Թուրքիայում պատգամավորի հայ թեկնածու. Թուրքերի արդեն 4-րդ սերնդին խաբում են 23 ապրիլի 2015 - 13:22 AMT PanARMENIAN.Net - Թուրքիայում հունիսին նախատեսվող խորհրդարանական ընտրություններին քրդամետ Ժողովուրդների դեմոկրատական կուսակցության ներկայացուցիչ, ազգությամբ հայ Կարո Փայլանը մեկնաբանել է Թուրքիայի փոխվարչապետ Բյուլենթ Առընչի այն հայտարարությունը, թե «ցեղասպանություն միտումնավոր չեն իրագործել»: «Առընչն ասում է, որ մտածված ցեղասպանություն չեն արել, սակայն պետությունը գիտակցված է այդ հանցանքն իրագործել: Թուրքիայի հանրությանն արդեն 4-րդ սերունդն է՝ խաբում են: Մենք ոչ թե Թուրքիայի հանրությանը, այլ այդ ժամանակաշրջանի իշխանությանն ենք մեղադրում»,-ասել է նա, Biyanet-ին հղումով գրում է Tert.am-ը: Հայ թեկնածուն նաև մեկնաբանել է վարչապետ Ահմեթ Դավութօղլուի հայտարարությունը: «Դավութօղլուն օգտագործում է «անմեղ հայեր» արտահայտությունը: Ինչպես այժմ բոլոր ազգերը հավասարության կռիվ են տալիս, այդ ժամանակ էլ այդ պայքարը մղող հայեր կային: «Անմեղ հայեր» ասելը նշանակում է, որ հավասարության համար պայքարող մարդիկ դեռ «մեղավոր մարդիկ» են համարվում, և նրանց կարելի է սպանել»,-ասել է նա: Անդրադառնալով նախագահ Ռեջեփ Թայիփ Էրդողանի հայտարարությանը, թե հայերն իրենք են բացել տեղահանության դուռը, Փայլանն ասել է. «Այսինքն՝ դա նշանակում է, որ այսօր էլ իրավունքների համար պայքարող ժողովրդին կարելի է կոտորել կամ նրանք արժանի են, որ երկրից արտաքսվե՞ն»: Թուրքիայի փոխվարչապետ Բյուլենթ Առընչը նախագահ Ռեջեփ Թայիփ Էրդողանի գլխավորությամբ անցկացված կառավարության նիստից հետո Ապրիլի 24-ի վերաբերյալ հայտարարությամբ է հանդես եկել: «Միտումնավոր և ցանկանալով ցեղասպանություն չենք իրականացրել»,- ասել է նա: Թուրք պաշտոնյան նշել է, որ գուցե երկրների մի մասը դա որպես ցեղասպանություն է համարում, սակայն ՄԱԿ-ի չափորոշիչներով այդ ցավը որպես ցեղասպանություն բնութագրելը սխալ է: «Որքանով տեղյակ եմ՝ 70-ից ավելի խորհրդարաններ ու տեղական ինքնակառավարման մարմիններ նման որոշումներ են կայացրել: Որոշ տեղերում գիտենք, թե ինչպես են ընդունվել դրանք»,-ասել է նա: Առընչը պնդել է, թե տեղի ունեցածը ցեղասպանություն չի եղել. «Ինչպես որ մենք ենք Չանաքքալեի պատերազմի օրը նշում ամեն տարի, հայկական սփյուռքն էլ մտածելով, որ իրենց դեմ ցեղասպանություն է տեղի ունեցել, ամեն տարի ապրիլի 24-ին նշում է դա: Առաջին համաշխարհային պատերազմի ընթացքում ապստամբողների դեմ գործողություններ են իրականացվել, և մենք գիտենք, որ ողբերգական դեպքեր են տեղի ունեցել: Բայց մենք ցեղասպանություն չենք իրականացրել: Ցեղասպան պետությունները հայտնի են, մենք վստահ ենք մեր վրա»։ Թուրքիայում ամռանը կայանալիք խորհրդարանական ընտրություններին ընդառաջ գործակցելու փոխադարձ ցանկություն են դրսևորում թուրքական կուսակցություններն ու տեղի հայ համայնքի ներկայացուցիչները: Ինչպես մարտին կայացած ՏԻՄ և օգոստոսին՝ նախագահական ընտրությունների ժամանակ, հայերն ակտիվ են հիմնականում քրդերով համալրված Ժողովուրդների դեմոկրատական կուսակցությունում (HDP). դրա կենտրոնական գործադիր խորհրդի անդամ Կարո Պայլանը ոչ միայն թեկնածությունը հաստատելու, այլև խորհրդարան անցնելու գործնական հնարավորություն ունի: Այս կուսակցությունից առաջադրվելու համար դիմել են նաև Ֆիքրի Չալըշը, Զաքարիա Սաբունջուն և Նվարդ Բաքըրջըօղլուն: «Արդարություն և զարգացում» կուսակցությանը (AKP) դիմել են Մարգար Եսայանը և Հերման Բալյանը: Իսկ Ժողովրդահանրապետական կուսակցությանը (CHP) դիմել է Թալին Էրգյունեշ Գազերը: Գերագույն ընտրական հանձնաժողովի հրապարակած՝ խորհրդարանի ընտրությունների նախապատրաստման և անցկացման ժամանակացույցով Թուրքիայի քաղաքացիները նոր խորհրդարան ընտրելու համար կքվեարկեն հունիսի 7-ին: Արտերկրում բնակվող և ընտրելու իրավունք ունեցողները՝ մայիսի 8-ից 31-ը: Ընտրություններին մասնակցող կուսակցություններն իրենց նախընտրական ցուցակները պետք է հանձնաժողով ներկայացնեն մինչև ապրիլի 7-ը, իսկ խորհրդարանի պատգամավորի թեկնածու առաջադրվածների պաշտոնական ցանկը Թուրքիայի Գերագույն ընտրական հանձնաժողովը հրապարակելու է ապրիլի 24-ին: Այս ընտրություններում գլխավոր գերխնդիրը նախագահ Ռեջեփ Թայիփ Էրդողանինն է. «նրա» կուսակցութունը՝ «Արդարություն և զարգացում»-ը ծրագրում է ստանալ ձայների մեծամասնությունը, հետևաբար նոր Սահմանադրություն մշակելու հնարավորություն: Իսկ նոր Սահմանադրությունը փոխելու է երկրի կառավարման համակարգը՝ ընդլայնելով նախագահի լիազորությունները:    Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին:  Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
