Թուրքիայի դրոշը հայկական տարազով կանանց գլխավերևում. Starbucks-ը ներողություն է խնդրում21 փետրվարի 2015 - 15:10 AMT PanARMENIAN.Net - Ամերիկյան սուրճի հայտնի բրենդ Starbucks-ը ներողություն է խնդրել Լոս Անջելեսի հայ համայնքից: Փետրվարի 18-ին սոցիալական մեդիայի օգտատերերը տեղեկացրել են Ամերիկայի Հայ Դատի հանձնախմբին, որ Starbucks խանութների ցանցում տեղադրվել է լուսանկար, որում կիսալուսին և աստղ պատկերող թուրքական դրոշի տակ կանգնած են հայկական ավանդական տարազ կրող կանայք, հայտնում է «Ազատություն» ռադիոկայանը: Նույն օրը Ամերիկայի Հայ Դատի հանձնախմբի Facebook-յան էջում գրվել է. «Ինչու՞ է Starbucks-ը սուրճ վաճառում՝ օգտագործելով հայկական ազգային տարազով կանանց նկարը, ովքեր նշում են թուրքական պետականության հիմնումը: Այն նույն պետականության, որը պարբերաբար ոչնչացնում էր հայ կանանց Հայոց ցեղասպանության ընթացքում և դեռ հերքում է մարդկության դեմ կատարած այդ հանցագործությունը»: Բողոքների տարափից հետո ընկերությունը ներողություն է խնդրել հայկական համայնքից Ամերիկայի Հայ Դատի հանձնախմբի Facebook-յան էջում՝ խոստանալով հանել վիրավորական լուսանկարները: «Մենք սպասարկման վայր ենք մի համայնքի համար, որը մեր բիզնեսի հիմքն է. մեր բոլոր խանութներում փորձում ենք լինել համահունչ տեղական պայմաններին: Մենք սխալ ենք թույլ տվել և ներողություն ենք խնդրում մեր հաճախորդներից համայնքն անհանգստացնելու համար»,- գրված էր Starbucks-ի հայտարարության մեջ: Ընկերության ներկայացուցիչը հավելել է, որ նկարը կհանվի խանութների ցուցափեղկերից, և որ ընկերությունն «աշխատում է իր սխալն ուղղելու վրա»: Լուսանկարի դիզայներ Թիմ Ռոուզն իր կայքում ներողություն է խնդրել լուսանկարի համար և նշել, որ այն արվել է Starbucks-ի համար 2011 թվականին՝ Թուրքիայի հիմնադիր Աթաթուրքին նվիրված փառատոնին: «Ոչ ես, ոչ էլ լուսանկարիչը տեղյակ չէինք, որ պարուհիները հայուհի էին»,- ասել է նա: «Անմիջապես պարզ է դարձել, որ դա լուրջ խնդիր էր ամբողջ համայնքի համար, որովհետև մենք «մտահոգության հեղեղ» սկսեցինք»,- ասել է Համբարյանը՝ հավելելով, որ Starbucks-ի արձագանքը «շատ տեղին էր»: Starbucks-ը սուրճ վաճառող խանութների և սրճարանների միջազգային ցանց է, որի գլխամասային գրասենյակն ԱՄՆ-ի Վաշինգտոն նահանգի կենտրոն Սիեթլ քաղաքում է: Այն համարվում է աշխարհի խոշորագույն սուրճի խանութների ցանցը (61 երկրում՝ 20.366 խանութ)։ Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Միկոյան-Գալշոյան խաչմերուկում երթևեկությունը կփոփոխվի Փոփոխությունը կկատարվի փորձնական տարբերակով Ֆրանսիայի դեսպանն Ակադեմքաղաքի տարածքում էր․ Առաջնային է համարել հանրակացարանները, տրանսպորտը Այցելուների թվում էր նաև Հայաստանում ֆրանսիական համալսարանի ռեկտոր Սալվա Նակուզին |