Սփյուռքի փաստաբանների կոչը` դատապարտել Թուրքիայում հայերի հանդեպ հրահրումները23 սեպտեմբերի 2015 - 14:57 AMT PanARMENIAN.Net - Սփյուռքում բնակվող հայ փաստաբանների հիմնած «Հայ իրավաբանական միություն» կազմակերպությունը վերջին շրջանում Թուրքիայում հայերի նկատմամբ ատելություն պարունակող հայտարարությունների աճի, ինչպես նաև հայկական «Արմեն» որբանոց-ճամբարի վրա կատարված հարձակումների կապակցությամբ նամակ է հրապարակել: Դրանում օտարերկրա դիվանագիտական առաքելություններին կոչ է արվում դատապարտել հայերի դեմ կազմակերպվող հրահրումները, նաև աջակցել պաշտոնատար անձանց կողմից հայերի նկատմամբ ատելություն սերմանող հայտարարությունների կանխարգելման գործին: Գրությունն ուղարկվել է Թուրքիայում ԱՄՆ-ի, Կանադայի Ֆրանսիայի, Մեծ Բրիտանիայի, Իտալիայի, Ավստրալիայի, Գերմանիայի, Բելգիայի, Հունաստանի, Իսպանիայի, Շվեյցարիայի, Ռուսաստանի, Լիբանանի, Եգիպտոսի և Կոլումբիայի հյուպատոսարաններին, Թուրքիայում հրապարակվող հայկական «Ակօս» թերթին հղումով գրում է Ermenihaber.am-ը: «Հայ իրավաբանական միություն» կազմակերպության նախագահ Հարրի Տիգրանիանի գրած նամակում խոսվում է որբանոցի վրա կատարված հարձակումների, թուրք ոստիկանի` քրդերի հասցեին արած «Դուք բոլորդ հայ եք», ազգայնականների` «Ջիզրեն քրդերի համար, Քուրթուլուշն էլ հայերի համար է գերեզմանոց դառնալու» և նմանատիպ այլ արտահայտությունների մասին: Սեպտեմբերի լույս 10-ի գիշերը Ստամբուլի հայաբնակ թաղամասերում թուրք ազգայնականների խմբերի հարձակման պատճառով լարված է եղել: Ըստ աղբյուրի` հարձակումը եղել է ծրագրված. ազգայնականները հանդես են եկել հատուկ կոչերով` «այս թաղերը պիտի դարձնենք հայերի և քրդերի գերեզմաններ»: Սեպտեմբերի սկսզբին Շրնաք նահանգի Ջիզրե քաղաքում ոստիկանը դիմել էր քաղաքի բնակիչներին՝ ասելով. «Դուք բոլորդ հայ եք»: Ստամբուլի Թուզլա շրջանում գտնվող «Արմեն» որբանոց-ճամբարը չքանդելու համար հերթապահություն իրականացնող քաղաքացիները սեպտեմբերի լույս 8-ի գիշերը հարձակման են ենթարկվել. ժամը 01:30-ի սահմաններում փայտերով զինված մի խումբ հարձակվել է ճամբարը հսկողների վրա: երթապահողների ու հարձակվող խմբի միջև լարվածություն է առաջացել: Խումբը, սակայն, չի կարողացել մտնել որբանոցի տարածք: Որբանոց-ճամբարի քանդման դեմ պայքարողների վրա ևս մի հարձակում էր տեղի ունեցել անցյալ ամիս՝ հերթապահության 100-րդ օրն: Այդ հարձակման ընթացքում երկու մարդ էր վիրավորվել: Թուրքիայի արևելյան շրջաններում իրավիճակը շարունակում է լարված մնալ: «Anadolu»-ի ներկայացրած տվյալների համաձայն` 65 օրվա ընթացքում (հուլիսի 7-ից սեպտեմբեր) թուրքական ուժերի կողմից սպանվել է 1.116 քուրդ զինյալ, 18 հոգի վիրավորվել են, իսկ 40 զինյալ` ձերբակալվել: Մեկ այլ տվյալներով նշվում է նաև, որ այս ընթացքում ՔԲԿ-ականների հարձակումների հետևանքով սպանվել է 110 թուրք ծառայող (զինվոր, ոստիկան, թիկնապահ): Գործակալության տվյալներով հուլիսի 24-ից մինչ այժմ, «Իսլամական պետություն» ահաբեկչական կազմակերպության, ինչպես նաև PKK –ի երիտթև համարվող «Հայրենասեր հեղափոխական երիտասարդության շարժման» (YDG-H) հետ կապ ունենալու կասկածով բերման է ենթարկվել 2.337 մարդ, որից 625-ը ձերբակալվել է: Իրավիճակը Թուրքիայում սրվեց հուլիսի 20-ի ահաբեկչությունից հետո, որին 32 մարդ զոհ գնաց Սիրիային սահմանակից Սուրուչ քաղաքում: Թուրքիայում արգելված Քրդական աշխատավորական կուսակցությունը (ՔԱԿ) հուլիսին հայտարարեց զինված պայքարի վերսկսման մասին, քանի որ թուրք իրավապահները խախտել են հրադադարի մասին պայմանավորվածությունը: ՔԱԿ գրոհայինները գրեթե ամեն օր հարձակումներ են գործում տարբեր օբյեկտների վրա Թուրքիայում: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Հունիսի 1–ից Վրաստան մտնող յուրաքանչյուր զբոսաշրջիկ պետք է բժշկական ապահովագրություն ունենա Կարգազանցների համար նախատեսվում է տուգանք Ըստ ԻՔՄ հաշվարկի՝ մայիսի 9–ի հանրահավաքին մոտ 32,000 մարդ է մասնակցել Հաշվարկն արվել է աերոնկարահանման միջոցով ԵՊՀ–ում դասադուլի կոչեր են հնչում․ Արհմիությունը կոչ է արել բոլոր դասախոսներին և աշխատողներին միանալ ակցիային Բագրատ սրբազանն ասել է, որ շարժվում են դեպի ԵՊՀ, և որ 18։30–ին կհանդիպեն Հանրապետության հրապարակում «Լադանիվան» Եվրատեսիլի եզրափակչում է Եզրափակչում է նաև Վրաստանը, Ադրբեջանը, որն առաջին կիսաեզրափակչին է մասնակցել, եզրափակիչ դուրս չի եկել |