Ուկրաինական ինքնաթիռները չեն կարողանա թռչել Հայաստան Ռուսաստանի տարածքով 7 օգոստոսի 2014 - 14:42 AMT PanARMENIAN.Net - Օգոստոսի 7-ին ՌԴ կառավարության նիստում վարչապետ Դմիտրի Մեդվեդևը հայտարարել է, որ Ռուսաստանն արգելում է ուկրաինական ավիաուղիների տարանցիկ թռիչքներն իր օդային տարածքով: «Կա մեկ որոշում, որն ընդունել է կառավարությունը. խոսքն ուկրաինական ավիաուղիների տարանցիկ չվերթերի դադարեցման մասին է, որոնք թռիչում են ՌԴ տարածքով մի շարք երկրներ՝ Հայաստան, Վրաստան, Թուրքիա, Ադրբեջան»,- հայտնել է Դմիտրի Մեդվեդևը: Բացի այդ, ՌԴ վարչապետը տեղեկացրել է, որ կառավարությունը նախագիծ է մշակում, որով կարգելվեն արևմտյան ընկերությունների ավիաչթվերթերն Ասիայի և խաղաղօվկիանոսյան տարածաշրջան Ռուսաստանի օդային տարածքով, ինչպես նաև ՌԴ օդային տարածք չարթերային չվերթերի մուտքի ու ելքի կետերի վերաբերյալ: Ըստ Մեդվեդևի, ԵՄ պետությունների համար դա հավանաբար կարվի ամբողջ ծավալով, «անդրսիբիրյան երթուղիների օգտագործման հարցի շուրջ ԱՄՆ ավիացիոն իշխանությունների հետ բանակցություններն էլ կդադարեցվեն»: «Նման պայմաններում Ռուսաստանի կառավարությունը դիտարկում է մի շարք պատասխան քայլեր: Կնշեմ դրանք, բայց դա չի նշանակում, որ դրանք անհապաղ կգործեն՝ մեր երկրի օդային տարածքի օգտագործման արգելք եվրոպական ու ամերիկյան ավիաընկերությունների համար Արևելյան Ասիա և Ասիայի ու խաղաղօվկիանոսյան տարածաշրջան»,- ասել է Մեդվեդևը, անվանելով դա «շատ կոշտ միջոց», հայտնում է «Վեստին»: «Երկրորդը, մենք քննարկում ենք ՌԴ օդային տարածք չարթերային չվերթերի մուտքի ու ելքի կետերը եվրոպական փոխադրողների համար փակելու հնարավորությունը»,- ասել է Մեդվեդևը՝ նշելով, որ դա կանդրադառնա ավիափոխադրումների արժեքի, տոմսերի գնի վրա: Ավելի վաղ հայտնի դարձավ, որ ռուսական ավիացիայի ղեկավարությունը քայլեր է մշակում «Դոբրոլյոտ» ռուսական ավիաընկերության դեմ ԵՄ ընդունցած պատժամիջոցներին ի պատասխան: Մասնավորապես, խոսքը որոշ եվրոպական չարթերային փոխադրումների կասեցման մասին է, անդրսիբիրյան երթուղիների փոփոխման և ուկրաինական ավիափոխադրողների համար օդային տարանցիկ միջանցքը փակելու մասին: «Աէրոֆլոտի» դուստր ընկերություն «Դոբրոլյոտ» ռուսական լուքոսթերը օգոստոսի 4-ից դադարեցրեց թռիչքները ԵՄ պատժամիջոցների պատճառով: Մինչդեռ, Օդային տրանսպորտի միջազգային ասոցիացիան (IATA) հուսով է, որ քաղաքական բարդությունները Ռուսաստանի ու Եվրամիության միջև չեն անդրադառնա եվրոպական ավիաընկերությունների կողմից անդրսիբիրյան երթուղիների օգտագործման վերաբերյալ պայմանավորվածությունների վրա: Եվրամիությունը վերջերս հրապարակեց Ռուսաստանի դեմ սահմանված պատժամիջոցներն ըստ ոլորտների, որոնք ուժի մեջ են մտել օգոստոսի 1-ից: Դրանք վերաբերում են ֆինանսական, էներգետիկ ու պաշտպանական ոլորտներին: Մասնավորապես, պատժամիջոցների են ենթակա «Խնայբանկը», ՎՏԲ-ն, Գազպրոմբանկը, Վնեշէկոնոմբանկը, «Ռոսսելխոզբանկը»: ԵՄ քաղաքացիներին ու ընկերություններին արգելվում է գնել կամ վաճառել նրանց թողարկած նոր բաժնետոմսերը, պարտատոմսերն ու «նման ֆինանսական գործիքները» ավելի քան 90 օր ժամկետով: Սահմանված պատժամիջոցները վերաբերում են նաև սպառազինության, զենքի ու երկակի նշանակության ապրանքների առաքմանը: Ընդ որում, մինչև օգոստոսի 1-ը կնքված պայմանագրերի վրա պատժամիջոցները չեն տարածվի: Ինչ վերաբերում է երկակի նշանակության ապրանքներին, ապա դրանց առաքումն արգելվում է «ռազմական նպատակների կամ վերջին հաշվով ի շահ զինվորական օգտատերերի»:Կընդլայնվի նաև այն անձանց ցանկը, որոնց արգելվում է մուտքը Եվրոպա: Ի պատասխան ԵՄ-ն կարող է փակել երկինքը ռուսական ավիաընկերությունների համար, այդ մասին հայտարարել է Գերմանիայում Եվրահանձնաժողովի ներկայացուցիչ Ռիխարդ Քյունելը: Ըստ նրա, Եվրամիությունը կարող է գործել «ակն ընդ ական» սկզբունքով, հայտնում է Deutsche Welle-ն: Եվրահանձնաժողովում հուսով են, որ վերջին օրերի իրադարձություններն այնուամենայնիվ պատասխան պատժամիջոցների տարածման սկիզբ չեն դառնա: Բրյուսելի համար, պարզաբանել է Քյունելը, պատժամիջոցները հենց սկզբից նպատակ ունեին միայն Ուկրաինայի հարցում Ռուսաստանի հետ ընդհանրություններ գտնել: «Մենք ցանկանում ենք հաղթահարել պատժամիջոցների տրամաբանությունը, մենք ցանկանում ենք բանակցությունների սեղանի շուրջ նստել ՌԴ հետ, համատեղ քննարկելու համար Ուկրաինայի հետագա զարգացումը»,-հայտարարել է նա: Մինչդեռ, Բելգիայի օդաչուների ասոցիացիայի ներկայացուցիչ Ֆրանսիս Ուիթեննհոֆեն, իր հերթին, հայտարարեց, որ եթե Ռուսաստանն արգելի անդրսիբիրյան թռիչքները, դա կստիպի եվրոպական ընկերություններին Ասիա թռչել Հյուսիսային բևեռի վրայով, որի հետևանքով թռիչքների տևողությունը կավելանա 3-4 ժամով»: Photo: RIA Novosti Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ Ադրբեջանում ԱՄՆ դեսպանը՝ Շուշի չայցելելու մասին․ Դեռևս պատրաստ չեմ Նա մտահոգիչ է անվել մամուլի և քաղհասարակության ճնշումները՝ հավելելով, որ դա «տասնամյակներով հետ կշպրտի Ադրբեջանը» |