Սեպտեմբերի 17-ին Մոսկվայում կբացվի Սբ Գրիգոր Լուսավորչի հայկական եկեղեցին: Մայր տաճարի շինարարությունը սկսվել է 2008թ., այն գտնվում է Մոսկվայի Օլիմպիական պողոտայում: Եկեղեցու բացմանը ներկա կգտնվի Ամենայն Հայոց կաթողիկոս Գարեգին Երկրորդը, Ռուսաստանի հայ համայնքի ներկայացուցիչներ, ՌԴ պաշտոնյաներ: Այստեղ կլինի նաև ՀԱԵ Նոր Նախիջևանի և Ռուսաստանի թեմի առաջնորդ եպիսկոպոս Եզրաս Ներսիսյանի նստավայրը:

Հին հայկական Սբ Հարության եկեղեցին գտնվում է Մոսկվայի հայկական գերեզմանոցում, այն կառուցվել է դեռևս 1815 թվականին: 1917թ. հետո դա միակ կանգուն մնացած հայկական եկեղեցին էր Մոսկվայում, մյուս երկուսը խորհրդային տարիներին քանդվել են: իսկ Սբ Հարության եկեղեցին օգտագործվել է խորհրդային տարիներին որպես արհեստանոց և հավատացյալներին է վերադարձվել 1956 թվականին: