Վիլնյուսի գագաթնաժողովի աղոտ հույսերը27 նոյեմբերի 2013 - 18:02 AMT PanARMENIAN.Net - Վաղը Վիլնյուսում մեկնարկում է Արևելյան գործընկերության գագաթնաժողովը, որը պետք է ԵՄ համար եթե ոչ հաղթական, ապա առնվազն մեծ քայլ դառնար վեց հետխորհրդային երկրներից՝ Հայաստանից, Մոլդովայից, Ուկրաինայից, Բելառուսից, Վրաստանից ու Ադրբեջանից, Ռուսաստանին դուրս մղելու ուղղությամբ: Եվրամիության հույսերը մի փոքր աղոտ են թվում և միայն Վրաստանի դեպքում կարելի է մինչև վերջ վստահ լինել: Տարածաշրջանում արագ փոխվող իրավիճակում և աշխարհաքաղաքական կենտրոնների փոփոխման պայմաններում ոչ մի երկրի հարցում չի կարելի վստահ լինել: Հայաստանն ու Բելառուսը չեն ստորագրի ասոցացման մասին համաձայնագիրը, Ուկրաինայի դեպքում ինտրիգը մինչև վերջ կպահպանվի: Արդբեջանն արդեն հայտարարեց, որ ոչինչ չի ստորագրելու: Մնացին Մոլդովան ու Վրաստանը: Ինչ վերաբերում է Ռուսաստանին, ապա մեղադրանքները ԱԳ երկրների, հատկապես Ուկրաինայի և որոշ չափով Հայաստանի հանդեպ ճնշում գործադրելու վերաբերյալ այնքան էլ չեն համապատասխանում իրականությանը: Մոսկվան ճնշում չի գործադրում, նա ուղղակի թվերով ցույց է տալիս, թե ինչ կարող են ակնկալել հետխորհրդային երկրները տեսանելի ապագայում: Բնականաբար, Վրաստանը ևս չի կարող հույսը դնել ԵՄ օգնության վրա, ինչում էլ նա համոզվեց 2008-ին, երբ օգոստոսյան պատերազմի ժամանակ ոչ ոք չօժանդակեց Սահակաշվիլիին: Բայց ամեն ինչ կարող էր այլ կերպ դասավորվել, մասնավորապես, Հայաստանի պարագայում, եթե ԵՄ-ն հրապարակեր Եվրամիության հետ Հայաստանի ասոցացման մասին համաձայնագրի տեքստը, որը նախատեսվում էր նախաստորագրել Վիլնյուսում: Ըստ Հայաստանում Լեհաստանի դեսպան Զդիսլավ Ռաչինսկու, համաձայնությունը կարող էր հրապարակվել Վիլնյուսից հետո: Նշելով, որ տեքստում ոչ մի «պարսավելի» բան չկա, Ռաչինսկին ասաց, որ եթե Հայաստանը նախաստորագրեր համաձայնագիրը, կնշանակեր ստորագրել միայն առաջին ու վերջին էջը: «Իսկ մանրամասները, իրավական հասկացությունները, միջին մասը կհստակեցվեին դեռ մոտավորապես մեկ տարի»,- ասել է նա: Ինչպես հայտնի է, սատանան մանրուքների մեջ է թաքնված և համաձայնության տեքստը նույնն է Արևելյան գործընկերության բոլոր երկրների համար, բացառությամբ որոշ կետերի: Նշենք, որ Հայաստանին վերաբերող փաստաթուղթը 1200 էջից էր, և հիմնականում վերաբերում էր տնտեսական հարցերին: Այսինք սա այն է, հանուն ինչի էլ ձեռնարկվեց ասոցացման մասին համաձայնագիրը՝ ԱԳ մասնակից երկրներին ԵՄ-ից տնտեսական կախվածության մեջ դնել, ոչնչացնել արդյունաբերությունն ու գյուղատնտեսությունը, մնալով միայն ԱՄՀ ողորմածությանը: Մի խոսքով, պարտքերի մեջ խրվել առանց այդ փոսից դուրս գալու հեռանկարի: Ոչ մի հայկական ապրանք Եվրոպայում չէր ծախվի, և ոչ միայն հայկական, այլև ուկրաինական, վրացական, մոլդովական: Կարևորն Արևելյան գործընկերությունում երկրների աշխարհագրական դիրքն է, որը շատ հարմար է Եվրոպայի համար էներգառեսուրսների տարանցման առումով: Առավել ևս արդիական է Հարավային Կովկասի թեման Իրանի հետ Արևմուտքի համաձայնության լույսի ներքո: Այնպես որ, Վիլնյուսում համաձայնագիրը ստորագրող երկրները կարող են միայն Եվրոպայի հետնաբակը դառնալ, ոչ ավելին: Կարինե Տեր-Սահակյան / PanARMENIAN.Net «Արևելյան գործընկերություն» «Արևելյան գործընկերություն» ծրագիրը ներկայացվել է Լեհաստանի ԱԳՆ-ի կողմից Շվեդիայի մասնակցությամբ 2008 թ-ի մայիսի 26-ին Արտաքին հարաբերությունների խորհրդին: 2009 թ-ի մայիսի 7-ին Պրահայում (այն ժամանակ Պրահան նախագահում էր ԵՄ-ում) «Արևելյան համագործակցություն» ծրագրի շրջանակներում տեղի ունեցավ հիմնադիր հանդիպում: Այդ նախագծի գլխավոր նպատակը ԵՄ-ի մերձեցումն է նախկին ԽՍՀՄ երկրների` Հայաստանի, Մոլդովայի, Բելառուսի, Ուկրաինայի, Ադրբեջանի, Վրաստանի հետ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |