ԼՂՀ նախագահն իտալական թերթին. Նոր պատերազմից կարելի է խուսափել10 դեկտեմբերի 2014 - 18:30 AMT PanARMENIAN.Net - Իտալական IL GIORNO թերթում դեկտեմբերի 8-ին հրապարակվել է ԼՂՀ նախագահ Բակո Սահակյանի հարցազրույցը, որտեղ վերջինս անդրադառնում է Լեռնային Ղարաբաղը մեկուսացնելու ուղղությամբ Ադրբեջանի ջանքերին, հակամարտության պատճառներին, պատերազմի ժամանակ թույլ տված սխալներին, Իտալիայի հետ կապերին և ոչ միայն: Պատասխանելով հարցին, թե ինչ ազդեցություն ունի ադրբեջանական նավթն ու գազը բանակցությունների վրա, Բակո Սահակյանը նշել է՝ որքան շատ է Ադրբեջանն ածխաջրածիններ արտահանում, այդքան կարծրանում է այդ երկրի տրամադրվածությունը բանակցությունների հանդեպ, գրում է Tert.am-ը: «Կա մի մշտական զուգահեռ ածխաջրածինների արտահանման պայմանագրերի և հակամարտության խաղաղ կարգավորմանը հասնելու համար Ադրբեջանի կողմից անհրաժեշտ փոխզիջումների գնալու ցանկության միջև: Առաջին ազդանշանն էր 1997-ը, երբ առաջին նավթային ծրագրի ստորագրումից հետո Ադրբեջանը հրաժարվեց բանակցել մեզ հետ: Եվ այս զուգահեռը շարունակվում է»: Մանրամասնելով, Արցախի նախագահը նշել է, թե նավթից ստացվող բարձր եկամուտների շնորհիվ վերջին 10 տարվա ընթացքում ադրբեջանական ռազմական ծախսերն ավելացել են 2500%-ով: Այնուամենայնիվ, ԼՂՀ նախագահի համոզմամբ, «նավթը և ռազմական ծախսերը ոչինչ են, երբ պայքար ենք մղում ազատության և մարդու հիմնարար իրավունքների պաշտպանության համար»: «Ավելին, ածխաջրածինների արտահանման եկամուտներից Ադրբեջանի կառավարությունը կարող էր ունենալ հնարավորություն և զարգացնել սոցիալական քաղաքականությունը, լինել առաջադեմ, այլ ոչ թե դառնար Եվրասիական մայրցամաքի ամենաազատասպան ռեժիմներից մեկը, որը ճնշելով ազատ մամուլի ձայնը՝ տարածում է հակահայկական ռազմատենչ քարոզչություն»,- նշել է Բակո Սահակյանը: Ավելի քան երկու տասնամյակ է, Ադրբեջանը ջանում է մեկուսացնել Լեռնային Ղարաբաղը և նվազեցնել երկրի հանդեպ միջազգային կազմակերպությունների ուշադրությունը: Ըստ Արցախի ղեկավարի, այդ երկրի յուրաքանչյուր քայլը մի կողմից ամբողջ աշխարհին ցույց է տալիս ԼՂՀ պայքարի լեգիտիմ պատճառները, մյուս՝ ամրապնդում վճռականությունը՝ հաստատուն քայլերով շարժվել դեպի պետության կառուցում: «Մեր պետականությունը հիմնադրվեց, երբ աշխարհի ամենակարևոր ժողովրդավարական համակարգերի նման, մենք էլ պատասխանեցինք հակառակորդի ոտնձգություններին` իրականացնելով ապստամբելու և ինքնորոշման իրավունքը: Մեզ պարտադրեցին անհավասար պատերազմ, բայց, չնայած ամեն ինչի, հաղթեցինք: Կար արժեհամակարգային անհամաչափություն: Մարտնչում էինք մեր օրրանների և հիմնարար իրավունքների պաշտպանության համար, իսկ ադրբեջանցիները զբաղված էին տարածքային ներխուժմամբ»,- ասել է ԼՂՀ նախագահը: Անդրադառնալով հակամարտության պատճառներին, նա նշել է, որ հիմնարար իրավունքների տեսանկյունից դրանք համամարդկային էին, բայց, այնուամենայնիվ, պատերազմի ժամանակ Ադրբեջանի կողմից կրոնական շահարկում կար, երբ ադրբեջանական ճակատը բաղկացած էր չեչեն ջիհադիստներից և աֆղան վարձկաններից: «Լեռնային Ղարաբաղը դեռ ճանաչված չէ։ Ինչպիսի՞ն է լինել մի երկրի նախագահ, որը դե յուրե գոյություն չունի» հարցին Բակո Սահակյանն արձագանքել է, թե իրեն «թերի» նախագահ չի զգում. «քաղաքացիներն ընտրել են ինձ և պայքարում ենք մեր ժողովրդի ազատության համար», հավելելով նաև, որ շատ վճռական է տրամադրված: Խոսելով Լեռնային Ղարաբաղի պատերազմի ժամանակ սխալներից, ԼՂՀ ղեկավարը նշել է, որ կիսում է երկու կողմի մահվան ցավը: «Պատերազմը մեզ պարտադրվեց, հաղթեցինք և ձեռք բերեցինք մի զգայունություն. նոր պատերազմից կարելի է խուսափել: Ակնհայտ է, որ Բաքվին պակասում է այս զգայությունը և որոշ դասեր մոռացվել են»,- նշել է նա: Անդրադառնալով Իտալիայի հետ հարաբերություններին, Արցախի նախագահը նշել է, որ, չնայած քաղաքական և տնտեսական պաշտոնական հարաբերությունների բացակայությանը, իտալացիների հետ շարունակական մշակութային և արժեքային շփումներ կան: «Բազմապատկում ենք մեր բազմադարյա բարեկամության ներուժը: Իհարկե, դժվար չէ, եթե հաշվի առնենք, որ նաև իտալական վերածնունդը ոգեշնչեց մեր պայքարը, ավելին՝ պատերազմի ժամանակ որքան կարևոր էին Լոմբարդիա և Վենետո նահանգների քաղաքական գործիչների առաքելություններն Արցախում»,- նշել է Բակո Սահակյանը՝ եզրափակելով, թե ԼՂՀ-ն գիտակցում է, որ այն Եվրոպան, որը պատկանում է ժողովուրդներին, չի ավարտվում Արցախում, ավելին՝ սկսվում է Արցախից: Կարդացեք նաև՝ Լեռնային Ղարաբաղը հանդարտորեն սպասում է առաջին ինքնաթիռի թռիչքին. Ֆրանսիացի լրագրողի անդրադարձը Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԵՄ դեսպան․ Խաղաղության եվրոպական հիմնադրամից ՀՀ-ին միջոցների տրամադրման քննարկումները շարունակվում են ԵՄ դեսպանի խոսքով՝ դեռ չափազանց վաղ է այս փուլում մանրամասների վերաբերյալ խոսելը Էջմիածնից 6 բերման ենթարկված կա զենք–զինամթերք պահելու կասկածանքով Ըստ շարժման, բերման են ենթարկվել «Էջմիածին» դաշինքի ավագանու անդամները, որոնք պատրաստվում էին դիմավորել Փաշինյանին Միրզոյանն ու Բայրամովը մայիսի 11–ին կշարունակեն բանակցել Մայիսի 10–ին տեղի է ունեցել առաջին փուլը Մայիս Ներսիսյանը ոսկե մեդալ է նվաճել սամբոյի ԵԱ–ում․ ՀՀ-ն 9 մեդալ ունի Ֆեդերացիայի նախագահ Միքայել Հայրապետյանն ընտրվել է Եվրոպայի ֆեդերացիայի փոխնախագահ |