Ձուկն ու մեղրը փորձաքննություն կանցնեն. Նպատակն է խթանել տեղական արտադրանքի աճը 6 նոյեմբերի 2014 - 13:24 AMT PanARMENIAN.Net - Հայաստանի կառավարությունը նոյեմբերի 6-ի իր նիստում հաստատել է «2015-2017 թվականների Եվրամիության փորձարկման ռեֆերենս մեթոդներով ձկան և մեղրի փորձաքննություններ» ծրագիրը: Որպես նախագծի հիմնավորում նշվում է, որ ծրագիրը հաստատելու մասին նախագիծը մշակվել է ՀՀ վարչապետի համապատասխան որոշմամբ: Դրա իրագործումը հնարավորություն կտա միջազգային պահանջներին համապատասխան ձկնաբուծություն և մեղվաբուծություն զարգացնել, այդ ոլորտներում պատշաճ մակարդակի պետական վերահսկողություն սահմանել ու կատարելագործել: ԵՄ երկրներ այժմ ձուկ և մեղր չի արտահանվում: Եթե մեղրի համար 2013-ին մնացորդային նյութերի հսկողության ծրագիր իրականացվել է, ապա ձկան դեպքում մնացորդային նյութերի պարունակության կամ դրանց քանակական գերազանցման մասին անհրաժեշտ տեղեկատվություն և հիմքեր չկան: Բացի այդ, նպատակներից է բացահայտել ՀՀ-ում արտադրվող և սպառվող ձկան և մեղրի մեջ մի շարք նյութերի սահմանային թույլատրելի քանակությունը, դրանց գերազանցումները և չթույլատրված նյութերի կիրառումը, բարձրացնել տեղական արտադրության սննդամթերքի անվտանգության ապահովման և սննդայի գործոնով պայմանավորված մարդկանց առողջության պաշտպանության մակարդակը, բարելավել վտանգավոր սննդամթերքի հայտնաբերման ներկա իրավիճակը, ինչպես նաև բացահայտել վտանգավոր սննդամթերքը, ինչն էլ կապահովի տեղական արտադրության անվտանգ սննդամթերքի շուկայահանումը: Նաև նախադրյալներ կստեղծեն արտահանման և դրա ծավալների ավելացման համար, իսկ արդյունքում երկորւմ բնակչությունը կապահովվի անվտանգ և որակյալ սննդամթերքով: Հաջողության դեպքում ծրագրից ակնկալվող արդյունքներն են հանրապետության տարածքում իրականացնել ձկան և մեղրի մեջ մնացորդային նյութերի հայտնաբերման միջազգային ընդունված հետազոտություններ: Տեղական շուկան և սպառողներին ապահովել սննդամթերքի անվտագության միջազգային ընդունված չափորոշիչներին համապատասխանող սննդամթերքով, ստեղծել ձկան և մեղրի անվտանգ արտադրության և պետական հսկողության ապահովման միջազգային ընդունելի գործելակերպ, որը կապահովի տեղական սպառողների առողջության պաշտպանությունը սննդային վնասակար և վտանգավոր գործոններից: Այն նաև տեղական արտադրության համար ճանապարհ կբացի դեպի եվրոպական և այլ շուկաներ՝ խթանելով տեղական արտադրության ծավալների աճը: Հղումներ թեմայով. Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |