 ՀԱՊԿ ԱԱՀՈւ կմասնակցեն Կազմակերպության պատասխանատվության գոտուց դուրս գործողություններին ցանկացած տարածքում 15 հոկտեմբերի 2013 - 13:03 AMT PanARMENIAN.Net - Ըստ ՀԱՊԿ գլխավոր քարտուղարի տեղակալ Գենադի Նեվիգլասի հայտարարության, ՀԱՊԿ խաղաղապահ ուժերը իրավունք կստանան մասնակցելու գործողություններին Կազմակերպության պատասխանատվության գոտուց դուրս ցանկացած տարածքում: Դա նշանակում է, որ դաշինքի զինվորական ստորաբաժանումները, որին մասնակցում են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանն ու Ուզբեկստանը, կարող են խաղաղապահ ուժեր մտցնել իրենց սահմանից դուրս ցանկացած երկիր: Այդ առնչությամբ փորձագետներն ենթադրություններ են անում, թե որ երկիրը կարող է առաջին փորձադաշտը հանդիսանալ ՀԱՊԿ առաքելության համար: Ներկայումս համատեղ ստորաբաժանումներում, որոնք կոչվում են Արագ արձագանքման հավաքական ուժեր, ընդգրկված է մոտ 26 հազար զինծառայող: Ինչպես գրում է Integration կայքը, մինչև վերջերս ՀԱՊԿ զորակազմի մասին քիչ էր խոսվում: Սակայն, հաշվի առնելով Նեվիգլասի սենսացիոն հայտարարությունը, փորձագետները ենթադրում են, որ մեծ հավանականություն կա, որ բավականին շուտով ՀԱՊԿ խաղաղապահները ավելի հայտնի կդառնան: Ըստ ՀԱՊԿ գլխավոր քարտուղար Նիկոլայ Բորդյուժայի, այդ միավորումները «միանգամայն ունակ են գործողությունների»: Նրանք կարող են իրենց հմտությունները կիրառել խաղաղապահ գործողությունների անցկացման համար: Ինչպես ասել է Բորդյուժան, վերջին իրադարձությունների զարգացման տրամաբանությունը համաշխարհային քաղաքական կյանքում վկայում է դրանց կիրառման հավանականության մասին: Ամեն դեպքում, ՀԱՊԿ խաղաղապահները պատրաստ են նման շրջադարձին: Ինչպես հայտարարել է Նեվիգլասը, հոկտեմբերին մեծ զորավարժություններ տեղի կունենան, որի ժամանակ խաղաղապահ զորակազմը պետք է հասունության քննություն հանձնի ՀԱՊԿ լիազոր կոմիտեի ներկայացուցիչների առջև: ՀԱՊԿ-ին իրավունք կտրվի մասնակցել գործողությունների իր պատասխանատվության գոտուց դուրս: Այլ կերպ ասած, ՀԱՊԿ անդամներն որոշել են դուրս գալ դաշինքի սահմաններից՝ օրինականացնելով իրենց մասնակցությունը միջազգային խաղաղապահ գործողություններին ՄԱԿ խնդրանքով և մանդատով: Փաստացի այդ գաղափարն արդեն հավանություն է ստացել ՄԱԿ գլխավոր քարտուղար Պան Գի Մունի կողմից: Ավելի վաղ ՌԴ Պետդումայի խոսնակ Սերգեյ Նառիշկինը հայտարարել էր, որ ՀԱՊԿ երկրները պատրաստ են կիրառել բոլոր միջոցները, ներառյալ ՌԴ ռազմակայանները, ապահովելու համար անվտանգությունը տարածաշրջանում: «Անհրաժեշտության դեպքում ՀԱՊԿ բոլոր ուժերն ու համակարգերը, ներառյալ ռուսական ռազմակայանները ՀԱՊԿ երկրներում, կգործարկվեն կազմակերպության շահերից ելնելով, այդ թվում Տաջիկստանում տեղակայված 201-րդ ռուսական ռազմակայանը, որի ստորաբաժանումները ՀԱՊԿ կազմի մեջ են մտնում»,-ասել է Նառիշկինը: Հղումներ թեմայով.    ՀԱՊԿ Հավաքական անվտանգության պայմանագրի կազմակերպությունը (ՀԱՊԿ) ռազմաքաղաքական դաշինք է, որը ստեղծել են ԱՊՀ պետությունները Հավաքական անվտանգության մասին պայմանագրի հիման վրա, որը ստորագրվել է 1992թ. մայիսի 15-ին: Պայմանագիրը մեխանիկորեն երկարացվում է յուրաքանչյուր հինգ տարին մեկ:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
