Լավրով-Նալբանդյան հանդիպում. ՌԴ-ն հնարավոր չի համարում ղարաբաղյան հակամարտության վերածումը պատերազմի 8 ապրիլի 2015 - 13:53 AMT PanARMENIAN.Net - Ոչ ոք չի ցանկանում, որ հակամարտությունը Ղարաբաղում պատերազմի վերածվի, հայտարարել է ՌԴ ԱԳՆ ղեկավար Սերգեյ Լավրովն իր հայ պաշտոնակից Էդվարդ Նալբանդյանի հետ բանակցությունների ավարտին: «Մենք մերժում ենք այն միտքը, որ հակամարտոթյունը կարող է վերածվել պատերազմի : Վստահ եմ, որ չնայած հայտարարություններին, շահագրգիռ կողմերից ոչ մեկը դա չի ցանկանում»,-ասել է Լավրովը: «Բոլոր գործողություններն ուղղված են փոխընդունելի լուծում գտնելուն»,-ասել է նա: Ռուսաստանը կշարունակի ղարաբաղյան հակամարտության կարգավորման համար պայմաններ ստեղծելու ջանքերը Հայաստանի և Ադրբեջանի համար ընդունելի հենքի վրա, ասել է ՌԴ ԱԳ նախարարը: «Մենք կարծիքներ ենք փոխանակել Անդրկովկասում իրավիճակի վերաբերյալ, ներառյալ նաև ղարաբաղյան կարգավորման հարցերը»,-ասել է նա:-Ռուսաստանն առաջիկայում ևս ակտիվորեն կնպաստի այդ խնդրի կարգավորման համար պայմանների ստեղծմանը բոլոր կողմերի համար ընդունելի հիմքի վրա», հայտնում է ՏԱՍՍ գործակալությունը: Ղարաբաղյան կարգավորման գործում բանակցություններին այլընտրանք չկա, իր հերթին հայտարարել է Էդվարդ Նալբանդյանը: «Ադրբեջանը մինչ օրս մերժում է Մինկի խմբի համանախագահների առաջարկները ղարաբաղյան կարգավորման և վստահության միջոցների ամրապնդման վերաբերյալ»,-ասել է նա: «Սակայն այլընտրանք բանակցություններին չկա»,-ասել է Նալբանդյանը: Ռուսաստանը գնահատում է հարաբերությունները Հայաստանի հետ, որոնք շաղկապված են պատմական, մշակութային և հոգևոր ընդհանրություններով, ասել է նաև Սերգեյ Լավրովը: «Հայաստանը մեր դաշնակիցն է: Մենք գնահատում ենք դեպի դարերի խորքը գնացող մեր հարաբերությունները, որոնք շաղկապված են մեր ժողովրդների պատմական, մշակութային և հոգևոր ընդհանրություններով: Այդ հարաբերությունները նոր որակ ստացան ԵՏՄ-ին Հայաստանի միանալու հետ»,-ասել է Լավրովը: «Մենք պայմանավորվել ենք շարունակել իրավապայմանագրային բազայի կատարելագործումը: Կարևորել ենք ջանքերը, որոնք ձեռնարկվում են ապրանքատնտեսական և ռազմատեխնիկական գործակցության ոլորտներում»,-ասել է ՌԴ ԱԳ նախարարը՝ նշելով, որ այդ ուղղություններով աշխատում են համապատասխան միջկառավարական հանձնաժողովները: Նա կարևորել է այդ ջանքերն առավել ակտիվացնելու անհրաժեշտությունը: ՌԴ և Հայաստանի միջև ապրանքաշրջանառությունը բավականին ծավալուն է, նշել է Լավրովը: 2014-ի տվյալներով այն գերազանցում է 1,4 մլրդ դոլարն ու շարունակում է աճել, ասել է նա: «Լավ է զարգանում գործակցությունը վառելիքաէներգետիկ ոլորտում, ներդրումների, բանկային ոլորտներում»,-նշել է նախարարը: Նա հայտնել է նաև, որ Ռուսաստանը ֆինանսական աջակցություն կցուցաբերի ՀԱԷԿ-ի գործող էներգաբլոկի շահագործման ժամկետը երկարացնելու համար: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |