 Բողոքի ցույց Բաղդադում Թուրքիայի դեսպանատան մոտ. Ընդդեմ ժխտողականության 25 ապրիլի 2015 - 10:25 AMT PanARMENIAN.Net - Հայոց ցեղասպանության 100-րդ տարելիցի միջոցառումների շրջանակներում ի նշան Թուրքիայի ժխտողական քաղաքականության` Բաղդադի հայությունը բողոքի քայլերթով շարժվել է դեպի թուրքական դեսպանատուն: Այս մասին տեղեկանում ենք Իրաքի հայոց թեմի ֆեյսբուքյան էջից: Ավելի քան 500 հայեր Իրաքի հայոց թեմի առաջնորդ Տ. Ավագ Արքեպիսկոպոս Ասատուրյանի առաջնորդությամբ, ազգային կենտրոնական վարչության ներկայացուցիչների, քահանա հայրերի ուղեկցությամբ բողոքի քայլերթ են իրականացրել դեպի Թուրքիայի դեսպանատուն, հայտնում է Panorama.am-ը: Իրաքի հայ համայնքի հետ միասին բողոքի քայլերթին մասնակցել են նաև Իրաքի տեխնոլոգիաների և գիտությունների նախարար Ֆարիս Յուսոֆը, Իրաքի խորհրդարանի քրիստոնյա պատգամավոր յուսիֆ Սալեբան, Բասրա նահանգի նահանգապետարանի քրիստոնյա համայնքի ներկայացուցիչ Նովաք Պետրոսյանը և այլք: Թուրքական դեսպանատան մոտ հասնելով` Ազգային կենտրոնական վարչության ատենապետ Մելքոն Մելքոնյանը ընթերցել է` թուրքական իշխանություններին ուղղված իրաքահայության բողոքագիրը, որն այնուհետև փակցվել է դեսպանատան պատերին: Իրաքահայության բողոքագիրը տրամադրվել է նաև տեղական կրատվամիջոցներին, որոնք էլ իրենց հերթին լայնորեն լուսաբանել են թեման: Նշվում է, որ Իրաքի հայ համայնքի պատմության մեջ նման զանգվածային միջոցառում առաջին անգամ է տեղի ունենում:   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
