Ռուս քաղաքագետը զգուշացնում է Ադրբեջանին 5 նոյեմբերի 2013 - 14:29 AMT PanARMENIAN.Net - Արևմտյան երկրներն ԱՄՆ գլխավորությամբ այս կամ այն ձևով կաշխատեն ներքաշել Ադրբեջանին Սիրիայի ու Իրանի դեմ հնարավոր ռազմական գործողությունների մեջ: Այդ մասին հայտարարել է ռուս քաղաքագետ, Ռուսական արտերկրի ինստիտուտի փորձագետ Վիտալի Ժուրավլյովը: Ըստ փորձագետի, Ադրբեջանի շահերից է բխում առավելապես հեռու մնալ հակամարտություններին հնարավոր մասնակցությունից: «Պետք չէ մոռանալ, որ կողքը Սիրիայի դաշնակից Իրանն է: Հակամարտությունը կարող է միջտարածաշրջանային բնույթ ստանալ արդիական զենքի բոլոր տեսակների զանգվածային կիրառմամբ: Հետևանքները շատ լուրջ կլինեն բոլորի համար, բայց ԱՄՆ-ն ու Արևմտյան Եվրոպան այնուամենայնիվ հեռու են, նրանք լուծում են սեփական աշխարհատնտեսական ու աշխարհաքաղաքական խնդիրները, իսկ այստեղ բնակվող ժողովրդները ստիպված են լինելու վճարել ուրիշների արկածախնդրության համար, այդ թվում սեփական կյանքով»,-ասել է նա: Անդրադառնալով ղարաբաղյան խնդրին՝ Վ.Ժուրավլյովը նշել է, որ նոր ղարաբաղյան պատերազմը քիչ հավանական է: «Պատերազմի դեպքում երկու կողմերի կորուստները շատ զգալի կլինեն, ինչպես մարդկային, այնպես էլ նյութական: Դա իր հերթին կարող է սոցիալական բողոքի պատճառ դառնալ ու քաղաքական հետևանքներ ունենալ իշխանությունների համար: Պատասխանատու քաղաքական գործիչները չեն կարող իրենց թույլ տալ մեծ ջանքեր պահանջող ու անկանխատեսելի հետևանքներով այդպիսի «խաղեր»: Ըստ իս, Ադրբեջանն ու Հայաստանը ռազմական հեռանկարի փոխարեն պետք է կենտրոնանան սոցիալական խնդիրների լուծման, պետկառավարման արդյունավետության բարձրացման ու սոցիալական քաղաքականության վրա»,-ասել է Վիտալի Ժուրավլյովը, գրում է Vesti.az-ը: Photo:topwar.ru Հղումներ թեմայով. Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |