Մոսկվա-Երևան ավտոբուսի վարորդը կարող է 7 տարվա ազատազրկման դատապարտվել, եթե նրա մեղքը հաստատվի 3 նոյեմբերի 2015 - 17:06 AMT PanARMENIAN.Net - Մոսկվա-Երևան ավտոբուսի ՌԴ Տուլայի մարզում տեղի ունեցած աղետալի վթարի փաստով քննիչները երկու հիմնական վարկած են մշակում. առաջինը, որ ավտոբուսի վարորդը քնել է մեքենայի ղեկին, երկրորդը՝ մեքենան անսարք է եղել: Արդեն հայտնի է, որ ավտոբուսը դուրս էր եկել ըստ ժամանակացույցի, վարորդն ուներ փոխարինող, նա ևս ավտոբուսում էր: Նոյմեբերի 3-ին ՌԴ «Դոն» դաշնային նշանակության մայրուղու 221-րդ կիլոմետրում վթարվել է Մոսկվայից Երևան ուղևորվող ավտոբուսը: Վթարի արդյունքում զոհվել է 9 մարդ, ևս 47-ը վիրավոր են: Նրանցից յոթի վիճակը գնահատվում է ծանր, տասինը` միջին ծանրության: Այժմ անցկացվում է ավտոբուսի տեխնիկական փորձաքննություն: Ստուգվում է նաև տրանսպորտային ընկերության լիցենզիան: «Արդեն ՃՏՊ վայրից երևում է, որ ավտոբուսը մի քանի անգամ բախվել է եզրապատնեշին: Կարելի է ենթադրել, որ վարորդը քնել է ղեկի մոտ: Այս վարկածը ստուգվում է: Կանցկացվի փորձաքննություն: Վարորդը պետք է ժամանակ ոնենա հանգստանալու համար»,-ասել է Տուլայի շրջանի Պետավտոճանապարհային հսկողության վարչության պետ Մաքսիմ Սեմիոխինը: ՌԴ Քննչական կոմիտեում նույնպես ամենահավանականը համարում են տեխնիկական անսարքության և վարորդի քնելու վարկածները: «Ըստ նախնական տվյալների, վարորդը` 44-ամյա ՀՀ քաղաքացի Գարիկ Հարությունյանը չի կարողացել կառավարել ավտոբուսը: Արդյունքում` ավտոբուսը բախվել է ձախակողմյան մետաղյա պատնեշին: Դրանից հետո ավտոբուսը հայտնել է երթևեկելի մասում, որտեղ հատել է երթևեկության երկու հոսքը և աջակողմյան եզրին կրկին բախվել է մետաղյա պատնեշին, և կողաշրջվել դեպի աջ»,-ասել են գերատեսչությունում, հայտնում է «Վեստին»: Ըստ Gazeta.ru-ի, ՌԴ Տուլայի շրջանի ՆԳՆ վարչության ներկայացուցիչ Անդրեյ Յարցևը հայտարարել է, որ վարորդը դուրս է եկել շոկից և կարող է իր վարկածը ներկայացնել ոստիկանությանը: Նրա խոսքերի հիման վրա երկու նախնական վարկած կա` տեխնիկական անսարքություն կամ մարդկային գործոն: «Վարորդը պարզաբանել է, որ եղել է տեխնիկական անսարքություն, որի պատճառով ավտոբուսն անկառավարելի է դարձել: Մենք դիտարկում ենք նաև մարդկային գործոնը, վարորդը կարող էր շեղվել: Բոլոր հանգամանքները պարզվում են»,-ասել է Յարցևը: Ավելի վաղ ԶԼՄ-ները հայտնել էին, որ վարորդը կարող էր քնած լինել ղեկի մոտ, սակայն նրա ցուցմունքներից հետո ոստիկանությունը, հավանաբար, հրաժարվել է այդ վարկածից: Ավտոբուսում 59 ուղևոր է եղել և 2 վարորդ: 5 մարդ ստացած վնասվածքներից մահացել է տեղում, մեկը` «շտապ օգնության» մեքենայում, ևս մեկը` հիվանդանոցում: Մի քանի ժամ անց մահացել է ևս մեկ տղամարդ: Ավելի ուշ հայտնի է դարձել նաև, որ 2 անչափահասները` 16-17 տարեկան, չեն տուժել: Եթե պարզվի, որ վթարի մեղավորը վարորդն է, նրան սպառնում է մինչև 7 տարվա ազատազրկում: Եթե պատճառը տեխնիկական է, ապա օրենքի առջև պետք է պատասխան տա տրանսպորտային ընկերությունը, որը թույլ է տվել, որ անսարքություն ունեցող ավտոբուսը դուրս գա երթուղի: Նախագահ Սերժ Սարգսյանը Տուլայի շրջանում «Դոն» ավտոճանապարհին Մոսկվայից Երևան ավտոբուսի վթարի կապակցությամբ նոյեմբերի 3-ին ցավակցական ուղերձ է հղել և մի շարք հանձնարարականներ տվել պատկան մարմիններին: «Խոր ցավով տեղեկացա Տուլայի շրջանում Մոսկվայից Երևան ժամանող ավտոբուսի վթարի և անդառնալի հետևանքների մասին: Այս գիշեր մեծ կորուստ կրեց մեր ողջ ժողովուրդը, մեզնից յուրաքանչյուրը: Այս ծանր պահին իմ ցավակցությունն ու վշտակցությունն եմ հայտնում զոհվածների ընտանիքներին, հարազատներին և մերձավորներին: Բոլոր վիրավորներին մաղթում եմ շուտափույթ ապաքինում», - ասվում է ուղերձում: Մոսկվայից Երևան ժամանող ավտոբուսի վթարի կապակցությամբ նախագահն իրավասու իրավապահ մարմիններին հանձնարարել է անհապաղ նախաձեռնել անհրաժեշտ իրավական ընթացակարգեր՝ իրենց իրավասության շրջանակներում վթարին առնչվող հանգամանքները պարզելու համար՝ ապահովելով ՌԴ համապատասխան մարմինների հետ գործակցությունը: Սարգսյանն իրավասու մարմիններին հանձնարարել է նաև կարճ ժամկետներում վթարի պատճառների և ավելի լայն ու համալիր ուսումնասիրությունների հիման վրա ներկայացնել ՀՀ տարածքից միջպետական ավտոբուսային փոխադրումների անվտանգության աստիճանն էապես ավելացնելու ծրագիր: ՀՀ կառավարությանը և ՌԴ-ում Հայաստանի Հանրապետության դեսպանությանը հանձնարարվել է միջոցներ ձեռնարկել զոհվածների և տուժածների ընտանիքներին անհրաժեշտ աջակցություն ցուցաբերելու, ինչպես նաև ամբողջ ծավալով բժշկական օգնություն կազմակերպելու նպատակով: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |