Անդամակցությունը ՄՄ-ին ՀՀ-ում դիտարկվում է որպես մեծ շուկա դուրս գալու հնարավորություն18 սեպտեմբերի 2015 - 11:11 AMT PanARMENIAN.Net - Եվրասիական տնտեսական միության (ԵՏՄ) փորձագետներն այժմ աշխատում են նոր Մաքսային օրենսդրության վրա: Հարցերը շատ են` դա և տեղեկատվական փոխանակման համակարգն է, և ամբողջական անցումը էլեկտրոնային հայտարարագրմանը, գրում է Ctv.by: ԵՏՄ անդամ երկրների մաքսային ծառայությունների ղեկավարները Մինսկում քննարկում են արդի խնդիրները: Ըստ ՀՀ ֆինանսների փոխնարար Արմեն Գևորգյանի, «անդամակցությունը Մաքսային միությանը Հայաստանում դիտարկվում է որպես աշխատանքի, ապրանքների և ծառայությունների մեծ շուկա դուրս գալու հնարավորություն»: Ինչպես նշել է Ռուսաստանի Դաշնային մաքսային ծառայության ղեկավար Անդրեյ Բելյանինովը, ԵՏՄ-ն արժանի է որպես ինքնուրույն սուբյեկտ հանդես գալու միջազգային բանակցություններում և ոչ միայն մաքսային ծառայությունների ձևաչափով, այլ նաև միջազգային այլ հարթակների, համաժողովների: Բելառուսի Պետական մաքսային կոմիտեի նախագահ Յուրի Սենկոն իր հերթին նշել է. «Եթե նախկինում կնիքն աշխատակիցն էր դնում, ապա այժմ այն դնում է համակարգիչը: Այս նվաճումները լայնորեն կիրառվում են ՄՄ-ում: Վստահ եմ, որ գործնականում դա մեծ օգուտ կբերի մեր տնտեսվարող սուբյեկտների աշխատանքին»: Այժմ մշակվում է ԵՏՄ նոր Մաքսային օրենսդրությունը, որը հաշվի կառնի մասնակիցներից յուրաքանչյուրի շահերը: Բելառուսի վարչապետի առաջին տեղակալ Վասիլի Մատյուշևսկին նշեց. «Գլխավոր խնդիրն այնպիսի փաստաթուղթ մշակելն է, որը առավելագույնս հաշվի կառնի եվրոպական և համաշխարհային չափանիշները, ինչպես նաև իրավական հիմք կստեղծի միջպետական նախագծերի իրականացման համար: Նոր փաստաթուղթը հիմք կդառնա միավորման տարածքում մաքսային կանոնակարգման համար: Իսկ դա ապահովում է ԵՏՄ ներդրումային և տարանցիկ գրավչությունը»: Ավելի վաղ ԵՏՄ մաքսային գործակցության նախարար Վլադիմիր Գոշինը հայտնեց, որ ԵՏՄ անդամ երկրները մտադիր են համաձայնեցնել և ստորագրել մաքսային օրենսդրությունը մինչև տարեվերջ: «Նոր մաքսային օրենսդրության մշակումն ավարտական փուլ է մտել»,-ասել է նա Մինսկում: Գոշինը հավելել է, որ հանձնաժողովը սպասում է Ղրղզստանի և Հայաստանի դիտողություններին, որոնք միացել են փաստաթղթի համաձայնեցմանը: Նա հիշեցրել է, որ նախատեսվում է փաստաթուղթը մինչև տարեվերջ ստորագրել և հորդորել է անդամ երկրներին «հաղթահարել տարաձայնությունները և պահպանել ժամկետը»: Բելառուսը, ՌԴ-ն և Ղազախստանն արդեն ներկայացրել են իրենց նկատառումները նախագծի վերաբերյալ: Գոշինը նշել է, որ մոտ 1,5 հազար դիտողություն է ընդունվել, որոնք այժմ քննարկվում են: Photo: Ctv Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել |