Թուրքիայի գլխավոր ընդդիմադիրին Գերմանիայում թույլ չեն տվել այցելել հայկական եկեղեցի30 հունիսի 2014 - 15:36 AMT PanARMENIAN.Net - Գերմանաբնակ հայերը հրաժարվել են հանդիպել Թուրքիայի գլխավոր ընդդիմադիր կուսակցության նախագահ Քեմալ Ղըլիչդարօղլուի հետ, որը այցով գտնվում է Քյոլնում: Թուրքիայի Ժողովրդա-հանրապետական կուսակցության (ԺՀԿ) նախագահը Գերմանիա է այցելել ընդդիմության կողմից Թուրքիայի նախագահի պաշտոնում առաջադրված թեկնածուի օգտին ձայներ հավաքելու նպատակով: Նա այցելել է «Ալևիների միությունների դաշինք», հունական և ասորական եկեղեցիներ, ցանկություն է հայտնել հանդիպելու Գերմանիայի հայ համայնքի հետ: Սակայն հայ համայնքի հոգևոր առաջնորդը մերժել է Ղըլիչդարօղլուին: «Քեմալ Ղըլիչդարօղլուն դիմել էր հայկական եկեղեցի այցելելու ցանկությամբ: Սակայն նա Ժողովրդա-հանրապետական կուսակցության անդամ է, որը ժխտում է Հայոց ցեղասպանությունը, և մենք չենք կարող թույլ տալ նրան մտնել հայկական եկեղեցի»,-ասել է Գերմանիայի հայկական համայնքի հոգևոր առաջնորդը, գրում է Demokrat Haber-ը: Ժողովրդա-հանրապետական կուսակցությունը (ԺՀԿ) Թուրքիայի Հանրապետության հնագույն քաղաքական կուսակցությունն է, որը ձախակենտրոն դիրքում է: Կուսակցությունը հիմնվել է Սիվասի կոնգրեսում որպես Անատոլիա Հունաստանի ներխուժմանը դիմադրող խմբերի միություն: 1923 թվականի սեպտեմբերի 9-ին Ժողովրդական կուսակցությունը պաշտոնապաես հռչակեց իրեն քաղաքական կազմակերպություն և 1923 թ. հոկտեմբերի 29-ին հռչակեց Թուրքական հանրապետություն: 1924 թվականի նոյեմբերի 10-ին կուսակցությունը վերանվանվեց Ժողովրդա-հանրապետական կուսակցության, իսկ մինչև 1950 թ. Թուրքիայում միակուսակցական համակարգ էր գործում: Կուսակցության հիմնադիրն է Մուստաֆա Քեմալ Աթաթուրքը: ԱԶԿ քաղաքականությանը ընդդիմադիր լինելով 2007թ. ընդհանուր ընտրություններին, կուսակցությունը կոալիցիա կազմեց Ժողովրդավարական ձախակողմյան կուսակցության հետ: Կոալիցիան ստացավ ընտրողների ձայների 20,8 տոկոսը, որի 112 անդամներ դարձան խորհրդարանի պատգամավորներ: Կուսակցության բազմամյա առաջնորդ Դենիզ Բայկալը 2010թ. մայիսի 7-ին անսպասելի ստիպված եղավ հեռանալու պաշտոնից քաղաքական սկանդալի պատճառով, որն առաջացավ համացանցում նրա արժանապատվությունը ոտնահարող տեսահոլովակի պատճառով: 2010 թվականի մայիսի 22-ին տեղի ունեցած ԱԶԿ համազգային կոնգրեսում կուսակցության նոր առաջնորդ ընտրվեց Քեմալ Ղըլիչդարօղլուն: 2011 թ. հունիսի 12-ի խորհրդարանական ընտրություններում կուսակցությունը ստացել է 11 131 371 (25,91%) ձայն և 135 տեղ խորհրդարանում 550-ից (23 տեղով ավելի, քան նախորդ գումարման խորհրդարանում): 2011 թ., երբ Քեմալ Ղըլիչդարօղլուն ստանձնեց կուսակցության ղեկավարությունը, նրա ընդդիմադիրները փորձեցին բացասաբար ազդել նրա վարկանիշի վրա՝ վիրավորական ենթատեքստով հայտարարելով, թե նրա մայրը ծագումով հայ է: Milliyet թերթի հետ զրույցում ինքը Քեմալ Ղըլիչդարօղլուն նշեց, որ, հնարավոր է, որ իր մայրը հայ է: «Իմ ընտանիքի ազգային ինքնության մասին հարցը հակասում է մարդու իրավունքներին: Գուցե և մայրս հայ է»,-ասել էր Ղըլիչդարօղլուն: Հղումներ թեմայով. Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԳԹԿ. Դիմորդները դուրս կմնան մրցույթից, եթե չհայտագրվեն ու չընտրեն բուհ և մասնագիտություն Հունվար-փետրվարին քննություն հանձնած 8000–ից ավելի շրջանավարտներից 6000-ը դեռ հայտագրում չի կատարել |