ԱՄՆ-ն 22%-ով ավելացնում է ՀՀ-ին օգնությունը. ԼՂՀ-ին հատկացում չի նախատեսվում11 փետրվարի 2016 - 13:56 AMT PanARMENIAN.Net - Սպիտակ տունը նախատեսում է բյուջեով $22 մլն 412.000 հատկացնել Հայաստանին՝ որպես տնտեսական օգնություն: 2015-ի համեմատ, այդ գումարն ավելին է 22%-ով: Սակայն, 2016-ին ևս ԱՄՆ-ի բյուջեով հատկացումներ չեն նախատեսվում Լեռնային Ղարաբաղի համար։ ԱՄՆ Հայ դատի գրասենյակնԱՄՆ-ինառաջարկել էր $40 միլիոնտրամադրել՝ ներդրումային և առևտրյանին ծրագրերի իրականացման համար։ Հայ դատի հանձնախմբի մամուլի խոսնակ Էլիզաբեթ Չուլջյանը նշել է, որառհասարակ ԱՄՆ-ի՝ արտաքին օժանդակության համար հատկացվող գումարները տարիների ընթացքում նվազել են, հաղորդում է «Ազատության» ռադիոկայանը։ «Այո, առաջադիմություն է, որ 22%-ով ավելի է, նախորդ տարվա համեմատ։ Բայց իրականությունն այն է, որ ընդհանրապես Ամերիկայի՝ արտաքին օժանդակության գումարները տարիների ընթացքում նվազել են, և Ամերիկայի Հայ դատի հանձնախումբը աշխատում է ոչ միայն ընդլայնել այդ գումարները, բայց տեղյակ լինելով, թե ինչպիսին է ներկա քաղաքական իրավիճակը արտաքին օժանդակության, կենտրոնացնել մեր աշխատանքները նաև Ամերիկա-Հայաստան ներդրումների հզորացման ուղղությամբ», - նկատել է Հայ դատի հանձնախմբի մամուլի խոսնակը։ ԱՄՆ-ի 2017-ի բյուջեի նախագծով, առաջարկվում է մոտ $11 միլիոն tրամադրել Ադրբեջանին։ Հայ դատի գրասենյակը, ընդգծելով «Հայաստանի և Ադրբեջանի սահմանին Ադրբեջանի դրսևորած ագրեսիան», մտահոգիչ է համարում, որ այս տարի ևս բյուջեով հատկացումներ չեն նախատեսվում Լեռնային Ղարաբաղի համար։ Ըստ հանձնախմբի, Ստեփանակերտին անհրաժեշտ է հատկացնել $5 միլիոն` Lady Cox վերականգնողական կենտրոնի համար, որտեղ տարեկան բժշկական օգնություն է ստանում ֆիզիկական և մտավոր խնդիրներ ունեցող 1000 մարդ: Լեռնային Ղարաբաղին տարեկան $1.5 մլն-ի օգնություն էր տրամադրում USAID-ն (ԱՄՆ Միջազգային զարգացման գործակալություն): Հարցին, թե հանձնախումբը փորձո՞ւմ է ինչ-որ կերպ ազդել Սպիտակ տան որոշման վրա, Չուլջյանը պատասխանել է. «Այո, նախագահական բյուջեների մեջ Արցախի համար հատուկ գումար նշված չի եղել նույնիսկ Օբամայից առաջ։ Որպես նոր ծրագիր, մենք կոչ ենք ուղղել, որ հինգ միլիոն գումար տրվի Ստեփանակերտում գտնվող Lady Cox վերականգնողական կենտրոնի համար»։ Հայ դատի հանձնախմբի մամուլի խոսնակը նաև նշել է, որ գրասենյակը ջանքեր է գործադրում, որպեսզի Միացյալ Նահանգները բյուջեով $10 մլն հատկացնի Սիրիայից և Մերձավոր Արևելքից Հայաստան եկած 20 հազար հային օգնելու համար։ Անցած մի քանի տարիների ընթացքում ԱՄՆ-ն միջինը $1.5 մլն է հատկացրել ԼՂ-ին: Կարդացեք նաև՝ ANCA-ի պահանջը՝ ավելացնել ԱՄՆ-ից ՀՀ-ին ու ԼՂՀ-ին տրամադրվող օգնությունը Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |