Առաջիկա կես տարում ԵՄ-ին Արևելյան գործընկերությունն առանձնապես չի հետաքրքրի10 հունվարի 2014 - 13:43 AMT PanARMENIAN.Net - Հունաստանի նախագահության ժամանակ Եվրամիությունը կկենտրոնանա հարավային ուղղության վրա: Հունաստանը ստանձնեց նախագահությունը ընթացիկ տարվա հունվարից: 2014 թվականի երկրորդ կեսին նրան կփոխարինի Իտալիան: Հունաստանը մտադիր է փոխել Եվրոպական հարևանության քաղաքականության ուղղվածությունն արևելքից դեպի հարավ, հայտարարել է Հունաստանի ԱԳ նախարար Էվանգելոս Վենիզելոսը: Հունվարի 8-ին Հունաստանը ստանձնեց իր պարտավորությունները կես տարով: Հունաստանն արդեն հինգերորդ անգամ է նախագահում Եվրամիությունում: Նրա գերակայությունները վեցամսյա նախագահության ընթացքում կլինեն տնտեսական աճը, նոր աշխատատեղերի ստեղծումը, ԵՄ և եվրոյի գոտու երկրների հետագա ինտեգրումը, միգրացիան և սահմանային հսկումը, ինչպես նաև ԵՄ ծովային քաղաքականությունը: Ազգային մակարդակով Հունաստանը կաշխատի շրջադարձ կատարել դեպի երկրի ֆինանսապես կայուն, մրցունակ ու սոցիալապես պաշտպանված վիճակ: Հունաստանի ԱԳ նախարար Էվանգելոս Վենիզելոսը հայտարարել է, որ հարավային հարևանությունը շատ կարևոր է Հունաստանի համար, ինչպես նաև մյուս երկրների: Ըստ նրա, Լիտվան, որի նախագահությունն ավարտվեց, կենտրոնացել էր Արևելյան գործընկերության վրա, սակայն Հունաստանը նախապատվությունը տալիս է հարավյին ուղղությանը: Հարավային ասելով, նկատի ունեն Ալժիրը, Մարոկկոն, Եգիպտոսը, Իսրայելը, Հորդանանը, Լիբանանը, Լիբիան, Պաղեստինը, Սիրիան ու Թունիսը: Ինչպես հայտնում է Kyiv Post-ը, հունական լրատվական ANA-MPA գործակալությանը տված հարցազրույցում Վենիզելոսը նշել է ինտեգրման բարձր մակարդակը, որին Հունաստանը հասել է Եգիպտոսի հետ: Ըստ նախարարի, նման համագործակցությունը միանգամայն օգտակար է Միջերկրական տարածաշրջանի համար: Նախորդ տարվա երկրորդ կեսին ԵՄ-ում Լիտվայի նախագահության օրոք շեշտադրվեց մերձեցումն արևելյան հարևանության վեց երկրների՝ Վրաստանի, Ադրբեջանի, Հայաստանի, Ուկրաինայի, Մոլդովայի ու Բելառուսի հետ: Լիտվայի նախագահության գագաթնակետը դարձավ Արևելյան գործընկերության գագաթաժողովը Վիլնյուսում, որն ամփոփեց եվրոպական հարևանության առաջին տասնամյակի քաղաքականությունը: Գագաթաժողովի հիմնական նվաճումն ասոցացման մասին համաձայնագրերի ստորագրումն էր Վրաստանի ու Մոլդովայի հետ, ինչպես նաև մուտքի արտոնագրերի ռեժիմի դյուրացումն Ադրբեջանի հետ: Սեպտեմբերի 3-ին Ռուսաստանի նախագահ Վլադիմիր Պուտինի հետ հանդիպման ավարտին Հայաստանի նախագահ Սերժ Սարգսյանը հայտարարեց Մաքսային միությանը միանալու և հետագայում Եվրասիական միության ձևավորմանը մասնակցելու Հայաստանի մտադրության մասին: Հայաստանի այս որոշումը քննադատության ենթարկվեց եվրոպական կառույցների ու փորձագիտական շրջանակների կողմից, որոնք հայտարարեցին, որ Հայաստանը գործնականում խզեց բանակցությունները Եվրոպայի հետ, ինչն անհնար է դարձնում ԵՄ հետ Ասոցացման համաձայնագրի նախաստորագրումը այս տարվա նոյեմբերին Վիլնյուսում՝ ԵՄ և Արևելյան գործընկերության ղեկավարների գագաթաժողովում: Այնուհետև Եվրահանձնաժողովը հանդես եկավ հայտարարությամբ, համաձայն որի Ասոցացման մասին համաձայնագիրը և Խորը ու համապարփակ ազատ առևտրի համաձայնագիրը (DCFTA) կարող են համատեղելի լինել ԱՊՀ անդամ երկրների հետ տնտեսական համագործակցության հետ: Հղումներ թեմայով. «Արևելյան գործընկերություն» «Արևելյան գործընկերություն» ծրագիրը ներկայացվել է Լեհաստանի ԱԳՆ-ի կողմից Շվեդիայի մասնակցությամբ 2008 թ-ի մայիսի 26-ին Արտաքին հարաբերությունների խորհրդին: 2009 թ-ի մայիսի 7-ին Պրահայում (այն ժամանակ Պրահան նախագահում էր ԵՄ-ում) «Արևելյան համագործակցություն» ծրագրի շրջանակներում տեղի ունեցավ հիմնադիր հանդիպում: Այդ նախագծի գլխավոր նպատակը ԵՄ-ի մերձեցումն է նախկին ԽՍՀՄ երկրների` Հայաստանի, Մոլդովայի, Բելառուսի, Ուկրաինայի, Ադրբեջանի, Վրաստանի հետ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» |