Ադրբեջանում երկրաշարժը զգացվել է նաև ԼՂՀ-ում. Եվս մեկը գրանցվել է Վրաստան-ՀՀ սահմանին

PanARMENIAN.Net - Մայիսի 26-ին՝ ժամը 05:40-ին, Ադրբեջանի տարածքում 10 կմ խորությամբ 4,5 մագնիտուդով երկրաշարժ է գրանցվել: Ստորգետնյա ցնցման ուժգնությունը էպիկենտրոնում կազմել է 6 բալ:

ԼՂՀ տարածքում ստորգետնյա ցնցումներ են զգացվել Մարտակերտում և Ասկերանում` 3 բալ ուժգնությամբ:

Նույն օրն ավելի վաղ՝ ժամը 03:49-ին, ևս մեկ երկրաշարժ է գրանցվել Վրաստան-Հայաստան սահմանագոտում, օջախի 10 կմ խորությամբ և 3.1 մագնիտուդով: Ստորգետնյա ցնցման ուժգնությունն էպիկենտրոնում կազմել է 4 բալ:

Հայաստանի տարածքում ստորգետնյա ցնցում չի զգացվել:

Մայիսի 15-ին սեյսմոլոգիական ցանցը 2.1 մագնիտուդով երկրաշարժ էր գրանցել, որի էպիկենտրոնը Հայաստանի տարածքում էր:Երկրաշարժի ուժգնությունն էպիկենտրոնում կազմել էր 2-3 բալ:Մինչև այդ ՀՀ-ում ևս մեկ երկրաշարժ էր գրանցվել մարտի 24-ին, ուժգնությունն էպիկենտրոնում 3.7 մագնիտուդ էր: Ստորգետնյա ուժգնությունն էպիկենտրոնային գոտում կազմել էր 4-5 բալ:Երկրաշարժը զգացվել էր Լոռու մարզի Ստեփանավան քաղաքում, Ուրասար, Կաթնաղբյուր գյուղերում՝ 4-5, նաև Լոռի Բերդ և Ամրակից գյուղերում՝ 3-4 բալ ուժգնությամբ: