Անկախ Արցախը 22 տարեկան է 2 սեպտեմբերի 2013 - 12:01 AMT PanARMENIAN.Net - Այսօր՝ սեպտեմբերի 2-ին, Արցախի հանրապետությունը նշում է անկախության 22-րդ տարեդարձը: Ուղիղ 22 տարի առաջ՝ 1991 թ.-ի սեպտեմբերի 2-ին, Ադրբեջանական ԽՍՀ Լեռնային Ղարաբաղի ինքնավար մարզի (ԼՂԻՄ) ու Շահումյանի շրջանի պատգամավորների համատեղ նստաշրջանին հռչակվեց Արցախի անկախությունը ԼՂԻՄ ու Շահումյանի շրջանի սահմաններում: Օրվա առթիվ իր ուղերձում ԼՂՀ նախագահ Բակո Սահակյանը նշել է, որ Արցախի հանրապետության օրն «այն կարևորագույն պետական տոնն է, որը մենք ավանդաբար նշում ենք խորին հպարտության ու պատասխանատվության զգացումով: Հպարտություն` իր ազատությունն ու անկախությունը քաջ զավակների արյամբ նվաճած և այժմ էլ ապագան սեփական ձեռքերով կերտող մեր հերոսական ժողովրդի համար: Պատասխանատվություն` մեծագույն զոհողությունների գնով ձեռք բերած պետականությունն օր օրի ամրապնդելու, հայրենի հողը շենացնելու, սերունդներին ուժեղ ու զարգացած հայրենիք թողնելու համար»: Իր հերթին ՀՀ նախագահ Սերժ Սարգսյանը նշել է, որ Արցախի բնիկ ժողովրդի կատարած ընտրության «իրավունքը սրբազան է, և ինքնորոշման փաստը՝ անբեկանելի:ԼՂՀ ժողովուրդն իր ազատությունը պաշտպանել և փրկագնել է դաժանագույն պատերազմում ծանրագույն կորուստների գնով: Հանուն իր անկախության արցախցին քվեարկել է ոչ միայն համաժողովրդական հանրաքվեով, այլև համաժողովրդական ինքնապաշտպանությամբ: Արցախցին «Այո՛» է ասել ազատությանն ու անկախությանը, և «Ո՛չ»՝ բռնությանն ու կոտորածին»: Ինչպես նշել է նախագահ Սահակյանը, Արցախի ժողովուրդը լի է «վճռականությամբ ու հաստատակամությամբ` հաջողությամբ ու միասնաբար լուծելու բոլոր խնդիրները, լուծելու ամենօրյա համատեղ ու քրտնաջան աշխատանքի միջոցով, Հայաստանի և Սփյուռքի մեր քույրերի ու եղբայրների գործուն աջակցությամբ»: Նախագահ Սարգսյանի խոսքով՝ միջազգային հանրության կողմից պաշտոնապես ճանաչված բազմաթիվ երկրներ «կերազեին ունենալ ԼՂՀ-ի ներքին կազմակերպվածությունն ու կայունությունը, ժողովրդավարության և քաղաքական ազատությունների աստիճանը: Եվ սա այն դեպքում, երբ արցախցին ստիպված է մի ձեռքով մշտապես զենք բռնել և աշխատել միայն մեկ ձեռքով»: ԼՂՀ պետական անկախության մասին հանրաքվեն անցկացվեց 1991թ.-ի դեկտեմբերի 10-ին: ԼՂՀ տարածքում 81 ընտրատեղամաս էր գործում: Ընտրելու իրավունք ունեին 132 328 քաղաքացի: Հանրաքվեի հարցը հետևյալն էր. «Համաձա՞յն եք արդյոք, որպեսզի հռչակված Լեռնային Ղարաբաղի Հանրապետությունը լինի անկախ պետություն, ով ինքնուրույն կորոշի համագործակցության ձևերըը այլ պետությունների և միությունների հետ»: Քվեաթերթիկները կազմված էին երեք լեզվով՝ հայերեն, ադրբեջաներեն ու ռուսերեն: Դիտորդները չարձանագրեցին որևէ խախտումներ ոչ քվեաթերթիկների բաժանման կարգում, ոչ ընտրակեղծիքներ գտան, ոչ էլ խարդախություններ ձայների հաշվման գործընթացում: Հանրաքվեին մասնակցեց 108736 մարդ, ինչը կազմում էր գրանցված ընտրողների 82,2 տոկոսը: Քվեարկությանը չմասնակցողների մեծամասնությունը ադրբեջանական բնակավայրերի բնակիչներն էին: «Այո» ասաց 108615 ընտրող (քվեարկությանը մասնակցողների 99,89 տոկոսը), «ոչ»՝ 24 մարդ (քվեարկությանը մասնակցողների 0,02 տոկոսը): Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Մի դրամի ուժն ամփոփում է «Դասավանդիր, Հայաստանի» հետ երկամյա ծրագիրը Ընկերություններին այցի ժամանակ միացել էր նաև Իդրամ Ջունիորը՝ իր հետ բերելով ինտելեկտուալ խաղ երեխաների համա ՀՀ–ն և Ֆրանսիան կընդլայնեն գործակցությունը քաղավիացիայի ոլորտում․ Համաձայնագիր կա Կներգրավվեն համապատասխան մասնագետներ, մասնագիտական գիտելիքների և լավագույն փորձի փոխանակում կիրականացվի Ոստիկանություն․ Օպերային հարակից փողոցները փակ են լինելու Օպերայում անցկացվելու է EBRD–ի միջազգային ֆորումը Էրդողանը հրատապ հանդիպում է անցկացրել՝ նրան հայտնել են ռազմական հեղաշրջման փորձի հավանականության մասին Հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցեր |