ արտահայտել իմ երախտիքի խոսքը ՅՈՒՆԻՍԵՖ Հայաստանին: Ինձ համար մեծ պատիվ է դառնալ ՅՈՒՆԻՍԵՖ Հայաստանի Ազգային դեսպան և կրողը դառնալ բարձր արժեքների և սկզբունքների, որոնք քարոզվում են ՅՈՒՆԻՍԵՖ-ի կողմից երեխաների պաշտպանության և բարօրության համար: Ես իմ առաքելությունը հաջողված կհամարեմ, եթե հաշմանդամություն ունեցող երեխաները լիովին ինտեգրվեն հասարակության մեջ և վերջին մանկատունը փակվի»,-ասաց «ՄԳԱ Գրուպի» նախագահը՝ ընդունելով իր նշանակումը: «ՄԳԱ Գրուպի» և Գագիկ Մարտիրոսյանի կողմից նվիրաբերած գումարի միջոցով ՅՈՒՆԻՍԵՖ Հայաստանը ապահովել է նորածնային բաժանմունքները հեռավոր գյուղական համայնքների ծննդատներում նոր սարքավորումներով, կազմակերպել է բազմաթիվ միջոցառումներ, որոնք խթանում են վաղ մանկական զարգացումը, կրծքով սնուցումը, ինչպես նաև հաշմանդամություն ունեցող երեխաների ինտեգրումը հանրակրթական դպրոցներ: «Այն բիզնեսը, որը ներառում է երեխաների նկատմամբ հարգանք և օժանդակություն իր ռազմավարության և գործունեության մեջ, օգուտ է բերում երեխաներին և հասարակությանը և կարող է իրական օգուտ բերել նաև բիզնեսի համար»,-ընդգծեց ՅՈՒՆԻՍԵՖ-ի ներկայացուցիչը՝ ավելացնելով, որ Մարտիրոսյանը կշարունակի նվիրաբերել իր ժամանակը՝ օգնելու ՅՈՒՆԻՍԵՖ-ին մոբիլիզացնել գործարարներին Հայաստանում և սփյուռքում և քաջալերել նրանց երեխաների իրավունքների պաշտպանության համար իրականացվող ծրագրերում ներդրումներ անելու կարևորության մասին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |