Ամերիկացի վերլուծաբան. Մոսկվան շահագրռված չէ սրել իրավիճակը ԼՂ հակամարտության գոտում27 մարտի 2015 - 17:20 AMT PanARMENIAN.Net - Մոսկվան շահագրռված չէ ԼՂ հակամարտության գոտում իրավիճակի սրման մեջ, «Ռեգիոն» հետազոտական կենտրոնի կազմակերպած առցանց հարցազրույցի ժամանակ ասել է ամերիկացի վերլուծաբան Գորդոն Հանը: «Սա խիստ լոկալ հակամարտություն է, որը հիմնված է Բաքվի և Երևանի միջև առկա անվստահության և խորհրդային պետականաշինության թողած ժառանգության վրա»,- նշել է Գորդոն Հանը, գրում է Panorama.am-ը: Ինչ վերաբերում է ԼՂ հարցում հնարավոր զարգացումներին, ապա, այստեղ վերլուծաբանը տեսնում է դեպքերի զարգացման երկու հնարավոր տարբերակ: «Եթե Երևանը և Բաքուն չկարողանան համաձայնության գալ, ապա, հաշվի առնելով հայ-ռուսական սերտ հարաբերությունները և ԵՏՄշրջանակներում դրանց հետագա ամրապնդումը, հնարավոր է դեպքերի զարգացման երկու տարբերակ», - ասել է Գորդոն Հանը և պարզաբանել, որ առաջինով հիմնախնդիրը կշարունակի պայմանավորված լինել հակամարտող կողմերի, ինչպես նաև Ռուսաստանի և Արևմուտքի միջև մրցակցությամբ և, այս պարագայում, հայ-ռուսական դաշինքը հավասարակշռելու նպատակով, Արևմուտքը կսկսի աջակցել Ադրբեջանին: Երկորդ տարբերակով հիմնախնդիրը կհանգուցալուծվի ՌԴ հովանավորությամբ և տրամադրված երաշխիքների միջոցով: Ադրբեջանի՝ լարվածությունն ակտիվացնելու վերջին դրսևորումներից էր մարտի19-ի դիվերսիան, երբ հատուկ նշանակության ջոկատի ուժեղացված խումբը հարձակում էր ձեռնարկել հյուսիսային (Գյուլիստանի) ուղղությամբ տեղակայված դիրքերի վրա: Մոտ 2 ժամ տևած մարտական գործողության արդյունքում նախ դիրքապահ անձնակազմը հետ էր շպրտել նախահարձակ հակառակորդին, ապա օգնության հասած ուժերի հետ միասին հետապնդելով վերջինիս, ոչնչացրել իր դիրքերի մատույցներում: Հակառակորդին դիմագրավելու ժամանակ զոհվել են ՊԲ զինծառայողներ Հակոբ Խաչատրյանը , Էդուարդ Հայրապետյանը և Արշակ Հարությունյանը, ՊԲ ևս 4 զինծառայող վիրավորվել են, ապա՝ հոսպիտալացվել: Մարտի 26-ին Ստեփանակերտի զինվորական հոսպիտալում մահացել է ծանր վիրավորված Սամվել Հակոբյանը: 2015-ի սկզբից ինչպես շփման գծում, այնպես էլ ՀՀ հետ սահմանին կտրուկ ավելացել է հակառակորդի ակտիվությունն ու դիվերսիոն ներթափանցման փորձերի թիվը: Հունվարի առաջին օրերին հակառակորդի կողմից իրականացրած դիվերսիոն գործողություններից հետո արձանագրված թերությունների և հաջողությունների հիման վրա կազմվել է հրաման, որտեղ նշված է կարևոր 7 կետ՝ սահմանների պաշտպանությունն ուժեղացնելու համար։ Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |