ՌԴ ԱԳՆ. Ռուսաստանը պատասխանատվությամբ է կատարում իր պարտականությունները ԵԱՀԿ ՄԽ-ում28 օգոստոսի 2015 - 11:24 AMT PanARMENIAN.Net - Ռուսաստանը մեծ պատասխանատվությամբ է կատարում իր պարտականությունները ԵԱՀԿ ղարաբաղյան հակամարտության կարգավորման գծով ՄԽ կազմում, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան: «Հուսով ենք, որ Ռուսաստանի տարաձայնություններն այլ երկրների հետ, որոնք, ցավոք, առաջանում են ոչ մեր մեղքով, չեն անդրադառնա Մինսկի խմբի աշխատանքի վրա: Մեր կողմից ոչ մի խոչընդոտ կամ խնդիր լինել չի կարող: Մենք այդ ձևաչափի մասնակիցներն ենք»,-ասել է Զախարովան օգոստոսի 27-ի ճեպազրույցում: Ըստ նրա, Ռուսաստանում հասկանում են, որ թե որքան լուրջ հարց է այդ խմբի օրակարգում: Ավելի վաղ ՀՀ պաշտպանության նախարար Սեյրան Օհանյանն, անդրադառնալով անդամ երկրների թվի ու կազմի փոփոխությունների մասին քննարկումներին, հայտարարեց, որ մենք չենք կարծում, որ ԵԱՀԿ Մինսկի խմբի պետությունների ցանկում պետք է փոփոխություններ կատարվեն: «Այո, կան բազմաթիվ առաջարկություններ, այդ թվում` այնպիսի երկրների ընդգրկման վերաբերյալ, որոնք կլինեն ոչ օբյեկտիվ հակամարտության կարգավորման հարցում», - ասել է Օհանյանը: Նրա խոսքով` այսօր խմբի գործունեությունը համեմատաբար պասիվացել է, քանի որ դրա անդամ երկրների միջև կան տնտեսական ու քաղաքական որոշակի հակասություններ: «Այնուամենայնիվ, պիտի հասկանանք, որ սահմանին իրավիճակը ո՛չ պատերազմ է, ո՛չ խաղաղություն, և այդ փխրուն խաղաղության պահպանողները ԵԱՀԿ Մինսկի խմբի համանախագահներն են», - նկատել է նախարարը: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |